Jeremia 51:29 - Uwumbɔr aagbaŋ

²⁹ Uwumbɔr aah bi tun waatuln ke u ŋa Babiloŋ nteersakpiin, nin chee ubaa aa koo na, le kitiŋ dam ki jii.

Jeremia 51:29 ပူးပေါင်းရင်းမြစ်များ

Aisaya 14:16

Bitekpiib ga li waa bimɔi le ki lik si. Bi ga baa ke, “Naa ye uja wee le nan dam kitiŋ ki cha bibɔrkpaam aawon gbaa na aa?

Aisaya 24:20

Kitiŋ ga li deŋni ke udagbiir aah chuun gbeer pu na, ki yeŋni ke libool aah yeŋni kitaabuŋ ni pu na. Dulnyaa aatunwanbir nyɔɔn u lii kitiŋ; ki ga lir, kaan ki fii kpala.

Jeremia 10:10

Tɔ, sin Uwumbɔr le ye Uwumbɔr bamɔnn, sin le ye Uwumbɔr u bi na, le ki ye ubɔr u bi n‑yoonn mɔmɔk na. Saaŋuul yaa fii kan, dulnyaa deŋni la; ŋitimbol aan ŋmaa sil saaŋuul chee.

Jeremia 50:13

Maaŋuul pu le ubaa aan ki li koo Babiloŋ ni; ki ga gur tilangbenn la, le unii umɔk jer nima na, ni ga ŋa u lijinjiir ni iwaan.

Jeremia 50:36

Nkun li bi bibɔnabr bi ye binyamɔndam na pu, bi ye bijɔrb la. Nkun li bi kaajab pu, ijawaan chuu bi a.

Jeremia 50:43

Babiloŋ aabɔr aah ŋun tibɔr ngbaan na, uwon yɔl le uŋaal gur jɔn kaakaan. Ijawaan sakpiin chuu u, le ki wu ke upii aamalween na.

Jeremia 50:45

Kina pu na, li pel maah kpokl Babiloŋ aatiŋ pu nkpokl mu na, ni maah ban ke m ŋa kaanib pu na. Bidim ga kpaan dar baabim mu buen, le ni ga chuu unii mɔmɔk ijawaan.

Jeremia 50:46

Babiloŋ yaa nan lir kan, kifuuk ki ga nya na ga cha kitiŋ dam, le ŋitimbol ŋiken ga ŋun kaalirm aawiil.”

Jeremia 51:26

Baan ki di saalangbentakpanjal libaa maa lidichal. Aa ga li gur bi ke nteersakpiin na le n‑yoonn mɔmɔk. Min Uwumbɔr le len kina.

Jeremia 51:28

Gor ŋitimbol ngbaan ke ŋi ti to Babiloŋ butɔb. Tun ti yin ni Media aabɔrb, ni baasalolm, ni baaninkpiib, ni ntim mumɔk bi joo na aajab.

Jeremia 51:37

Kitiŋ ngbaan ga kpaln tilangbenn ti ponn ni ipeel ŋmeen koo na la. Nima chee ga li kpa unii mɔk ijawaan; ubaa aan li koo nima, le ijawaan ga chuu unii umɔk kan kina na.

Jeremia 51:43

Kaatim gur ye ijawaan aawan la, le ki gur bi ke nteersakpiin mu kaa kpa nnyun na. Ubaa aa koo ki ni kaa chuun nima chee.

Jeremia 8:16

Timi aadim kpaan fuu ni Dann aatiŋ ni; ti ŋun baataan aah fɔi pu na. Baataan yaa wii kan, kitiŋ mɔmɔk deŋni la. Timi aadim dan ke bi nan bii timi aatiŋ, ni tiwan ni mɔmɔk bi ki pu na la, ni timi aatiŋ, ni kaanib.”

Joel 2:10

I yaa choo kan, kitiŋ deŋni la, le kitaapaak jii. Nwiin ni uŋmal mɔmɔk bɔnn chirm, le iŋmabi aa ki wiin.

Amos 8:8

Kina pu na, kitiŋ ga deŋ, le unii umɔk bi kitiŋ kee pu na aasui ga bii. Kitiŋ mɔmɔk ga nyɔŋ, ki ga fii ki gir lir ke Nail Aamɔɔsakpeln na.

Tibɔkpiirkaan 18:2

le ki len mpɔɔn pu ke, “Kitisakpeŋ Babiloŋ lir a. Ki lir kookoo a. Bipɔnib, ni tiyayaar, ni tiwanbir, ni inyoon i bir ki kɔ na baanja le koo nima chee;