Jeremia 51:55 - Uwumbɔr aagbaŋ

⁵⁵ M ban m bii Babiloŋ la, le ki cha ki ŋmin chii. Bijab berni ke tinyunkpenn na la le ki tar ki tak ki.

Jeremia 51:55 ပူးပေါင်းရင်းမြစ်များ

Ilahn 124:2

“Uwumbɔr yaa kaa ba si tipuwɔb buyoonn timi aadim tak timi na kan,

Ilahn 124:4

bi ba ga nan di timi buen ke nwam na, ki biin ti pu ke tinyunkpenn na,

Ilahn 18:4

Nkun aanimaln le nan mann gob mi; mbiin aabuln nan mann goln mi.

Ilahn 65:7

Aa cha nnyusakpem ŋmini chii; ki cha mu aanyunkpenn ŋmini chii; binib yaa faa kifuuk kan, le aa ŋmin bi chii.

Ilahn 69:2

M bi chɔi tikpakpar ni, nin chee kitiŋ aa bi ntaal ga taa na la; M bi nnyun mu nyoo na ni la, le tinyunkpenn ban ti di mi muin.

Aisaya 15:1

Moab yaab aanaŋ sɔ. Kinyeek kibaa le Ar ni Kir aatim ga bii, le ni mɔmɔk ga ŋmin chii.

Aisaya 17:13

Ŋitimbol san ni ke tinyunkpenn na, le Uwumbɔr teen bi pu, le bi gir bipuwɔb mala ke kitangbaak aah san sunni ligongoln taab pu na, ki naahn kimook aah bi kinaakpaajabuŋ ponn ni pu na.

Aisaya 47:5

Uwumbɔr bui Babiloŋ aatiŋ ke, “Kal suuna mbɔmbɔɔn ni, ubaa aan ki yin si ke ŋitimbol mɔmɔk aapiibɔr.

Jeremia 25:10

M ga cha baamɔɔn, ni mpopiin aafuuk, ni tibɔndinn aajim aapopiin aafuuk na ŋmin chii. Baan ki kan nkpan ki ŋa baakaryaa mam ni, kaan ki kan tijikaar mu.

Jeremia 51:42

Nnyunsakpem di mu aanyunkpenn ti pɔɔ na biin Babiloŋ pu.

Esekiel 26:3

“Tɔ, min Dindaan Uwumbɔr aah len pu sɔ: Taya aatiŋ, min le ye saadin. M ga cha ŋitimbol pam dan ki nan tak si, ŋi ga dan ke nnyusakpem aanyunkpenn na la.

Tibɔnyaan ti Luk ŋmee ti na 21:25

“Lijinjiir aawan ga li bi nwiin, ni uŋmal, ni ŋiŋmabil ponn ni. Nnyusakpem ga ŋa tinyunkpenn sakpiin, ki faa kifuuk sakpen, ki ŋa binib ilandak. Baan ki li nyi baah ga ŋa pu na.

Tibɔkpiirkaan 17:15

Le Uwumbɔr aatuun ngbaan ki bui mi ke, “Aa kan nnyunkpaan mu upiidagoor ngbaan ka mu chee na. Nnyunkpaan ngbaan ŋaŋ binib la. Bi ye ŋitimbol mɔmɔk aanib bi bi dulnyaa wee ni, ki len iliin imɔk bi dulnyaa wee ni na.