Jeremia 50:39 - Uwumbɔr aagbaŋ

³⁹ “Kina pu na, tiyayaar ni bipɔnib bi bir na, ni inyoon i kaa ŋan na, le chuun dii Babiloŋ. Binib aan ki koo nima daalbaadaal, ki ti saa n‑yoonn mu choo na mɔmɔk.

Jeremia 50:39 ပူးပေါင်းရင်းမြစ်များ

Aisaya 14:23

M ga labr Babiloŋ ŋa kipuuk la, ifiin le ga li bi nima. M ga di ŋŋaan mu ŋar tiwan mɔmɔk na le ŋar Babiloŋ aatiŋ. Min Uwumbɔr Mpɔɔnsakpiindaan le len kina.”

Jeremia 25:12

Nee aapuwɔb le m ga daa Babiloŋ aatiŋ ni kaabɔr aatafal baatunwanbir pu. M ga kuln kitiŋ ngbaan ki cha ki kpaln tilangbenn ki ti saa n‑yoonn mu kaa kpa ndoon na.

Jeremia 50:3

“Litimbol li nyan ni ŋŋangan wɔb na dan ke li nan tak Babiloŋ, le ki ga ŋa ki nteersakpiin. Binib ni tiwakor ga san, le ubaa aan ki li koo nima.”

Jeremia 51:26

Baan ki di saalangbentakpanjal libaa maa lidichal. Aa ga li gur bi ke nteersakpiin na le n‑yoonn mɔmɔk. Min Uwumbɔr le len kina.

Jeremia 51:43

Kaatim gur ye ijawaan aawan la, le ki gur bi ke nteersakpiin mu kaa kpa nnyun na. Ubaa aa koo ki ni kaa chuun nima chee.

Tibɔkpiirkaan 18:2

le ki len mpɔɔn pu ke, “Kitisakpeŋ Babiloŋ lir a. Ki lir kookoo a. Bipɔnib, ni tiyayaar, ni tiwanbir, ni inyoon i bir ki kɔ na baanja le koo nima chee;