Jeremia 51:13 - Uwumbɔr aagbaŋ

¹³ Kitiŋ ngbaan kpa ŋimɔɔ ni liwangol sakpen, tɔ, kaayoonn mu fuu a, le kaamɔfal doo.

Jeremia 51:13 ပူးပေါင်းရင်းမြစ်များ

Mpiin 6:13

Uwumbɔr nan bui Nowa ke, “M ga kuln unibɔn. M ga bii tiwan mɔmɔk doo, ba pu? baatunwanbir le gbii dulnyaa mɔmɔk ni.

Ilahn 137:1

Babiloŋ aamɔɔ chee le ti nan kal; nima chee le ti nan teer Sionn aabɔr le ki wii.

Aisaya 43:14

Israel yaab Aadindaan Uwumbɔr u bi chain ki gaal nimi lir na bui ke, “Waahr aan m gaa nimi lii na, m ga tun bijab bi ti tak Babiloŋ aatiŋ; m ga gbaa wii kitiŋ ngbaan aabisamɔi aajaaleŋ tiib, le kaanib aafuuk ga kpaln iwiil.

Aisaya 45:3

M ga nyan ni liwangol mbɔmbɔɔn ni ki nan tii si, le aa bee ke min le sil ye Uwumbɔr, ki bee ke Israel yaab Aawumbɔr ngbaan le yin si ke Sairus.

Aisaya 57:17

Baatunwanbir ni baakumɔŋ pu le m nan gee bi pu liŋuul, le ki nan daa bitafal ki san cha bi. Le baa nan kpeln, ki beenin dii baasan.

Jeremia 17:11

Unii u joo beebee kani ŋimombil na bi ke unyoon u kaal ŋijen ŋi waa too ŋi na la. U ga laa li ye unachipɔɔn le ki lann waawangol, le waadoon na, u ga kpaln ujɔr.

Jeremia 50:27

Ku baajab mɔmɔk. Kɔr bi man. Babiloŋ aanib aadoon fuu ni a. Baatafadaan aayoonn fuu ni a.”

Jeremia 50:31

“Babiloŋ, aa kpa kigaak sakpen a, kina pu le min, Dindaan Uwumbɔr Mpɔɔnsakpiindaan nyan sil aa pu. N‑yoonn fuu ni ke m daa aatafal.

Jeremia 50:37

Kuln kaataan ni yaatɔroku mam. Nkun li bi kaajab bi bi ti pan bi ŋimombil ke bi nan jan tii bi na pu. Baa ki kpa mpɔɔn. Bii kaawangol, gaa ni ki yoor ni mpɔɔn.

Jeremia 51:36

Uwumbɔr nan bui Jerusalem aanib ke, “M ga gaa nimi aabɔr ki cha nimi aadim pa baah ŋa nimi pu na pu. M ga cha Babiloŋ yaab aanyun aah nyan ni nin chee na kuur, ki cha baamɔɔ foor.

Inandalahn 4:18

Bidim nan bi lik ban timi; le taa nan ti ki ŋmaa chuun kitiŋ ponn ni. Timi aayoonn nan doo; timi aamɔfal nan kuln.

Daniel 5:26

Naatataa mu sɔ: nkam, Uwumbɔr kahn saanaan aawiin i gur na ki kuln mu;

Amos 8:2

Le Uwumbɔr bui mi ke, “Buyoonn maanib Israel yaab ga doo na ŋeer le na; maan ki kpeln maalandak ke maan daa bitafal.

1 Piita 4:7

Tɔ, ni gur siib le tiwan mɔmɔk ga doo. Nima pu na, ni li kpa laasaab, ki chur nibaa, ki mee Uwumbɔr.

2 Piita 2:3

Bi ga li kpa iniman ki ga ŋmann nimi, ke bi ji nimi. Ni yunn le Uwumbɔr nan puun len ke baabɔr bii. Naan yunn le u ga daa bitafal.

Tibɔkpiirkaan 17:1

Le Uwumbɔr aatuuntiib bilole bi joo ŋisambil ŋilole ngbaan na ubaa dan ki nan len m chee ki bui mi ke, “Dan do, aan m nan mɔk si Uwumbɔr aah ga daa upiidagookpaan u bi nnyunkpaan chee na aatafal pu na.

Tibɔkpiirkaan 17:15

Le Uwumbɔr aatuun ngbaan ki bui mi ke, “Aa kan nnyunkpaan mu upiidagoor ngbaan ka mu chee na. Nnyunkpaan ngbaan ŋaŋ binib la. Bi ye ŋitimbol mɔmɔk aanib bi bi dulnyaa wee ni, ki len iliin imɔk bi dulnyaa wee ni na.

Tibɔkpiirkaan 18:19

le ki faa kitangbaak ŋa biyil pu, ki wii ki li kpa mpombiin ki len ke, “Tibɔbir bi kitisakpeŋ ngbaan pu la. Biŋɔdam bimɔk chuun nnyusakpem pu na nan kan tinyoor pam; ba pu? kitiŋ ngbaan aanib nan daa bi chee tiwan ni kpa kidaak na. Liwinbaal le kitiŋ ngbaan mɔmɔk kuln a.”