Jeremia 50:44 - Uwumbɔr aagbaŋ

⁴⁴ “Min Uwumbɔr ga dan ki nan cha Babiloŋ yaab san libuul ni, ki nyan baatiŋ ni, ke uchinn aah nyan ni kichook ni, ki di bɔ dii Jɔɔdann aagbaan pu, ki nan nya timosɔnn ni pu na la. Maah ga lee usaloln u na le ga li joo litimbol ngbaan. M ni ubaa aa ŋak. Ubaa aan kaa ke u kpak mi. Utinjoor ubaa aan ŋmaa kpak mi.

Jeremia 50:44 ပူးပေါင်းရင်းမြစ်များ

Ilahn 89:6

Uwumbɔr, ubaa aa bi paacham ki bi ke sin na; paacham yaab ubaa aaŋeen aatɔ aa ye si.

Ilahn 89:8

Tidindaan Uwumbɔr, Mpɔɔnsakpiindaan, ubaa aa bi ki kpa mpɔɔn ke sin na; Uwumbɔr, aa ŋani saah puu pu na mɔmɔk la.

Nnyam 15:11

Uwumbɔr, lilawaal bi ke si na? Ŋma bi ke si na, aan saabimbin bi chain kina? Ŋma ba tee bi ki tun lijinjiir, ni ŋitun sakpiin ke saah tun pu na?

Aisaya 40:18

Ti ga di Uwumbɔr ŋaŋ ŋma? Aa ga ŋa kinye ki mɔk waah bi pu na?

Aisaya 40:25

Ti ga di Uwumbɔr u bi chain na ŋaŋ ŋma? Ubaa ki bi ke uma na aa?

Aisaya 41:25

M lee uja u bi liwipuul wɔb na; m ga cha u nyan ni paacham wɔb ki nan tak nimi. U taar bitinjoob ŋmalni titan ni ke baah ye tikpakpar le na, ke uyakmaal aah nyani tiyakr pu na.

Aisaya 43:10

Israel aanib, nimi le ye maaseeraadam; m nan lee nimi ke ni li ye maatutum, aan ni li nyi mi ki gaa mi ki kii, ki bee ke min baanja le ye Uwumbɔr. Uwumbɔr ubaa aa ki bi ki kpee m pu, ubaa aa nan bi, ki mu aan ki li bi.

Aisaya 46:11

M bi yin ni uja ubaa ke u nya ni liwipuul wɔb; u ga boon ni ke kaasaa na ki nan ŋa maah dak pu na. Min le len, le ni ga ŋa kina.

Aisaya 46:9

Teer man tibɔr ti nan ŋa n‑yoonn na; tii naadii man ke min baanja le ye Uwumbɔr, ke ubaa aa ki bi ke min na.

Aisaya 48:14

Ni mɔmɔk kuun ni man ki nan pel. Ŋiwaa ngbaan ponn ni libaa aa nan ŋmaa len ke uja u m lee u na ga nan tak Babiloŋ aatiŋ; u ga ŋa maah tuk u ke u ŋa pu na.

Jeremia 12:5

Le Uwumbɔr bui ke, “Jeremia, aa ni binib yaa san kpak aan aa bak kan, aa ga ŋa kinye aan aa ni itaan san kpak? Aa yaa kaan ŋmaa sil nteer pu kan, aa ga ŋa kinye ki koo Jɔɔdann aachook ni?

Jeremia 25:38

Uwumbɔr siir cha waanib ke uchinn aah siir cha waatakpaluŋ pu na la. Butɔb aajawaan, ni Uwumbɔr aaŋuusakpeln cha kitiŋ ngbaan kpaln nteersakpiin a.

Jeremia 30:21

Baajojoor ga nya ni baatimbol ni la, le baayidaan nya ni bibaa aanib ni. M yaa tun yin u kan, u ga dan m chee, maah kaa tun yin u na waan kaa dan m chee. Bi ga li ye maanib, le m ye Baawumbɔr. Min Uwumbɔr le len kina.”

Jeremia 50:15

Faa butɔb aakuun ki mann Babiloŋ aatiŋ. Babiloŋ aatiŋ di kibaa tii a. Bidim wiil kaagon ki koo ki ponn ni a. M bi teeni Babiloŋ la. Kina pu na, ni mu teen bi, ki ŋa bi ke baah nan ŋa biken pu na.

Sekaria 11:3

Bijojoob na wii mpombiin pu la; baapɔɔn mɔmɔk doo a. Li pel ichinn aah ŋuuni pu na; kichook ki ponn ni i koo Jɔɔdann aamɔɔl aagbaan na kuln a.

Nkahm 16:5

le ki bui Kora, ni binib bi kpee u pu na ke, “Fen aachakpiik ni kan, Uwumbɔr ga fe mɔk ti mɔmɔk unii u ye waanii na; u ga fe cha waah nyan unii u na dan u chee, waatork aabimbiln chee.