Jeremia 51:27 - Uwumbɔr aagbaŋ

²⁷ “Tii limɔkl ke bi ti tak. Pii ukpiin ki cha ŋitimbol ŋun. Gor ŋitimbol ngbaan ke ŋi ti to Babiloŋ butɔb. Bui Ararat, ni Minni, ni Askenas aanaan ni yaab ke bi ti tak. Ban uninkpel u ga loln bi pu nsan na. Cha itaan dan ke kitoonpaak na.

Jeremia 51:27 ပူးပေါင်းရင်းမြစ်များ

Mpiin 10:3

Gomer aayaabitiib le ye Askenas yaab, ni Rifaf yaab, ni Togama yaab.

Mpiin 8:4

Nnyun aah foor na, le buŋɔb ngbaan buen ki ti sil lijool libaa aapaacham, ŋmalole aawiin kipiik ni ilole daal, Ararat aajoo ni.

2 Bibɔrb 19:37

Nwiin mubaa daal le u nan bi dooni liwaal Nisrok, laawaadiik ni, le ujapɔtiib bilee, Adramelek, ni Sareser, buen ti di baajaak aajum ku u, le ki san ŋmar buen Ararat aatiŋ pu. Le ujapɔɔn uken, u bi yin u ke Esaradonn na, nab waanaan pu.

1 Bibɔrb Aabɔr 1:6

Gomer aayaabitiib le nan ye Askenas, ni Rifaf, ni Togama aanib.

Aisaya 18:3

Unii umɔk bi kitiŋ kee pu na, li pel man. Lik ban limɔkl aatuutaa u ga fii paacham ŋijoo pu na man. Li pel man ukpiin aah wii pu na.

Aisaya 37:38

Nwiin mubaa daal le u nan bi dooni liwaal Nisrok, laawaadiik ni, le ujapɔtiib bilee, Adramelek, ni Sareser, buen ti di baajaak aajum ku u, le ki san ŋmar buen Ararat aatiŋ pu. Le ujapɔɔn uken, u bi yin u ke Esaradonn na, nab waanaan pu.

Jeremia 25:14

Babiloŋ yaab aah tun pu na, kina le m ga di teen bi, le ŋitimbol pam ni bibɔrkpaam di bi ŋa baanaagbiib.’”

Jeremia 46:23

ki bii kichook ki kpa isui sakpen na. Saan ŋmaa kahn baajab; baajab wiir jer itoon.

Jeremia 50:2

“Bui ŋitimbol tibɔchann ngbaan. Moon ti. Tii limɔkl ki moon tibɔchann ngbaan. Taa di ti bɔr. Babiloŋ lir a. Kaawaal li bi yin li ke Maduk na wii yuk yuk a. Babiloŋ aawaa jin inimɔɔn a, kaawaa ŋi sukr ponn ni na wiil a.

Jeremia 50:3

“Litimbol li nyan ni ŋŋangan wɔb na dan ke li nan tak Babiloŋ, le ki ga ŋa ki nteersakpiin. Binib ni tiwakor ga san, le ubaa aan ki li koo nima.”

Jeremia 50:9

M ban m ti saa ŋitimbol ŋibaa ŋŋangan wɔb le ki cha ŋi ti tak Babiloŋ. Bi ga lul butɔb ki nyaŋ Babiloŋ. Bi ye bikpam bi nyi kikpaŋ aabɔr na la, bi yaa too ipiin kan, baa lanni.

Jeremia 51:12

Tii limɔkl ke ni ban ni ti tak Babiloŋ aagon la. Moo ban bijab kiir man. Kaan bikikiib. Ban bijab bi ga ti loon na man.” Uwumbɔr ŋa Babiloŋ aanib waah len ke u ga ŋa bi pu na.

Jeremia 51:14

Uwumbɔr Mpɔɔnsakpiindaan puu ubaa aamɔfal pu ke u ga cha bijab bi wiir ke itoon na nan tak Babiloŋ, ki ga nyaŋ ki, ki teen mpɔɔn pu.

Jeremia 51:28

Gor ŋitimbol ngbaan ke ŋi ti to Babiloŋ butɔb. Tun ti yin ni Media aabɔrb, ni baasalolm, ni baaninkpiib, ni ntim mumɔk bi joo na aajab.

Jeremia 6:1

Benjaminn aanib, li san ban ŋŋmarm man. San nya Jerusalem ni man. Pii ukpiin Tekoa aatiŋ ni, ki tuur limɔkl aamii Bef Hakerem aatiŋ ni man. Tibɔbir ni libiil ban ni nya ni ŋŋangan wɔb ki dan la.

Joel 3:9

Moon tibɔr tee ŋitimbol mɔmɔk ponn ni ke: ‘Gor ki kiir butɔb man; yin nimi aajab bi ga ja kijaak na man; kuun nimi aatɔb aajab mɔmɔk ki li chuun man.

Amos 3:6

Ukpiin yaa wii kitiŋ ni kan, ijawaan chur binib mɔmɔk la. Tibɔbir aan ŋmaa koo ni kitisakpeŋ ni kaa nyan ni Uwumbɔr chee.

Sekaria 14:2

Uwumbɔr ga kuun ŋitimbol mɔmɔk nan kpaan, le ŋi tak Jerusalem. Bi ga nyaŋ kitiŋ ngbaan, le ki yoor ŋidichal ni tiwan mpɔɔn, ki chur bipiib mpɔɔn ki doon bi chee. Bi ga di binib ngbaan ligetekr libaa buen tinaagbiir ni, kitiyayaŋ ni, le ligetekr li gur na ga gaar kitiŋ ngbaan ni.

Bibɔjirb 6:5

Bi ni baawakor, ni baakeken aaboo nan bɔɔn chirm ke itoon na la. Ubaa aa nan ti ki nyi bi ni baalaakumii tiib aakahm.