Jeremia 51:7 - Uwumbɔr aagbaŋ

⁷ Babiloŋ nan bi ke salmaa aayikuuk na le ŋŋaal ni, ki cha dulnyaa wee mɔmɔk nyun ki ponn ni ki ti gbii. Ŋitimbol nan nyun ki ponn ni aadaan le kaa ki kpa nlan.

Jeremia 51:7 ပူးပေါင်းရင်းမြစ်များ

Aisaya 14:4

U yaa ŋa nimina kan, u ga cha bi ŋa Babiloŋ aabɔr mbɔnyun ki len ke: “Ubɔrkpaan mbiindaan na lir a. Waan ki muk ubaa.

Jeremia 13:13

Le aa ga bui ke min Uwumbɔr ga cha kitiŋ kee aanib mɔmɔk nyu ndaan ki ti gbii; bibɔrb bi ye David aayaabitiib na, ni bitotoorb, ni maabɔnabtiib, ni Jerusalem aanib mɔmɔk ga nyu gbii.

Jeremia 25:9

‘M ban m tun yin ni ŋŋangan wɔb aanib mɔmɔk, ni Babiloŋ Aabɔr Nebukadnesar, u ye maatutunn na la. M ga cha bi dan ki nan tak Juda ni kaanib, ni ŋitimbol ŋi mɔmɔk mu bi gbɔk ki na, ki cha mu li gur ye tilangbenn ti kpa ijawaan na, ki ti saa n‑yoonn mu kaa kpa ndoon na. Min Uwumbɔr le len kina.

Jeremia 50:38

Cha nweel dan kaatiŋ pu, ki foor kaamɔɔ. Babiloŋ ye kitiŋ ki kpa ijawaan aawaa na la, ŋima le ŋmann binib ngbaan.

Esekiel 23:42

Kinipaak ki aatafal aa bi nibaa ni na aafuuk ga fii, ki ye bijab bi nyan ni nteersakpiin ni na aafuuk. Bi ga di ibuenyaan ŋmaan bipiib ngbaan aaŋaal, ki di tibɔryikpupur chiŋ bi.

Daniel 2:32

Bi nan di salmaa u ŋan sakpen na le di naan niyil; ki di tikunabr naan niŋaal ni kibiŋ; ki di tikumann naan nichaŋ;

Daniel 2:38

U ŋa si unibɔn aah bi nimɔk na aabɔr, ki tii si mpɔɔn tiwakor ni inyoon pu ke aa li lik ni. Sin le ye liyil li bi di salmaa naan li na.

Tibɔkpiirkaan 14:8

Uwumbɔr aatuun leler nan paan ni njan yoo na aapuwɔb ki len ke, “Kitisakpeŋ Babiloŋ lir a. Kitiŋ ngbaan le nan cha ŋinibol mɔmɔk aanib nyu ndapɔm gbii. Ndaan ngbaan le ye waadagook aakpeek. Nima le ki lir a.”

Tibɔkpiirkaan 17:2

Dulnyaa aabɔrb gɔr chaa upiidagoor ngbaan chee. Dulnyaa aanib mu gɔr chaa u chee ki nyu waadagoor aadaan ki gbii.”

Tibɔkpiirkaan 17:4

Upii ngbaan nan pee tiwanpeenkaan nyaan, nibaa chee man, niken chee mu bɔn ke nsiin na, ki pee nleen mu ŋan ki kpa kidaak na uneen ni. Waawanpeenkaan pu nan ye salmaa ni ŋitakpabinyaan ŋi kpa kidaak na. U nan joo salmaa aasambil uŋaal ni. Tiwan ni kaa ŋan, ki ye waadagook aawan, ki kpa tijɔŋ na nan gbii waasambil ngbaan ni.

Tibɔkpiirkaan 18:23

Karyaa ubaa mu aan ki li wiin ki ponn ni. Uja ubaa mu aan ki yoor upii ki ponn ni. Upii ubaa mu aan ki mɔn uja ki ponn ni. Binib bi chuun tiir tiwan ki ponn ni na nan ye mpɔɔndam la. Kaanib nan ŋani inyɔk ki ŋmanni ŋinibol mɔmɔk.”

Tibɔkpiirkaan 18:3

ba pu? ŋinibol mɔmɔk nyun ndaan mu ye kitiŋ ngbaan aadagook aakpeek na, le dulnyaa ni aabɔrb gɔr chaa ki chee. Binib bi chuun tiir na nan kan tinyoor sakpen ki pu; ba pu? kaanib nan ban tiwanyaan ki ti nyaŋ.”

Tibɔkpiirkaan 19:2

U jin binib tibɔr mbamɔm ki ŋa bi naah ŋeer bi pu na. U jin upiidagookpaan u nan cha dulnyaa ni aanib gɔr kidagook na aabɔr, ki daa utafal; ba pu? u nan ku uma Uwumbɔr aatutum.”