Jeremia 51:5 - Uwumbɔr aagbaŋ

⁵ Hali Israel ni Juda yaab aah tun mi Israel yaab Aawumbɔr u bi Chain na titunwanbir na, min Bidindaan Uwumbɔr Mpɔɔnsakpiindaan aa yii bi.

Jeremia 51:5 ပူးပေါင်းရင်းမြစ်များ

1 Bibɔrb 6:13

M ga li bi saah bi maa Lidichal li na ponn ni, ki bi maanib Israel yaab chee. Maan di bi lii daalbaadaal.”

2 Bibɔrb 21:16

Manase nan ku binib bi kaa tun taani ubaa na sakpen, le Jerusalem aatiŋ ponn ni nan ti gur ye nsin ŋmeen; u nan ŋa kina le ki di kpee waah nan di ŋiwaa mɔk Juda aanib ki cha bi tun Uwumbɔr titunwanbir pu na pu.

Esra 9:9

Ti nan ye binaagbiib la, le aa nyan timi tinaagbiir ngbaan ni. Aa cha Pesia aatiŋ aabɔrb san timi kinimbaak, ki tii timi nsan ke ti li bi limɔfal ni, ki ki gir maa Saadichal li nan ber na, ki cha ti kan nsuudoon, Jerusalem ni Juda aatim muken ni.

Ilahn 94:14

Uwumbɔr aan siir cha waanib; waan suln binib bi ye waanib na aabɔr.

Aisaya 44:21

Uwumbɔr bui ke, “Israel aanibol, teer nimina: teer ke aa ye maatutunn la. Min le naan si ke aa li ye maatutunn, le maan suln saabɔr daalbaadaal.

Aisaya 51:15

Min le ye Nidindaan Uwumbɔr; Min le kur nnyusakpem, le ki cha mu aanyunkpenn kpa kifuuk, Maayimbil le ye ke Uwumbɔr Mpɔɔnsakpiindaan.

Aisaya 62:12

Bi ga li yin nimi ke, “Uwumbɔr aanib bi bi chain na,” ki ki yin nimi ke, “Binib bi Uwumbɔr gaa bi lii na.” Bi ga yin Jerusalem ke, “Kitiŋ ki Uwumbɔr gee ki na,” ki ki yin ki ke, “Kitiŋ ki Uwumbɔr aan suln ki bɔr na.”

Jeremia 14:19

Uwumbɔr, aa yii Juda aanib kookoo la aa? Aa nan Sionn aatiŋ aanib la aa? Ba ŋa aa tii timi titotonn ti kaan sɔŋ na? Ti nan lik ban nsuudoon, le kinyaan kibaa aa choo; ti nan ka ban laafee, le tibɔbir tee dan.

Jeremia 14:9

Ba ŋa aa bi ke uja u tibɔr nan lir u na; ba ŋa aa bi ke uja u kaa ki kpa mpɔɔn ke u ter timi na? Uwumbɔr, ni sil ye mbamɔn ke aa bi ti chee. Ti ye saanib la, taa di timi lii.’”

Jeremia 16:18

M ga cha bi pa paan baatunwanbir ni baabiin pu nfum mulee, ba pu? bi di ŋiwaa ŋi kaa fu ke linikpol na bii maatiŋ, le ki di ŋiwaa ŋi ye tiwan ni maa gee ŋaabɔr na gbiin ki ponn ni.”

Jeremia 19:4

Binib ngbaan aah fenn bipuwɔb tii mi ki bii do, ki toor kitork tii ŋiwaa ŋi bima bibaa, ni biyaajatiib, ni Juda aabɔrb aa nan nyi ŋibɔr kpala na pu, le ga cha m ŋa kina. Binib bi kaa kpa taani ubaa na aasin le bi di bii do,

Jeremia 23:15

“Kina pu na, min Uwumbɔr Mpɔɔnsakpiindaan aah len bibɔnabr bi bi Jerusalem ni na aabɔr pu na sɔ: M ga di tisufar ti to na le tii bi, bi ji, ki tii bi njinn bi nyu, ba pu? bi cha titunwanbir gbiin kitiŋ kee mɔmɔk la.”

Jeremia 31:37

Bi yaa ga nan ŋmaa ŋaŋ kitaapaak, ki yaa ŋmaa koo kitiŋ aah baan nin chee na ki lik lik naah bi pu na daalbaadaal kan, le u ga yii Israel yaab baah tun pu mɔmɔk na pu. Uwumbɔr le len kina.

Jeremia 46:28

M ga dan ki nan gaa nimi lii. M ga kuln ŋitimbol ŋi mɔmɔk m cha ni yaa ki bi ŋi ponn ni na, le kaa kuln nimi ma. M ga daa nitafal; tɔ, m yaa daa nitafal kan, m ga daa ki ŋeer la. Min Uwumbɔr le len kina.”

