Jeremia 51:8 - Uwumbɔr aagbaŋ

⁸ Babiloŋ kpaan lir libuul ngbaan ni le ki kuln. Wii kaakpuul man. Ban nnyɔk ki nan ŋa kaabuun ni, nibaakan, i ga yann.

Jeremia 51:8 ပူးပေါင်းရင်းမြစ်များ

Aisaya 21:9

Libuul ngbaan ni, le bi nyan ni. Bijab jak itaan, ki dii tɔb bilelee. Ukikiir ngbaan tuk mi waah kan pu na, “Babiloŋ lir a. Baah nan dooni ŋiwaa ŋimɔk na lir kitiŋ ki wii a.”

Aisaya 47:11

Tibɔbir ga dan aa pu, le saanyɔk ngbaan mubaa aan ŋmaa kiir ti. Nfum mubaa le tibɔbir ga lir ni aa pu, tibɔbir ti saa kee dakl ti pu daalbaadaal na le ga lir aa pu.

Aisaya 47:9

Naan yunn, liwinbaal le aa ga lann tiwan nilee ngbaan mɔmɔk. Hali saah kpa inyɔk i na aan ter si, le aa ga lann chal ni mbim mɔmɔk.

Jeremia 46:11

Ijipt aanib, li cha man Gilead aatiŋ ni ki ti ban inyɔk. Nimi aanyɔk mɔmɔk ye fam la; nibaa aan ŋmaa tii nimi laafee.

Jeremia 48:20

Bi ga gar ke, ‘Moab aatiŋ lir a, ki jin inimɔɔn a; li wii ki pu man. Moon Anonn Aamɔɔgban ke Moab aatiŋ ber a.’

Jeremia 48:31

Kina pu le m ga wii Moab aatiŋ, ni Kir Heres aatiŋ aanib mɔmɔk pu.

Jeremia 50:2

“Bui ŋitimbol tibɔchann ngbaan. Moon ti. Tii limɔkl ki moon tibɔchann ngbaan. Taa di ti bɔr. Babiloŋ lir a. Kaawaal li bi yin li ke Maduk na wii yuk yuk a. Babiloŋ aawaa jin inimɔɔn a, kaawaa ŋi sukr ponn ni na wiil a.

Jeremia 51:41

Uwumbɔr nan ki len Babiloŋ aabɔr ke, “Kitiŋ ki dulnyaa mɔmɔk nan pak ki na lir a. Babiloŋ gur ye ijawaan aawan le ŋitimbol chee.

Jeremia 8:22

Inyɔk aa bi Gilead aatiŋ ni ii? Bi teei binib na aa bi nima chee ee? Tɔ, ba ŋa ubaa aa ŋmaa tii maanib laafee?

Esekiel 30:2

“Unibɔn, nabr ki moon min Dindaan Uwumbɔr aah len pu na. Aa teen ŋimɔbon ŋimina mpɔɔn pu ke: Ijawasakpiin aawiin mubaa choo,

Daniel 5:24

Kina pu le Uwumbɔr tun ni ŋŋaal ngbaan mu nan ŋmee tibɔr tee.

Daniel 5:31

le Darius u ye Media aanii ki ye ŋibin imonko itaa ni ŋilee aanii n‑yoonn ngbaan na, gaa nnaan ngbaan aapɔɔn.

Nahum 3:19

Nnyɔk aa bi ki ga sɔŋ saatotonn ti aa kan na, le saabuun ngbaan aan yann. Binib bi mɔmɔk ŋun saah bii doo pu na gbaa tinyɔpur mpopiin pu la. Unii ubaa nan ŋmaa ŋmar saabiin mu kaa nan kpa ndoon na ni ii?

Tibɔkpiirkaan 14:8

Uwumbɔr aatuun leler nan paan ni njan yoo na aapuwɔb ki len ke, “Kitisakpeŋ Babiloŋ lir a. Kitiŋ ngbaan le nan cha ŋinibol mɔmɔk aanib nyu ndapɔm gbii. Ndaan ngbaan le ye waadagook aakpeek. Nima le ki lir a.”

Tibɔkpiirkaan 18:2

le ki len mpɔɔn pu ke, “Kitisakpeŋ Babiloŋ lir a. Ki lir kookoo a. Bipɔnib, ni tiyayaar, ni tiwanbir, ni inyoon i bir ki kɔ na baanja le koo nima chee;