Jeremia 51:16 - Uwumbɔr aagbaŋ

¹⁶ Uma le len, le nnyun mu bi kitaapaak na ŋuuni; u cha ntaalangbam nyani kitiŋ aanaanmɔk ki choo. Utaal yaa nu kan, u cha u moor, le ki nyani libuln waah di li siin nin chee na.

Jeremia 51:16 ပူးပေါင်းရင်းမြစ်များ

Mpiin 8:1

Uwumbɔr aa nan suln Nowa, ni ipeel, ni tiwakor timɔk bi u chee buŋɔb ni na aabɔr, le ki cha libuln daar, le nnyun nin piin ki foor.

Job Aagbaŋ 37:13

Uwumbɔr tuni utaal le u nan sɔŋni kitiŋ, u ga ŋmaa di u daa unibɔn aatafal, ki ga ŋmaa di u mɔk bi waaŋann.

Job Aagbaŋ 38:22

Aa kee buen tidir ti ponn ni m siini ŋitaanal ni itaapiin na chee ee?

Job Aagbaŋ 40:9

Aa kpa mpɔɔn ke min na aa? Aaneel ga li ŋmaa pɔɔ ke min yaan na aa?

Ilahn 104:7

Saah kae nnyun na, le mu san buen; mu aah ŋun saah teen ki len pu na le mu chii ki san buen.

Ilahn 135:7

U cha kitaabuŋ nyani kitiŋ aanaanmɔk; ki tii kitaabuŋ mmii mu moor lak lak na, uma le ki cha libuln nyan ni waah siini waawan nin chee na.

Ilahn 147:18

le u tii limɔboln, le ŋitaanal donn, u tun ni libuln, le nnyun puu cha.

Ilahn 18:13

Le Uwumbɔr bi kitaapaak ki teen ke utaal na; le binib mɔmɔk ŋun Uwumbɔr u kaa kpa ŋeen aatɔ na aaneel pu.

Ilahn 46:6

Ijawaan chur ŋitimbol, le nnaan mɔmɔk jii; Uwumbɔr tar, le kitiŋ bunn doo.

Ilahn 68:33

u chuun n‑yaayoonn na aataapaak ni na. Li pel man waah tar mpɔɔn pu pu na.

Ilahn 78:26

U nan ki cha liwipuul wɔb aabuln daa, ki cha waapɔɔn fiin ŋŋangii wɔb aabuln,

Nnyam 10:13

Moses nan yoor waajaangbeek, le Uwumbɔr cha libuln nyan ni liwipuul, le ki daa nwimɔn ni kinyeek mu. Ni ti woln kitaak kichakpiik ni na, le libuln ngbaan joo ni itoon.

Nnyam 10:19

Le Uwumbɔr cha libuln ngbaan kpeln ki daa nyan ni liwilir wɔb, le ki di itoon ngbaan mɔmɔk buen Limɔɔkal Aanyusakpem ponn ni. Utoon ubaa aa nan ki gur Ijipt aatiŋ ni.

Nnyam 14:21

Moses nan yoor uŋaal paacham ki mɔk nnyusakpem ngbaan, le Uwumbɔr cha libuln nyan ni liwipuul wɔb ki daa nnyusakpem ngbaan pu, le ki kiir mu, le mu yakr tɔb chee. Libuln ngbaan nan daa kinyeek ki ti woln kitaak, le ni kuur. Nnyun ngbaan nan yakr tɔb chee,

Esekiel 10:5

Tiwan ngbaan aafeen aafuuk nan ti nya lipaal aachiln ni. Ni nan naahn Uwumbɔr Mpɔɔnsakpiindaan aaneel la.

Amos 9:7

Uwumbɔr len ke, “Israel aanib, m gee Kus aanib ke maah gee nimi pu na la. Maah nan nyan ni nimi Ijipt aatiŋ ni pu na, kina le m nan di Filistia yaab nyan ni Krete aatiŋ ni, ki nyan Siria yaab mu Kir aatiŋ ni.

Jona 1:4

Tɔ, Uwumbɔr nan cha libupɔɔl libaa dan nan lir nnyusakpem ngbaan pu, libuln ngbaan nan bir pam, le buŋɔb ngbaan nan ban bu wii ki muin.

Jona 4:8

Nwiin aah puu na, le Uwumbɔr cha liwipuul wɔb aabuln li ton na dan, le ki nan see Jona aayil, le u ti ban u fik. Le u mee Uwumbɔr ke u ba kpo. U nan bui ke, “M yaa ba tee kpo kan, ni ba soor ni ke m li kpa limɔfal.”