Jeremia 50:36 - Uwumbɔr aagbaŋ

³⁶ Nkun li bi bibɔnabr bi ye binyamɔndam na pu, bi ye bijɔrb la. Nkun li bi kaajab pu, ijawaan chuu bi a.

Jeremia 50:36 ပူးပေါင်းရင်းမြစ်များ

2 Samuel 15:31

David aah ŋun ke Ahitofel ti kpee Absalom pu na, le u mee limeel ke, “Uwumbɔr, m gaŋ si ke aa kpeln Ahitofel aasurm mɔmɔk ŋa kijɔrk aaliin.”

2 Samuel 17:14

Le Absalom ni Israel yaab mɔmɔk bui ke, “Husai aasurm ŋan jer Ahitofel aasurm.” Uwumbɔr le nan siin ke bi taa kii Ahitofel aasurm, aan tibɔbir dan Absalom pu.

2 Bibɔrb Aabɔr 25:16

Le Amasia kpaan baa u ke, “Bayoonn aan ti di si ŋa ubɔr aasusur? Ŋmin aamɔb, naa ye kina kan, m ga cha bi ku si.” Le ubɔnabr ngbaan bui ke, “Dandana ma kan, m bee ke Uwumbɔr le siin ke saamɔfal junn, saah yii u ki tun pu na mɔmɔk pu,” le ki nin ŋmin.

Aisaya 43:14

Israel yaab Aadindaan Uwumbɔr u bi chain ki gaal nimi lir na bui ke, “Waahr aan m gaa nimi lii na, m ga tun bijab bi ti tak Babiloŋ aatiŋ; m ga gbaa wii kitiŋ ngbaan aabisamɔi aajaaleŋ tiib, le kaanib aafuuk ga kpaln iwiil.

Aisaya 44:25

M ŋani bibɔɔb bijɔrb, ki cha baabɔr ti bi len ke ti ga ŋa na beer fam. M yii binimbiwolm aalan, ki mɔk ke baalan ye kijɔrk la.

Jeremia 48:30

Min Uwumbɔr nyi baagaak bɔr. Baapupuk ye fam la, le baah tun ŋitun ŋi na aan yunn.

Jeremia 49:22

Bidim ga boon ni ke likaagiil na le ki nan tak Bosra aatiŋ. Liyaadaal ngbaan kan, Edom aajab ga san ijawaan ke upii u imalween joo u na la.”

Jeremia 50:30

Liyaadaal ngbaan le kaanachipɔm ga kpoi ki ponn ni, le kaajab mɔmɔk ga kuln. Min Uwumbɔr le len kina.

Jeremia 51:23

ki joo ku bipihkpaab ni baapiih, ki joo ku binib bi joo itaan ko na, ni baataan, ki joo wɔi bitinjoob ni bininkpiib.”

Jeremia 51:30

Babiloŋ aajab di cha kijaak le ki gaar baajawan aadir ni. Baa ki kpa lipobil, le ki gur bi ke bipiib na. Bidim gbaa wɔi kitiŋ ngbaan aabisamɔi aajaaleŋ mam, le ki see ŋidichal lii.

Jeremia 51:32

Bidim gaa mmɔɔsan a, ki seer tidir ti fɔk ki pɔɔ na mmii lii. Babiloŋ aajab aapobil yuk.

Nahum 2:8

Binib san nyan Ninefa aatiŋ ni ke limɔɔl aah kar kan, laanyun puu nya pu na la. Iwiil nya ni ke, “Sil man. Sil man.” Le ubaa aa fenni upuwɔb ke u lik.

Nahum 3:13

Saajab naahn bipiib la, le ubaa aa kii saatiŋ ke saadim taa nyaŋ ki. Mmii le ga wu idɔ i aa di laŋ saabisamɔi na.

Nahum 3:7

Binib bimɔk kan si na ga sur bipuwɔb. Bi ga len ke, ‘Ninefa aatiŋ kpaln tilangbenn le ki dɔ. Ubaa aan san ki kinimbaak. Ubaa mu aan li ban ke u sɔŋ kisui.’”

1 Timoti 4:2

Bipɔnib ngbaan ga cha binib bibaa ŋmann ke bi mɔk binib Uwumbɔr aasan. Bi ye binyamɔndam la. Baalandak aa ki muk bi baatunwanbir pu.

1 Timoti 6:4

u ye kalmbaanidaan la, kaa nyi nibaa. U gee ke u kpak kinikpakpak ibɔliin aatataa pu. Nima le cha lipiipoln, ni tibɔr, ni ŋisiibil bi, ki cha binib dak ilandak i kaa ŋan na tɔb pu.

Tibɔkpiirkaan 19:20

Le u chuu upeel ngbaan, ni waabɔnabr u nan tun lijinjiir aatun unimbiin ni ki ŋmanni binib bi nan gaa upeel ngbaan aadaan ki dii waawaal na. Bi nan chuu upeel ngbaan ni waabɔnabr ngbaan ki di ŋa chirbil aamii sakpiin ni, bifuub.

Tibɔkpiirkaan 21:8

Le bijawaandam, ni binib bi yii mi na, ni bininsom, ni binikurb, ni bidagoob, ni bibɔɔb, ni biwaadam, ni binyamɔndam mɔmɔk ga li bi chirbil aamii ni. Nima le ye lelee aakun na.”

Tibɔkpiirkaan 22:15

Le tiniwanbir, ni bibɔɔb, ni bidagoob, ni binikurb, ni biwaadam, ni binyamɔndam, ni biŋmaŋmannim ma kan, baan koo ni kitiŋ ngbaan ni.