Jeremia 51:24 - Uwumbɔr aagbaŋ

²⁴ Uwumbɔr len ke, “Ni ga kan maah ga teen Babiloŋ ni kaanib baah tun Jerusalem titunwanbir ti na mɔmɔk.

Jeremia 51:24 ပူးပေါင်းရင်းမြစ်များ

Ilahn 79:10

Ni ŋa kinye aan ŋitimbol baa timi ke, “Nimi Aawumbɔr bi la chee?” Ŋitimbol aah cha saatutum aasin nyan pu na, cha ti kan saah ga daa bitafal pu na.

Aisaya 48:14

Ni mɔmɔk kuun ni man ki nan pel. Ŋiwaa ngbaan ponn ni libaa aa nan ŋmaa len ke uja u m lee u na ga nan tak Babiloŋ aatiŋ; u ga ŋa maah tuk u ke u ŋa pu na.

Aisaya 61:2

U tun ni mi ke m nan moon ke n‑yoonn fuu ni, buyoonn Uwumbɔr ga gaa waanib lii ki nyaŋ waadim na. U tun ni mi ke m nan sɔŋ binib bi wii na aasui,

Aisaya 66:6

Li pel man, kifuuk sakpeŋ ki bi kitiŋ ponn ni na, ni ki bi Uwumbɔr Aadichal ni na, ki ye Uwumbɔr aah bi dar waadim aatafal pu na aafuuk la.

Jeremia 25:14

Babiloŋ yaab aah tun pu na, kina le m ga di teen bi, le ŋitimbol pam ni bibɔrkpaam di bi ŋa baanaagbiib.’”

Jeremia 50:10

Bi ga gaa Babiloŋ aawangol, le binib bi ga gaa li na ga yoor tiwan ni mɔmɔk bi gee na. Min Uwumbɔr le len kina.”

Jeremia 50:15

Faa butɔb aakuun ki mann Babiloŋ aatiŋ. Babiloŋ aatiŋ di kibaa tii a. Bidim wiil kaagon ki koo ki ponn ni a. M bi teeni Babiloŋ la. Kina pu na, ni mu teen bi, ki ŋa bi ke baah nan ŋa biken pu na.

Jeremia 51:11

Uwumbɔr aah ban u kuln Babiloŋ aatiŋ na, le u ti saa Media aabɔrb. Waah ga leŋ lipɔln Waadichal pu pu na le na. Bijab bi bi tak ki na aayidam teen ke, “Luun nimi aapiin man. Gor nimi aajaak aapen man.

Jeremia 51:23

ki joo ku bipihkpaab ni baapiih, ki joo ku binib bi joo itaan ko na, ni baataan, ki joo wɔi bitinjoob ni bininkpiib.”

Jeremia 51:35

Cha Sionn aanib len ke, “Cha bi chuu Babiloŋ taani, taah kan titotonn ti na pu.” Cha Jerusalem aanib len ke, “Cha bi chuu Babiloŋ taani, taah jin falaa u na pu.”

Jeremia 51:49

Babiloŋ cha dulnyaa wee mɔmɔk aanib kpo. Babiloŋ aah ku Israel aanib sakpen pu na, ki ga lir. Min Uwumbɔr le len kina.”

Jeremia 51:56

Bi dan ke bi nan kuln Babiloŋ la; bi nyaŋ kaajab ki chur bi, le ki kool baatɔi. M ye Uwumbɔr u daar unii u tun titunwanbir na aatafal la, le ki ga ŋa Babiloŋ tiwan ni ŋeer ki na.

Inandalahn 3:64

Uwumbɔr, daa bitafal, baah tun pu na pu.

Tibɔkpiirkaan 18:20

Tɔ, nimi bi bi paacham na, ni Uwumbɔr aanib, ni Yesu aakpambalb, ni Uwumbɔr aabɔnabtiib, ni li kpa mpopiin kitisakpeŋ ngbaan aah kuln pu na pu; ba pu? Uwumbɔr teen ki kaah ŋa nimi bakaa u na, ki daa kitafal.

Tibɔkpiirkaan 18:24

Uwumbɔr daa kitiŋ ngbaan aanib aatafal; ba pu? bi ku waanib, ni waabɔnabtiib, ni binib bimɔk kpo u pu na. Baasin bi kitiŋ ngbaan ponn ni.

Tibɔkpiirkaan 6:10

Le binib ngbaan aawiin teen mpɔɔn pu ke, “Tidindaan u ye chain ki ye mbamɔn na, ni ga yunn ki ti saa kinye pu aan aa ga ji dulnyaa aanib bi ku timi na aabɔr ki daa bitafal?”