Jeremia 51:21 - Uwumbɔr aagbaŋ

²¹ ki joo wɔi itaan ni bijab bi dik i pu na, ki joo wɔi itaan aatɔroku mam, ni binib bi ŋaal bi na,

Jeremia 51:21 ပူးပေါင်းရင်းမြစ်များ

Ilahn 46:9

U cha butɔb door dulnyaa wee mɔmɔk ni; U kool itɔi, ki bii tikpaatunn, ki seer kijaak aapen mmii.

Ilahn 76:6

Uwumbɔr u tiyaaja Jakob mu nan dii u na, saah nan faan bi buyoonn na, baataan ni binib bi dik i pu na nan lir ki kpoi.

Nnyam 15:1

Nima chee le Moses ni Israel yaab nan gaa nlahn mumina ki pak Uwumbɔr: “M ga gaa ilahn ki pak Uwumbɔr, ba pu? waah nyaŋ pu na kpa kipak; u di itaan ni bijab bi jak i na mee lii nnyusakpem ponn ni.

Nnyam 15:21

Miriam le nan gaa ilahn ke: “Gaa ilahn ki pak Uwumbɔr man, ba pu? waah nyaŋ pu na kpa kipak; u di itaan ni bijab bi jak i na mee lii nnyusakpem ponn ni.”

Nnyam 15:4

U di Ijipt yaab aajab ni baatɔroku tiib ki di mee lii nnyusakpem ponn ni; baaninkpiib nyanyaam mɔmɔk nan bee nnyusakpem ponn ni.

Aisaya 43:17

U nan cha bijab bi to butɔb na bee nkun ni, bijab bi nan kpa itaan ni itaan aatɔroku tiib na. Bi nan lir kitiŋ kaan ki fii kpala, bimɔfal nan junn kolb ke ulangbinja aamii na.

Jeremia 50:37

Kuln kaataan ni yaatɔroku mam. Nkun li bi kaajab bi bi ti pan bi ŋimombil ke bi nan jan tii bi na pu. Baa ki kpa mpɔɔn. Bii kaawangol, gaa ni ki yoor ni mpɔɔn.

Esekiel 39:20

Maatork ni le i ga ji yaa gee itaan ni binib bi dik i pu na, ni kijaak aajab aajim. Min Dindaan Uwumbɔr le len kina.”

Maika 5:10

Uwumbɔr bui ke, “N‑yoonn ngbaan kan, m ga gaa nimi aataan ni chee, le ki bii nimi aataan aatɔroku tiib.

Nahum 2:13

Uwumbɔr Mpɔɔnsakpiindaan bui ke, “Saadin ye min la. M ga see saataan aatɔroku tiib mmii. Bi ga ku saajab butɔb ni la, le m ga yoor saah nan gaa tiwan ni biken chee na ki di buen. Ubaa aan ki ŋun saah nan kpa mpɔɔn mu dulnyaa wee ni na pu.”

Hagai 2:22

ki nyaŋ nnaan yayan mɔmɔk ki kuln mu aapɔɔn. M ga nyaŋ itaan aatɔroku tiib ni binib bi ŋaal bi na; itaan ga kpoi, le binib bi dik i pu na ku tɔb.

Sekaria 10:5

Juda aanib ga kan linyaŋ ke bijab bi taa taa baadim ŋmal titan ni kitiŋ ponn ni na la. Uwumbɔr aah bi bi chee na, le bi ga jan, hali ki nyaŋ bidim aatandam.

Sekaria 12:4

N‑yoonn ngbaan kan, m ga cha ijawaan chuu baataan mɔmɔk ki cha bijab bi dik i pu na mɔmɔk waar. M ga li lik Juda aanib, le ki cha baadim aataan jɔb.

Tibɔkpiirkaan 19:18

ti ye bibɔrb aawon, ni butɔb aajab aaninkpiib aawon, ni bipɔɔndam aawon, ni itaan aawon, ni binib bi dik i pu na aawon, ni binib mɔmɔk aawon, bi ye binaagbiib ni bi kaa ye binaagbiib na, ni bi ye biwaatiib, ni bi ye bipɔɔndam na aawon la.