Jeremia 50:20

N‑yoonn ngbaan yaa nan fuu ni kan, titunwanbir tibaa aan ki li bi Israel ni, le mbiin mu aan ki li bi Juda ni, ba pu? m ga di cha pinn binib bi m cha bi ŋmar na. Min Uwumbɔr le len kina.”

Jeremia 51:19

Uma Uwumbɔr u tiyaaja Jakob nan dii u na aa bi kina; uma le naan tiwan mɔmɔk, le ki lee Israel yaab ke bi li ye uma ubaa aanib. Waayimbil le ye ke Uwumbɔr Mpɔɔnsakpiindaan.

Esekiel 8:17

Uwumbɔr nan ki baa mi ke, “Unibɔn, aa kan aa? Juda aanib bimina aa lik faar baah tun ŋitun ŋi sukr ponn ni, ni baah tun mbimbinpɔɔl aatun ŋi kitiŋ kee pu na. Baa lik faar kina, see bi dan nan tun ŋi Maadichal mu ni, ki moo fiini maaŋuul. Lik baah pɔɔn bibaa ki seei mi ŋisiibil ŋi wu sakpen na pu na.

Esekiel 9:9

Uwumbɔr nan gar ke, “Israel aanib ni Juda aanib aabɔr gbii titunwanbir ti bir sakpen na. Bi ku binib kitiŋ kee mɔmɔk pu, le ki di libiil gbiin Jerusalem aatiŋ ni. Bi bui ke min Uwumbɔr yii baatiŋ, kaa ki waa bi.

Hosea 1:10

Israel aanib ga li wiir ke nnyusakpem aatambol na la. Bi ga li wiir jer baah ga kahn, bee bi ŋaŋ bi pu na. Le Uwumbɔr bui bi n‑yoonn mue ke, “Naa ye maanib,” tɔ, n‑yoonn choo le u ga nan bui bi ke, “Ni ye min Uwumbɔr u bi na aabim la.”

Hosea 2:1

Kina pu na, ni li yin ninaabitiib Israel yaab ke, “Uwumbɔr Aanib,” ki ki yin bi ke, “Uwumbɔr aah gee bi na.”

Hosea 2:3

U yaa kaa di cha kan, m ga gbabr u ki cha u uŋmeen ke baah nan ma u nwiin mundaal na. M ga ŋa u nkuun ke kitiŋ ki kaa kpa tijikaar na, le ki cha nnyunyuu ku u.

Hosea 4:1

Uwumbɔr nan kpa ngalm u galn binib bi koo kitiŋ kee pu na. Israel yaab, li pel man waah len pu na; “Mbimbin mu bi chob na, ni ngeehm, aa bi kitiŋ kee pu, le binib ngbaan aa nyi ke min le ye Uwumbɔr.

Hosea 4:2

Bi puur tipuur le ki bii ti; bi geei inyamɔn, ki ku binib, ki su kinaayuk, ki ban tɔb aapuutiib. Libiil moo kpae la, le linikul libaa paa liken pu.

Maika 7:18

Uwumbɔr, ubaa aa ki bi ke sin na; aa di cha pinn saanib bi ŋmar na aatunwanbir. Saa joo saaŋuul ni yunni, le ki tee gee ke aa mɔk timi ngeehm n‑yoonn mɔmɔk.

Maika 7:20

Aa ga mɔk saanib, Abraham ni Jakob aayaabitiib, ke saah bi mbamɔm ki kpa ngeehm n‑yoonn mɔmɔk pu na, ke saah nan puu tii tiyaajatiib n‑yaayoonn na pu na.

Sekaria 12:6

“N‑yoonn ngbaan kan, m ga ŋa Juda aataŋaal ke kichook ni aamii na la, bee mmii mu bi njikaabim mu kuur na aakpaab ni pu na la. Bi ga kuln ŋitimbol ŋi mɔmɔk mann goln bi na. Jerusalem aanib ga li bi lifuur ni, baatiŋ ponn ni.

Sekaria 12:8

N‑yoonn ngbaan kan, Uwumbɔr ga li kii binib bi bi Jerusalem ponn ni na, le ki cha udaburdaan u ŋmal bi ni na pɔɔk, ke David aah nan bi pu na. David aayaabitiib le ga loln bi pu nsan ke Uwumbɔr aatuun na. U ga loln bi pu nsan ke Uwumbɔr ubaa na la.

Sekaria 2:12

Juda aapepel ga ki gir ŋa Uwumbɔr aawankpaan ki bi waatiŋ ki bi chain na pu, le Jerusalem li ye kitiŋ ki u gee jer ntim muken na.

1 Samuel 12:22

Uwumbɔr puu tipuukpaan, kaan suln ni pu. U puu ke nimi le ga li ye waanib.