Jeremia 52:11 - Uwumbɔr aagbaŋ

¹¹ Nee aapuwɔb, le u cha bi chuu lokr Sedekia aanimbil, le ki di tikululn gbin u ki di u buen Babiloŋ ni. Sedekia nan gaar kiyondiik ni Babiloŋ ni le ki ti saa nwiin mundaal u kpo na.

Jeremia 52:11 ပူးပေါင်းရင်းမြစ်များ

Jeremia 21:7

Sin ma kan, aa ni saaninkpiib, ni binib bi ŋmar butɔb, ni nkon, ni iween ngbaan ni na, m ga cha Ubɔr Nebukadnesar, ni nimi aadim bi ban bi ku nimi na chur nimi. Nebukadnesar ga ti ku nimi. Waan di cha ni ponn ni ubaa, kaan san ubaa kinimbaak. Min Uwumbɔr le len kina.”

Jeremia 39:7

Nee aapuwɔb, le u cha bi chuu lokr nyan Sedekia aanimbil, ki di tikululn gbin u ke bi di u buen Babiloŋ aatiŋ ni.

Inandalahn 2:6

Waadichal li ponn ni ti nan dooni u na, le u gbaa wii li yuk yuk. U kuln ŋikpaakoo, ni iwinyaan daal. Waaŋuul aapɔɔn fuu bibɔrb ni bitotoorb mu chee.

Esekiel 12:13

le m ga taln maapɔɔk ki chuu u ki ponn ni, le ki di u buen Babiloŋ aatiŋ ni, nin chee u ga ti kpo, kaan kan kitiŋ ngbaan kpala na.

Esekiel 17:16

Tidindaan Uwumbɔr nan ki bui ke, “Maah ye Uwumbɔr u bi n‑yoonn mɔmɔk na pu, ubɔr ngbaan aah bii waah puu tipuur ti na, ni kimɔbaan ki u ni Babiloŋ aabɔr u di u kaan nnaan na nan ŋa na, u ga kpo Babiloŋ aatiŋ ni.

Esekiel 23:24

Bi ga nya ni ŋŋangan wɔb ki joo ni butɔb aajab bi wiir ki joo itaan aatɔroku tiib, ni tijikaar aatɔroku tiib na ki nan tak si. Bi ga li joo kijaak aapen ni tiyikpupur le kii bibaa, ki nan gob si. M ga nyan si tii bi, le bi ga di bibaa aakaal ji si tibɔr.