Jeremia 51:51 - Uwumbɔr aagbaŋ

⁵¹ Ni bui ke, ‘Bi jinn timi inimɔɔn a; le biwɔwɔm aah gaa ŋipepel ŋi bi chain Uwumbɔr Aadichal ni na, ti kan ke taa ki kpa nterm mubaa.’

Jeremia 51:51 ပူးပေါင်းရင်းမြစ်များ

Ilahn 109:29

Cha maadim kpaln inimɔɔn aanib; cha inimɔɔn li ye baawanpeenkaan.

Ilahn 71:13

Cha binib bi tak mi na lir ki kuln pel pel. Cha binib bi pɔɔni bibaa ke bi tii mi iween na ji inimɔɔn.

Ilahn 79:1

Uwumbɔr, binib bi kaa nyi si na koo ni saatiŋ ni. Bi bii Saadichal li bi chain na, le ki cha Jerusalem gur ye tilangbenn.

Ilahn 79:12

Uwumbɔr, pa ŋitimbol ŋi seei si ŋisiibil mɔmɔk aabɔŋ na nfum mulole pu baah seei si pu na.

Ilahn 79:4

Ŋitimbol ŋi mann goln timi na seei timi la; bi laa timi le ki ŋani timi mbɔnyun.

Ilahn 89:46

Uwumbɔr, aa ga di aabaa bɔr kookoo la aa? Saaŋuul ga li wu ke mmii na ki ti saa bayoonn?

Aisaya 13:1

Amos aajapɔɔn Aisaya aah gaa Uwumbɔr chee Babiloŋ aanaŋ i na sɔ:

Aisaya 14:1

Uwumbɔr ga ki gir san waanib Israel yaab kinimbaak ki lee bi ke uyaab. U ga ki cha bi ki koo baatiŋ ponn ni, le biwɔwɔm ga dan nan li bi bi chee.

Aisaya 21:1

Babiloŋ yaab aabɔr sɔ. Kinaakpaajabuŋ aah ŋar nteer pu pu na, kina le tibɔbir ga nyan ni ijawaan aatiŋ kibaa ni ki dan Babiloŋ pu.

Aisaya 47:1

Uwumbɔr bui ke, “Babiloŋ aatiŋ, sunn ni saabɔrjal pu, ki nan kal kitiŋ, titan ni. N‑yoonn mubaa aa nan naahn upii u kaa nyi uja na la, kitiŋ ki ubaa aa kee nyaŋ ki na, le dandana ma, saa ki pɔɔn, kaa ki ŋan mu. Aa gur ye unaagbiipii la.

Jeremia 14:3

Biwankpadam na tun baanaagbiib ke bi ti lu ni nnyun; le bi buen ŋibun ni, kaa ti kan nnyun; le ki tu ŋibukuun gir ni. Bilan ŋmal, le bitaakpab yɔl, le bi bɔrni.

Jeremia 31:19

Ti nan fenn tipuwɔb tii si, le naa yunn le ti ki ban ke ti gir ni. Saah nan daa titafal na aapuwɔb, le ti nan ka tii tiyil mpombiin pu. Ti nan jin inimɔɔn, ba pu? taah nan laa ye mbim pu na le ti nan tun titunwanbir.

Jeremia 52:13

U nan see Uwumbɔr Aadichal, ni libɔrdichal, ni binikpaam bi mɔmɔk bi Jerusalem na aadichal lii;

Inandalahn 1:10

Kaadim nan sun kaawangol mɔmɔk; kaanib nan kan baah koo Uwumbɔr Aadichal ponn ni pu na. Uwumbɔr aa tii nsan ke binib bi kaa ye Israel yaab na koo nima chee.

Inandalahn 2:20

Uwumbɔr, lik binib bi aa bi jinni bi falaa na. Bipiib joo baah gee baabim mu na le ŋmɔ. Bi ku bitotoorb ni saabɔnabtiib Saadichal ni la.

Inandalahn 5:1

Uwumbɔr, teer tiwan ni dan ti pu na. Lik ni timi, ki kan timi aanimɔɔn.

Esekiel 24:21

Ni mak Uwumbɔr Aadichal pu la. Ni gee ke ni li lik li, ki li chaa ti manni li, le Uwumbɔr ga cha li kpaln wafam. Nimi aanib bi laa diin ki ye nimi aadichal ponn ni aanib, ki bi Jerusalem aatiŋ ni na ga bee butɔb ni.

Esekiel 36:30

M ga cha nimi aasubil aasui moo lu, ki cha nimi aasar mu pɔr, aan nkon taa ki li bi ki jinn nimi inimɔɔn ŋitimbol ŋiken chee.

Esekiel 7:18

Bi ga peen tiwan ni saak kuub na, le biwon gbaa tɔtɔk. Biyil ga li ye ŋiyikun la, le bi mɔmɔk ga ji inimɔɔn.

Esekiel 9:7

Uwumbɔr nan ki bui ke, “Koor Maadichal aakoobil man. Cha ŋinikpol gbiin laachiln man. Piin lituln man.” Kina pu na, bi nan piin ki bi ku binib, kitiŋ ngbaan ni.

Daniel 11:31

Waajab ngem ga bii Uwumbɔr Aadichal. Bi ga kuln iwiin mɔmɔk aatork, ki di tiwanbir ni bii tiwan nimɔk bi chain na siin nima.

Amos 7:9

Nin chee Aisak aayaabitiib nan mee min Uwumbɔr na mɔmɔk ga bii doo. Israel yaab aameen aadir mɔmɔk ga kpaln ŋilangben ŋi ber doo na la. M ga kuln ubɔr Jeroboam aanaan.”

Maika 6:16

Naah dii Ubɔr Omri aajapɔɔn Ubɔr Ahab aatunwanbir aasan na pu, le kina ga ŋa. Ni beenin joo baakaal la, kina pu le m ga bii doo nimi, le unii mɔk ga lik nimi fam. Binib bi bi dulnyaa wee ni na ga lik seen nimi.”

Maika 7:10

Timi aadim ga kan nimina, le ki ji inimɔɔn, bidimbaam bi nan ŋani timi yaansara ki bui ke, “Nidindaan Uwumbɔr bi la?” na. Ti ga kan binib aah nyaŋ bi pu na, ki taa bi bil kitiŋ ke tikpakpar na.