Jeremia 50:6 - Uwumbɔr aagbaŋ

⁶ “Maanib bi ke ipiih i aapihkpaal cha i wɔŋ ŋijoo ponn ni na la. Bi chuun yenni ki nya lijool libaa paab ki ti saa liken paab, le ki suln bido aah ye nin wɔb na.

Jeremia 50:6 ပူးပေါင်းရင်းမြစ်များ

Ilahn 116:7

Uwumbɔr aah kpa m pu tiŋann pu na, le m kpa nsuudoon.

Ilahn 119:176

M chuun yiini ke upiih u wɔŋ na la; maah kaa yii saakaal pu na, dan nan ban kan mi, saatutunn.

Ilahn 23:2

U tii mi lifuur timosɔnn aah bi nin chee na, ki mɔk mi uyayak aanyun mu soon na chee.

Ilahn 32:7

Sin le ye maabɔbɔryaan; aa ga nyan mi tibɔr ni. M gaa ilahn mpɔɔn pu, saah gaal mi lir pu na, ba pu? sin le kii mi.

Ilahn 90:1

Uwumbɔr, n‑yoonn mɔmɔk kan, sin le ye timi aakookoo yaan.

Ilahn 91:1

Unii umɔk chaa Uwumbɔr chee ti ban nkiirm na, unii umɔk bi Uwumbɔr Mpɔɔnsakpiindaan aaŋaal ni na

Aisaya 1:3

Inaa nyi u yeh i na, le ibon mu nyi nin chee idindaan di tijikaar di bil tii i na. Maanib Israel yaab ma chee kan, ni pɔɔ. Baa nyi nibaa.”

Aisaya 30:15

Israel yaab Aadindaan Uwumbɔr u bi chain na le len waanib chee ke, “Gir ni man ki nan kii tii mi suuna, le ni ga kan mpɔɔn ni ŋŋmarm.” Le ni yii kaa ŋa kina.

Aisaya 32:2

Bi mɔmɔk ga li bi ke mbɔbɔryaan mu ga ŋmaa kiir unii libuln chee, ni nin chee unii ga bɔr ki ŋmar kitaabuŋ chee na la. Bi ga li naahn ibun i puu nteersakpiin pu nin chee nnyun aa bi na, ki ki naahn litakpasakpeln li tii mboon nin chee isui aa bi na.

Aisaya 53:6

Ti mɔmɔk naahn ipiih i yenn na la, timɔk cha taah gee niwɔb na, le Uwumbɔr di titunwanbir ngbaan aafalaa tun u, ntafadaan ngbaan ba ŋeer timi la.

Jeremia 10:21

Le m gar ke, “Timi aayidam ye bilatiirb la; baa baa Uwumbɔr ke u mɔk bi. Nima le cha bi lir, le timi aanib yaa tɔb chee.

Jeremia 13:16

Nyuŋ Nidindaan Uwumbɔr man waahr aan u nin joo ni mbɔmbɔɔn, mu ga cha ni li gbeer ŋijoo paab ki cha nwiihn mu ni mak mu pu na kpaln mbɔmbɔɔn na.

Jeremia 2:20

Tidindaan Uwumbɔr le len ke, “Israel yaab, naah yii maamɔb na, ni yunn pam; ni yii, kaa kii maamɔb, kaa dooni mi. Ni dooni ŋiwaa ŋi ni bui ke ŋi kpa timar na ŋigongon ŋi paa na pu, ni bususoom mɔmɔk taab.

Jeremia 2:32

Upiisapɔɔn ga ŋmaa suln waaleenyaan pu uu? Ubɔndinn mu ga ŋmaa suln waakekenyaan pu uu? Le maanib ma aah suln m pu pu na, saan ŋmaa kahn iwiin ngbaan.

Jeremia 23:1

Uwumbɔr yaa nan jin biyidam bi bii ki yaa waanib na tibɔr kan, naan li ŋan bi pu.

Jeremia 3:23

Taah dooni ŋiwaa ŋigongon paab pu na aa kpa timi nterm mubaa. Timi Israel yaab aaterm nyani Tidindaan Uwumbɔr baanja chee la.

Jeremia 3:6

Josia aah nan ye ubɔr buyoonn na, le Uwumbɔr nan bui mi ke, “Aa kan Israel yaab bi bi ke bipiidagoob na aah tun pu na aa? Bi fenn bipuwɔb tii mi, le ki tun lituln ke bidagoob na ligongoln limɔk paa na pu, ni bususoom mɔk taab.

Jeremia 33:12

Uwumbɔr Mpɔɔnsakpiindaan ki len ke, “Kitiŋ ki bi ke nteersakpiin na, binib ni tiwakor aa bi na ni, le bipihdam ga ki di baapiih buen mmoŋmɔpaan ni, nima chee.

Jeremia 50:17

Uwumbɔr ki len ke, “Israel aanib bi ke ipiih i ichinn jenn yaa i na la. Njan na, Asiria aabɔrkpaan le nan puen tak bi, le Babiloŋ Aabɔr Nebukadnesar nan nyir baakpab.

Jeremia 50:19

M ga giin Israel aanib baatiŋ pu. Bi ga ji tijikaar ti bi bun Kamel Aajool pu, ni Basann aapepel ni na, le ki ga ji tijikaar ti mɔmɔk bi ban na, Efraim ni Gilead aapepel ni.

Esekiel 13:10

“Bibɔnabr ngbaan len le ke ni mɔmɔk ŋan, le ki joo maanib yenni. Tiwan mɔmɔk mu aa ŋan. Maanib di ŋitakpal woŋ woŋ tɔb pu le ke bi maa ligoln, le bibɔnabr ngbaan dan nan di nkokoyon boon li.

Esekiel 34:14

M ga cha i ŋmɔ timoor lifuur ni, ŋijoo aamoŋmɔpaan, ni tifatann, ni Israel aatiŋ aamosɔnn mɔmɔk ni.

Esekiel 34:15

Min mbaa le ga li ye maapiih aapihkpaal, le m ga ban nin chee i ga fuur na tii i. Min Dindaan Uwumbɔr le len kina.

Esekiel 34:16

“M ga ban ipiih i wɔŋ na, ki giin ni i yenn na, ki poo i kan titotonn na aabuun, ki cha i bun na pɔɔk; le ipiih i filk ki pɔɔ na, m ga kuln ima, ba pu? m ye upihdaan u tun tiwan ni ŋan na la.

Matiu 10:6

Li cha man Israel yaab bi yenn Uwumbɔr aasan ni na aatim ni,

Matiu 15:24

Le Yesu bui bi, “Uwumbɔr tun ni mi ke m nan ter Israel yaab bi yenn Uwumbɔr aasan ni na baanja la.”

Matiu 9:36

Waah kan kinipaak ngbaan na, le u san bi kinimbaak sakpen; ba pu? bi naahn ipiih i yɔl ki dɔ kitiŋ, kaa kpa upihkpaal na la.

1 Piita 2:25

Ni nan bi ke ipiih i yenn na, le dandana wee, ni gir ni Kristo chee. U kpaa nimi ke upihkpaal aah kpaa ipiih pu na, ki kii nimi aamɔfal.