Jeremia 51:56 - Uwumbɔr aagbaŋ

⁵⁶ Bi dan ke bi nan kuln Babiloŋ la; bi nyaŋ kaajab ki chur bi, le ki kool baatɔi. M ye Uwumbɔr u daar unii u tun titunwanbir na aatafal la, le ki ga ŋa Babiloŋ tiwan ni ŋeer ki na.

Jeremia 51:56 ပူးပေါင်းရင်းမြစ်များ

Mpiin 49:24

Saatɔm aa diŋni, le aaŋaal mu pɔɔ. Aate Jakob Aawumbɔr Mpɔɔnsakpiindaan, uma Uwumbɔr u lik Israel yaab na le tii si mpɔɔn.

Ilahn 137:8

Babiloŋ aatiŋ, aa ga kuln. Unii u teen si saah nan tun timi pu na kpa mpopiin,

Ilahn 37:15

le bibaa aajaak aajum ga ku bi, le baatɔi mu ga kool.

Ilahn 46:9

U cha butɔb door dulnyaa wee mɔmɔk ni; U kool itɔi, ki bii tikpaatunn, ki seer kijaak aapen mmii.

Ilahn 76:3

Nima chee le u kool waadim aapiin, u kool baajaak aapen ni njum; mbamɔn, u kool baajawan mɔmɔk.

Aisaya 21:2

M kan libiil aabɔr tibɔkpiirkaan ni, libiil ni ŋŋmannim aabɔr. Elam aajab, ti tak bi man. Media aajab, buen ti gob man ntim ngbaan. Uwumbɔr ga kuln Babiloŋ yaab aah tii nimi falaa u na.

Aisaya 34:8

N‑yoonn mue le ye n‑yoonn mu Uwumbɔr ga gaa Sionn aatiŋ lii ki daa baadim aatafal na.

Aisaya 35:4

Bui umɔk aataakpab yɔl na ke, “Cha aataakpab pɔɔk ki taa san ijawaan. Uwumbɔr choo u nan gaa si lii, u choo u nan daa saadim aatafal.”

Aisaya 59:18

U ga daa waadim aatafal baah tun taani ki ŋeer pu na, ni binib bi bi dandar aatim ni na mu.

Jeremia 49:35

U nan bui ke, “M ga ku bijab bi too itɔi ki cha Elam aatiŋ kan mpɔɔnsakpiin na mɔmɔk.

Jeremia 50:10

Bi ga gaa Babiloŋ aawangol, le binib bi ga gaa li na ga yoor tiwan ni mɔmɔk bi gee na. Min Uwumbɔr le len kina.”

Jeremia 50:36

Nkun li bi bibɔnabr bi ye binyamɔndam na pu, bi ye bijɔrb la. Nkun li bi kaajab pu, ijawaan chuu bi a.

Jeremia 51:24

Uwumbɔr len ke, “Ni ga kan maah ga teen Babiloŋ ni kaanib baah tun Jerusalem titunwanbir ti na mɔmɔk.

Jeremia 51:30

Babiloŋ aajab di cha kijaak le ki gaar baajawan aadir ni. Baa ki kpa lipobil, le ki gur bi ke bipiib na. Bidim gbaa wɔi kitiŋ ngbaan aabisamɔi aajaaleŋ mam, le ki see ŋidichal lii.

Jeremia 51:48

Buyoonn Babiloŋ nan koo binib bi ban bi kuln ki na aaŋaal ni na, le taab ni kitaapaak aawan mɔmɔk ga di mpopiin teen mpɔɔn pu.

Jeremia 51:53

Babiloŋ yaa ga ŋmaa jon kitaapaak ki ti maa tidir ti fɔk ki pɔɔ sakpen na kan, m ga sil tun binib bi ti bii ti nima. Min Uwumbɔr le len kina.”

Jeremia 51:6

San nya Babiloŋ ni man. Li san ban nibaa man. Taa cha bi ku nimi Babiloŋ aanib aatunwanbir pu. M bi teeni le ki dar bitafal naah ŋeer bi pu na.

Inandalahn 3:64

Uwumbɔr, daa bitafal, baah tun pu na pu.

Esekiel 39:3

N‑yoonn ngbaan le m ga faa nyan waatɔm uŋangan ni, ki faa yaa waapiin uŋangii ni.

Esekiel 39:9

Israel aatim aanib ga nya ki ti yoor tijawan ni bee fam na ki nan tuur mmii. Bi ga li joo kijaak aapen, ni itɔi, ni ipiin, ni tikpaatunn, ni ŋichakukul tuur mmii kina ki ti saa ŋibin ŋilole.

Amos 2:15

Binib bi joo itɔi na aan ki ŋmaa sil ki too, le bitaasam aan ŋmaa san ŋmar, bijab bi dik itaan pu na mu aan ŋmaa ŋmar.

Obadia 1:15

“Nwiin ngbaan peen ni, bundaal aan min Uwumbɔr ga ji ŋitimbol mɔmɔk tibɔr na peen ni. Edom yaab, naah ŋa pu na, kina le ni ga kan. Naah tii pu na, kina le bi ga giin tii nimi.

Habakuk 2:8

Saah gaa ŋitimbol pam aawangol mpɔɔn pu pu na, kina le binib bi ŋmar na mu ga nan gaa saawangol; ba pu? aa ku binib pam ki kuln baatim ni binib bi mɔmɔk bi mu ni na.

Ikaal 32:35

Le Uwumbɔr ga teen bi, ki daa bitafal. N‑yoonn choo, le bi ga nan lir; bundaal bi ga kuln na aa ki daa.

2 Tesalonika 1:6

Ni ye mbamɔn, Uwumbɔr len ke ni ŋan ke binib bi ŋani nimi falaa na, u mu ŋa bi falaa,

Tibɔkpiirkaan 17:16

Saah kan iyiin kipiik i na ni upeel ngbaan ga li nan upiidagoor, ki ga yoor waawan mɔmɔk ki cha u chuun uŋmeen, ki ga ji waawon ki see u mmii;

Tibɔkpiirkaan 18:20

Tɔ, nimi bi bi paacham na, ni Uwumbɔr aanib, ni Yesu aakpambalb, ni Uwumbɔr aabɔnabtiib, ni li kpa mpopiin kitisakpeŋ ngbaan aah kuln pu na pu; ba pu? Uwumbɔr teen ki kaah ŋa nimi bakaa u na, ki daa kitafal.

Tibɔkpiirkaan 19:2

U jin binib tibɔr mbamɔm ki ŋa bi naah ŋeer bi pu na. U jin upiidagookpaan u nan cha dulnyaa ni aanib gɔr kidagook na aabɔr, ki daa utafal; ba pu? u nan ku uma Uwumbɔr aatutum.”

1 Samuel 2:4

Bijab bi pɔɔ na aatɔi kool la, le bi kaa kpa mpɔɔn na moo pɔɔk.