Jeremia 51:43 - Uwumbɔr aagbaŋ

⁴³ Kaatim gur ye ijawaan aawan la, le ki gur bi ke nteersakpiin mu kaa kpa nnyun na. Ubaa aa koo ki ni kaa chuun nima chee.

Jeremia 51:43 ပူးပေါင်းရင်းမြစ်များ

Ilahn 46:8

Dan nan lik man Uwumbɔr aah ŋa tiwan ni na. Lik man waah ŋa lijinjiir aawan ni kitiŋ pu na.

Aisaya 13:20

Ubaa aan ki li bi ki ponn ni. Arab yaab bi chuu kpak na ubaa aan ki ŋa waanambuŋ nima, le upihkpaal ubaa mu aan ki di waapiih buen nima i ti ŋmɔ timoor.

Aisaya 34:13

Ikokon ni ŋinaabukar ŋmeen le ga punn ŋibɔrdichal, ni ntim mu bi maa ŋigon kiir mu na mɔmɔk ponn ni, le ikakal ni ifiin ga li koo nima.

Aisaya 47:11

Tibɔbir ga dan aa pu, le saanyɔk ngbaan mubaa aan ŋmaa kiir ti. Nfum mubaa le tibɔbir ga lir ni aa pu, tibɔbir ti saa kee dakl ti pu daalbaadaal na le ga lir aa pu.

Jeremia 18:16

Bi cha kitiŋ kee kpaln ijawaan aawan la, le binib mɔmɔk ga li lik bi fam n‑yoonn mɔmɔk. Unii umɔk jer nima na aasui ga yuk, waah ga kan tiwan ni na pu; bi ga li gbakr biyil iwaan pu.

Jeremia 2:6

Bitafal aa nan bi m ni, hali maah nan nyan ni bi Ijipt aatiŋ ni, ki di bi bɔ dii kipɔɔk ni, kitiŋ ki ye nteersakpiin, ni litambol, ki kuur ki kpa tiwanbir aan ubaa aa koo nima na; aan ubaa mu aa chuun nima chee na, bitafal aa nan bi m ni.

Jeremia 50:12

le saatikpaan na ga ji inimɔɔn ki kpaln tilaar aawan. Babiloŋ le ga li gur ye kitiŋ ki kaa kpa liyimbil ŋitimbol mɔmɔk ni na: ki ga kpaln nteersakpiin mu kuun kaa kpa nnyun na.

Jeremia 51:29

Uwumbɔr aah bi tun waatuln ke u ŋa Babiloŋ nteersakpiin, nin chee ubaa aa koo na, le kitiŋ dam ki jii.

Jeremia 51:37

Kitiŋ ngbaan ga kpaln tilangbenn ti ponn ni ipeel ŋmeen koo na la. Nima chee ga li kpa unii mɔk ijawaan; ubaa aan li koo nima, le ijawaan ga chuu unii umɔk kan kina na.

Jeremia 51:62

Nee aapuwɔb na, mee limeel ke, ‘Uwumbɔr, aa bui ke aa ga bii do, le tiwanfuurkaan, binib ni tiwakor nibaa aan ki li bi ki pu, le ki ga li bi ke nteersakpiin na ki ti saa n‑yoonn mu kaa kpa ndoon na.’