Jeremia 51:25 - Uwumbɔr aagbaŋ

²⁵ Babiloŋ, aa naahn lijool li bii dulnyaa wee mɔmɔk na la, le min Uwumbɔr le ye saadin. M ga chuu si, ki ber si bil kitiŋ, ki cha aa kpaln nfatan.

Jeremia 51:25 ပူးပေါင်းရင်းမြစ်များ

Mpiin 11:4

le ki bui ke, “Cha ti maa kitiŋ aan ki maa kidifɔfɔŋ ki ponn ni, ki ti pii paacham, nima kan, ti ga li bi tɔb chee ki taa yaa, ki li kpa liyimbil dulnyaa wee ni.”

Ilahn 138:7

Buyoonn tibɔr ti mann goln mi ni kookoo na, le aa gaal mi lir. Aa kiir maadim bi aaŋuul fii na ki joo saapɔɔn gaal mi lir.

Aisaya 13:2

Ligongoln li kaa kpa nibaa na pu le butɔb aatuutaa fii. Teen ki bui butɔb aajab ngbaan, ki yoor aaŋaal paacham ki mɔk bi ke bi ti tak kitisakpeŋ ki kpa kipupuk na aabisamɔi.

Jeremia 25:12

Nee aapuwɔb le m ga daa Babiloŋ aatiŋ ni kaabɔr aatafal baatunwanbir pu. M ga kuln kitiŋ ngbaan ki cha ki kpaln tilangbenn ki ti saa n‑yoonn mu kaa kpa ndoon na.

Jeremia 25:9

‘M ban m tun yin ni ŋŋangan wɔb aanib mɔmɔk, ni Babiloŋ Aabɔr Nebukadnesar, u ye maatutunn na la. M ga cha bi dan ki nan tak Juda ni kaanib, ni ŋitimbol ŋi mɔmɔk mu bi gbɔk ki na, ki cha mu li gur ye tilangbenn ti kpa ijawaan na, ki ti saa n‑yoonn mu kaa kpa ndoon na. Min Uwumbɔr le len kina.

Jeremia 50:25

M chuu piir maajawan aah bi nin chee na, le maaŋuul ponn ni m yoor ti, ba pu? min Dindaan Uwumbɔr Mpɔɔnsakpiindaan kpa lituln Babiloŋ aatiŋ ni m tun.

Jeremia 50:31

“Babiloŋ, aa kpa kigaak sakpen a, kina pu le min, Dindaan Uwumbɔr Mpɔɔnsakpiindaan nyan sil aa pu. N‑yoonn fuu ni ke m daa aatafal.

Jeremia 51:53

Babiloŋ yaa ga ŋmaa jon kitaapaak ki ti maa tidir ti fɔk ki pɔɔ sakpen na kan, m ga sil tun binib bi ti bii ti nima. Min Uwumbɔr le len kina.”

Jeremia 51:58

Babiloŋ, mpɔɔn aatiŋ na aagon lir kitiŋ a, le kaabisamɔi aajaaleŋ mam na gaa mmii. Ŋitimbol aatuln na ye fam la; ŋaapɔɔn mɔmɔk gaa mmii a. Min Uwumbɔr Mpɔɔnsakpiindaan na le len kina.”

Jeremia 51:7

Babiloŋ nan bi ke salmaa aayikuuk na le ŋŋaal ni, ki cha dulnyaa wee mɔmɔk nyun ki ponn ni ki ti gbii. Ŋitimbol nan nyun ki ponn ni aadaan le kaa ki kpa nlan.

Daniel 4:30

le ki bui ke, “Lik man Babiloŋ aah kpa mpɔɔn pu na. Min le maa ki ke maatiyil, ke m di mɔk maapɔɔn, ni maapak, ni maah kpa liyimbil pu na.”

Sekaria 4:7

Ŋimuk ŋi filk ke ŋijoo na ga san cha si. Aa ga ki gir maa Maadichal; aa yaa ti di kookoo aatakpal di paan kan, le binib ngbaan ga teen mpɔɔn pu ke, ‘Kinyaan, kinyaan.’”

2 Piita 3:10

Tidindaan aawiindaal ga fuu ni ke unaayuk aah fuur ni pu na la. Liyaadaal ngbaan le paacham ga faa kifuuk sakpen ki jer. Mmii mu ton sakpen na ga donn paacham aawan mɔmɔk. Kitiŋ, ni tiwan nimɔk bi kitiŋ pu na mu ga gaa mmii.

Tibɔkpiirkaan 8:8

Le Uwumbɔr aatuun leler mu pii waakakaan. Le bi di tiwan ni naahn lijool li gaal mmii na mee lii nnyusakpem ponn ni. Le nnyun ngbaan ligetatar kpaln nsin.