Jeremia 51:30 - Uwumbɔr aagbaŋ

³⁰ Babiloŋ aajab di cha kijaak le ki gaar baajawan aadir ni. Baa ki kpa lipobil, le ki gur bi ke bipiib na. Bidim gbaa wɔi kitiŋ ngbaan aabisamɔi aajaaleŋ mam, le ki see ŋidichal lii.

Jeremia 51:30 ပူးပေါင်းရင်းမြစ်များ

Ilahn 107:16

U gbaa wiil tikumann aajaaleŋ mam, ki gbaa wɔi tikur aadɔ.

Ilahn 147:13

U cha saagon aabisamɔi pɔɔ, u ŋani waanyoor ŋani saanib pu.

Ilahn 76:5

Baajab bi nan kaar na nan lann baawan mɔmɔk ki gur dɔ geen ntekpiigeen; baapɔɔn ni baalan mɔmɔk nan ye fam la.

Aisaya 19:16

N‑yoonn mubaa choo le Ijipt yaab ga nan li diin ke bipiib na. Uwumbɔr Mpɔɔnsakpiindaan yaa taln uŋaal ke u daa bitafal kan, biwon ga li gbaa ijawaan pu la.

Aisaya 47:14

Bi ga li bi ke tigbengbir na la, le mmii ga wu ti. Baan ŋmaa gaa bibaa lii, imiigaal ngbaan ga li ton bi chee sakpen, naan li ye mmii mu ton pulpul aan bi wor mu na.

Jeremia 48:41

le ki nyaŋ kaatim, ni ntim mu bi maa ŋigon gob mu na. Liyaadaal ngbaan kan, Moab aajab ga san ijawaan ke imalween aah joo upii u na.

Jeremia 50:15

Faa butɔb aakuun ki mann Babiloŋ aatiŋ. Babiloŋ aatiŋ di kibaa tii a. Bidim wiil kaagon ki koo ki ponn ni a. M bi teeni Babiloŋ la. Kina pu na, ni mu teen bi, ki ŋa bi ke baah nan ŋa biken pu na.

Jeremia 51:32

Bidim gaa mmɔɔsan a, ki seer tidir ti fɔk ki pɔɔ na mmii lii. Babiloŋ aajab aapobil yuk.

Jeremia 51:57

M ga cha kaajojoob ni bijab bi kpa nlan, ni bisalolm, ni baajab nyu ki ti gbii. Bi ga ti doon geen le kaan ki fii kpala. Min, Ubɔr ngbaan le len kina, min le ye Uwumbɔr Mpɔɔnsakpiindaan.

Inandalahn 2:9

Ibisamɔi gur dɔ sub tibir ni, le yaakudɔ kool yuk yuk. Ubɔr ni bininyuum na gur bi tinaagbiir ni la. Ubaa aa ki mɔk binib Uwumbɔr Aakaal Aagbaŋ, le Uwumbɔr aa ki kpiir tibɔr tuk waabɔnabtiib.

Amos 1:5

M ga gbaa wii Damaskus aatiŋ aabisamɔi mɔmɔk, le ki jenn nyan Afenn Aafataŋ ni aanib ni Bef Edenn aayidaan. Le bi ga chur Siria aanib mɔmɔk tinaagbiir ki di bi buen Kir aatiŋ ni.”

Nahum 3:13

Saajab naahn bipiib la, le ubaa aa kii saatiŋ ke saadim taa nyaŋ ki. Mmii le ga wu idɔ i aa di laŋ saabisamɔi na.

Tibɔkpiirkaan 18:10

Kitiŋ ngbaan aafalaa pu bi ga li san ijawaan, ki ga li si dandar, ki len ke, “Kitisakpeŋ Babiloŋ ki nan kpa mpɔɔn na, tibɔbir bi ki pu. Ntafadaan pii ki liwinbaal.”