Jeremia 51:34 - Uwumbɔr aagbaŋ

³⁴ Babiloŋ aabɔr nan gii gii Jerusalem le ki di ŋman. U nan chuu kpenn kitiŋ ngbaan chain ke libuul na la; u nan nab ki ke kipeewanbiik aah nae tiwan pu na la. U nan yoor waah gee ni na buen le ki di ni gur na mee.

Jeremia 51:34 ပူးပေါင်းရင်းမြစ်များ

Job Aagbaŋ 20:15

Ubiindaan wulni liwangol li u nan sun li na la; Uwumbɔr nyani li uponn ni, le ki gaa li.

Ilahn 74:13

Aa di saapɔɔn sakpiin le di yakr nnyusakpem, le ki wii nnyusakpem ponn ni aapeewanbiik aayil,

Ŋiyataŋak 1:12

Ti yaa ti kan bi kan, bi ga li fu ki pɔɔ, le ti ti doo na, bi ga kpo.

Aisaya 34:11

Ki ga kpaln ifiin ni ikaabɔn aatiŋ la. Uwumbɔr ga ŋa ki tilangbenn ŋmeen, kitiŋ ki kaa kpa tinyoor tibaa na la.

Aisaya 42:22

Le dandana bi sun waanib aawan mpɔɔn; bi laŋ bi ibuu ni, ki di bi bɔr tiyondir ni. Bi sun bi nnaayupɔɔn, le ubaa aa bi u gaa bi lii.

Jeremia 50:17

Uwumbɔr ki len ke, “Israel aanib bi ke ipiih i ichinn jenn yaa i na la. Njan na, Asiria aabɔrkpaan le nan puen tak bi, le Babiloŋ Aabɔr Nebukadnesar nan nyir baakpab.

Jeremia 50:7

Unii umɔk kan bi na kan, u tak bi la. Baadim len le ke, ‘Bi tun Uwumbɔr le titunwanbir, kina pu na, taah ŋa bi pu na aa bir. Biyaajatiib nan kii tii Uwumbɔr, bi mu ba ga li bi u chee kina.’

Jeremia 51:44

M ga daa Babiloŋ aawaal Bel aatafal, ki cha li giin laah sun tiwan ni na mɔmɔk; ŋitimbol aan ki li dooni li.

Jeremia 51:49

Babiloŋ cha dulnyaa wee mɔmɔk aanib kpo. Babiloŋ aah ku Israel aanib sakpen pu na, ki ga lir. Min Uwumbɔr le len kina.”

Inandalahn 1:1

Jerusalem, kitiŋ ki nan gbii binib na gur ŋmin chii la. Dulnyaa mɔmɔk aanib nan pak kima la, le ki gur naahn ukpopii; kitiŋ ki nan kpa liyimbikpaan na aanib kpaln binaagbiib.

Inandalahn 2:16

Saadim mɔmɔk ŋani si yaansara, le ki gbee si kinanaŋ aaningbee. Bi mul bimɔi le ki bui ke, “Ti kuln ki a. Taah nan kii nwiin mu na le na.”

Esekiel 36:3

“Tɔ, nabr maabɔr ki moon min Dindaan Uwumbɔr aah bi len pu na. Ŋitimbol ŋiken ŋi bi gbɔk Israel aatimbol na aah nan nyaŋ ki yoor Israel aajoo aawan na, ŋi mɔmɔk nan sii Israel la.

Hosea 8:8

Israel gur bi ke ŋitimbol ŋiken aah bi pu na la, kaa bi tibaa ni ke libuul li wii na,

Amos 8:4

Li pel nimina man, nimi bi muk bifalaadam, ki ban ke ni ku doo bigiim kitiŋ kee ni na.

Nahum 2:2

Uwumbɔr ban u ki giin Israel aatiŋ aapak ki ki nan kpa, aan kaadim nan gaa kaawangol butɔb ni na tii ki la.

Matiu 23:13

“Nimi Uwumbɔr aakaal aamɔmɔkb ni Farisii yaab, bi ye biŋmaŋmannim na, tibɔbir bi ni pu; ni kiir binib ke bi taa koo Uwumbɔr aanaan ni. Nimi nibaa aa koo ni, ki mu aa kii ke binib bi ban bi koo ni na koo ni. [