Jeremia 52:18 - Uwumbɔr aagbaŋ

¹⁸ Bi nan ki yoor tiwan ni bi joo faal timoor, ni nfatan, kitork aabimbiln paab na. Bi nan yoor tiwan ni bi joo toor karyaa mam na, ni ŋisambil ŋi bi joo teŋni kitork aasin na, ni ŋisambil ŋi bi joo seer tulalee aayon na, ni tikumann aawan ni mɔmɔk bi joo tun lituln Uwumbɔr Aadichal ni na.

Jeremia 52:18 ပူးပေါင်းရင်းမြစ်များ

1 Bibɔrb 7:40

Huram nan ki ŋa ŋibuu, ni soobol tiib, ni ŋisambil. U nan ŋa Uwumbɔr Aameen Aadichal ni aawan mɔmɔk tii Ubɔr Solomonn. Waah nan ŋa tiwan ni na sɔ: Jaatɔlk tiib bilee na; ni tiwanaankaan ni nan bi ke lisambil ki tɔk jaatɔlk tiib ngbaan pu na; ni tikululn aanyɔla nyɔla tiib bi nan bi tiwanaankaan ngbaan pu na; ni tikumann aasubinaankee ŋi nan ye ikui inaa, ki bi ikuul ilelee pu, aan nkuul mubaa mɔk ye ŋisubil nkub, ki mann goln tiwanaankaan ngbaan na; ni tɔroku tiib kipiik na; ni tisapar kipiik na; ni nkin sakpiin na; ni nkin ngbaan aah tɔk inaaja kipiik ni ilee i pu na; ni ŋibuu, ni soobol tiib, ni ŋisambil na. Huram aah nan ŋa Uwumbɔr Aadichal ponn ni aawan ni mɔmɔk tii Ubɔr Solomonn na, nan ye tikumann ti joon kpal kpal na la.

1 Bibɔrb 7:50

ni n‑yikum, ni baah joo tiwan ni toor ŋikaryapal na, ni ŋisambil, ni tulalee aayon aasambim, ni nsambim mu bi joo moi mmii na; ni Chain Chain Aapepel aajaaleŋ, ni Uwumbɔr Aadichal aadir tiken aajaaleŋ tiib aakur. Bi nan di salmaa le naan tiwan nimina mɔmɔk.

1 Bibɔrb Aabɔr 28:17

U nan ki mɔk u baah ga di salmaa ŋmeen u ŋa tijinjiir, ni ŋisambil, ni ŋibuu; ni tikunabr ni salmaa u bi ga di ŋa ŋisambil,

2 Bibɔrb Aabɔr 4:11

Huram nan ki ŋa ŋibuu, ni tiwan ni bi joo faal nfatan na, ni ŋisambil. U nan ŋa Uwumbɔr Aadichal ni aawan, ni mɔmɔk u nan puu tii Ubɔr Solomonn ke u ga ŋa na. Nima le ye: Jaatɔlk tiib bilee na. Tiwanaankaan nilee ni nan bi ke lisambil ki tok jaatɔlk tiib ngbaan pu na. Tikululn aanyɔla nyɔla tiib bi nan bi tiwanaankaan ngbaan pu na. Tikumann aasubinaankee ikui inaa ŋi bi jaatɔlk tiib aanyɔla nyɔla pu na. Tɔroku tiib kipiik na. Tisapar kipiik na. Nkin sakpiin na. Nkin ngbaan aah nan tɔk inaaja kipiik ni ilee i pu na. Ŋibuu, ni tiwan ni bi joo faal nfatan na, ni inanmoon. Huram u ye uwanŋakpaan na nan di tikumann ti joon kpal kpal na le naan tiwan ngbaan mɔmɔk, Ubɔr Solomonn aah nan tuk u pu na, ke bi li joo tun lituln Uwumbɔr Aameen Aadichal ponn ni.

2 Bibɔrb Aabɔr 4:22

ni tiwan ni bi joo junni karyaa tiib na, ni nsambim mu bi joo moor mmii na. Bi nan di salmaa le naan tiwan nee mɔmɔk. Bi nan di salmaa le boon jaaleŋ tiib bi bi lipaal wɔb na, ni bi bi Chain Chain Aapepel aabisamɔi na.

Nnyam 25:29

Ni ŋa nsambim, ni mbobim, ni ŋisambijal, ki li joo ŋani ŋisubil aadaan aapiin. Ni di salmaa ŋmeen ŋa tiwan nee mɔmɔk.

Nnyam 25:38

Ni di salmaa ŋmeen mɔɔ naajubababr, ni ŋipen.

Nnyam 27:3

Ni ŋa ŋisambil ŋi ni ga li joo nfatan ŋani ŋi ponn ni na; ni ki ŋa ŋichakpaa, ni ŋisambil, ni inanmoon, ki kpee mmii aasambil mu. Ni di tikumann aakur ŋmeen ŋa tiwan ngbaan mɔmɔk.

Nnyam 37:16

U nan di salmaa aakur le mɔɔ teebul ngbaan aawan mɔmɔk, ni nan ye nsambim, ni mbobim, ni ŋisambijal aan bi joo ŋani ŋisubil aadaan aapiin na.

Nnyam 37:23

U nan ŋa karyaa bilole ki ŋeer ŋipan ŋilole ngbaan, le ki di salmaa ŋmeen mɔɔ kijubababr, ni ŋipen.

Nnyam 38:3

U nan ki ŋa laawan mɔmɔk kpee li pu: ŋisambil ŋi bi ga li joo nfatan ŋani ŋi ponn ni na, ni ŋichakpaa, ni ŋisambil, ni inanmoon. Bi nan di tikumann aakur le ŋa ni mɔmɔk.

Nkahm 4:14

Bi di tiwan ni ye mmii aasambil, ni inanmoon, ni tiwan ni bi joo leer mmii ki faa nfatan na, ni ŋisambijal ŋimɔk bi joo tun lituln libimbiln ngbaan pu na di ŋa li ponn ni, aan ki di ngbanyaan biin ni pu, ki di ŋidabil ŋi bi joo yoor li na di ŋa ŋaabon ni.

Nkahm 4:7

“Bi di likekeln bɔmbɔln kpar biin teebul u bi joo boroboro paani tii Uwumbɔr na pu, aan ki di ŋisambil, ni tulalee aayon aasambil, ni ipiin aasambil, ni ŋisubil aadaan aabobim ŋi bi joo tii Uwumbɔr ipiin na chɔŋ u pu. N‑yoonn mɔmɔk kan, boroboro li paa teebul ngbaan pu.