Jeremia 51:46 - Uwumbɔr aagbaŋ

⁴⁶ Taa cha naah ŋun tibɔr ti na yɔl nitaakpab, ki taa san ijawaan. Libiln mɔk aabɔŋunkaan ngbaan bi tibaa la, mbimbin mu pɔɔ na aabɔr, ni ubɔr ubaa ni uken aajaak bi kitiŋ ngbaan pu la.

Jeremia 51:46 ပူးပေါင်းရင်းမြစ်များ

2 Bibɔrb 19:7

Uwumbɔr ga cha ubɔrkpaan ngbaan ŋun tibɔr ti ga cha ijawaan chuu u aan u gir buen udo aatingbaln ni na, nima chee le Uwumbɔr ga ti cha bi ku u.”

2 Bibɔrb Aabɔr 20:23

Amonn yaab ni Moab yaab nan di kpaan le ki di lir Edom yaab pu ki kuln bi pel pel, le ki mu ki di fenn lir tɔb pu ke biwaarb na.

Job Aagbaŋ 23:16

Uwumbɔr Mpɔɔnsakpiindaan kuln maataakpab pɔɔn a. M san Uwumbɔr le ijawaan, naa ye mbɔmbɔɔn, mbɔmbɔɔn le cha maa ki waa, m mu aa san mu ijawaan.

Ŋiyataŋak 24:10

Aa yaa kaa kpa mpɔɔn buyoonn tibɔr muk si na kan, aa sil ye ugiin la.

Aisaya 19:2

Uwumbɔr len ke, “M cha butɔb fii Ijipt aatiŋ ni, ki cha unii ni una aabo fenn lir tɔb pu, ki cha unii ni umaantɔ fenn lir tɔb pu. Ntim mu ye tɔb puchatiib na ga fenn lir tɔb pu, le bibɔrb mu li kpak tɔb ki ban mpɔɔn.

Aisaya 43:5

Taa san ijawaan man, m bi ni chee. Ki nya liwipuul ki ti saa liwilir li bi dandar na, m ga giin nimi aanib kun ni linampal.

Jeremia 46:27

“Maanib, taa san ijawaan man, Israel aanib, taa cha ijawaan chuu nimi. M ga nyan ni nimi dandar aatiŋ pu, m ga nyan ni nimi kitiŋ ki pu ni ye binaagbiib na. Ni ga gir kun ni, ki nan li bi nsuudoon ni; ni ga kan lifuur, le ubaa aan faan nimi.

Jeremia 46:28

M ga dan ki nan gaa nimi lii. M ga kuln ŋitimbol ŋi mɔmɔk m cha ni yaa ki bi ŋi ponn ni na, le kaa kuln nimi ma. M ga daa nitafal; tɔ, m yaa daa nitafal kan, m ga daa ki ŋeer la. Min Uwumbɔr le len kina.”

Tibɔnyaan ti Luk ŋmee ti na 21:28

Ni yaa kan tiwan nimina mɔmɔk bi ŋani kan, chuu nibaa man, ki pɔɔk nitaakpab. Naan yunn le ni ga ŋmar.”

Bibɔjirb 7:22

Gideonn ni waajab aah pii baakpiin na, le Uwumbɔr cha baadim ngbaan aajab di baajaak aajuk fenn lir tɔb pu. Bi nan di san toŋ Saretann aatiŋ wɔb, ki ti nyan Bef Sita aatiŋ ni, ki yoor kina ti nyan Abel Mehola aatiŋ ki bi duun Tabaf aatiŋ na ni.