Jeremia 50:34 - Uwumbɔr aagbaŋ

³⁴ Le u ga gaa bi lii na kpa mpɔɔn, waayimbil le ye Uwumbɔr Mpɔɔnsakpiindaan. Uma ubaa le ga gaa baabɔr, ki cha nsuudoon dan kitiŋ kee pu, le Babiloŋ aanib ma kpa tibɔbir.”

Jeremia 50:34 ပူးပေါင်းရင်းမြစ်များ

2 Bibɔrb Aabɔr 6:39

Saah bi paacham na, ŋun ki san bi kinimbaak ki di saanib aatunwanbir cha pinn bi.

Job Aagbaŋ 19:25

Le m tee nyi ke ubaa bi paacham ki nan len maabɔr tii mi.

Ilahn 35:1

Uwumbɔr, kpak binib bi kpak mi na, ki jan binib bi tak mi na kijaak.

Ilahn 43:1

Uwumbɔr, bui ke maabɔr ŋan, ki len tii mi binib bi kaa dii si na chee; nyan mi binyamɔndam ni titunwanbirdam aaŋaal ni.

Nnyam 6:6

Nima pu na, tuk Israel yaab ke, ‘Min le ye Uwumbɔr. M ga gaa nimi lii, ki nyan nimi tinaagbiir ni, Ijipt yaab chee. M ga yoor maaŋaal mu kpa mpɔɔn na paacham, ki daa binib ngbaan aatafal, le ki ga gaa nimi lii.

Ŋiyataŋak 22:23

Uwumbɔr le ga len baabɔr tii bi, ki ga ku binib bi ban bi ku bi na.

Ŋiyataŋak 23:11

Uwumbɔr le ye mpɔɔndaan u kii bi na, le ki ga cha aa ni uma le ji tibɔr.

Aisaya 41:14

Uwumbɔr bui ke, “Israel yaab, naah par kaa ki kpa mpɔɔn mu pu na, taa san man ijawaan, m ga ter nimi. Min, u ye nimi Israel yaab Aawumbɔr u bi chain na, min le ye u gaal nimi lir na.

Aisaya 43:14

Israel yaab Aadindaan Uwumbɔr u bi chain ki gaal nimi lir na bui ke, “Waahr aan m gaa nimi lii na, m ga tun bijab bi ti tak Babiloŋ aatiŋ; m ga gbaa wii kitiŋ ngbaan aabisamɔi aajaaleŋ tiib, le kaanib aafuuk ga kpaln iwiil.

Aisaya 44:6

Uwumbɔr u joo ki kii Israel yaab na, Uwumbɔr Mpɔɔnsakpiindaan kpa tibɔr tee u len ke: “Min le ye mpiin ngbaan ni ndoon ngbaan, min baanja le ye Uwumbɔr; Uwumbɔr uken aa ki bi ki kpee m pu.

Aisaya 47:4

Israel yaab Aawumbɔr u bi chain na le gaal timi lir. Waayimbil le ye ke Uwumbɔr Mpɔɔnsakpiindaan.

Aisaya 49:25

Le Uwumbɔr giin kii ke, “Kina le sil ga ŋa. Bi ga gaa butɔb aaja chee biyom, ki gaa ubiindaan chee waah gaa tiwan ni kijaak ni na. Unii umɔk tak si na, m ni udaan ga jan, le m ga gaa saabim lii.

Aisaya 51:22

Nidindaan Uwumbɔr si nipuwɔb ki bui ke, “M bi nyani falaa u m nan di tii nimi maaŋuul ponn ni na la. Naan ki ji falaa u cha ni chuun gbeer ke naah nyun ndaan le na.

Aisaya 54:5

U naan si na ga li bi ke chal na le aa chee, waayimbil le ye Uwumbɔr Mpɔɔnsakpiindaan. Israel yaab Aawumbɔr u bi chain na le ga gaa si lii, uma le ye dulnyaa mɔmɔk aayidaan.

Jeremia 10:16

Uma Uwumbɔr u tiyaaja Jakob mu dii u na aa bi ke ŋima na; uma Uwumbɔr le naan tiwan mɔmɔk, le ki lee Israel yaab ke bi li ye uma ubaa aanib. Waayimbil le ye ke Uwumbɔr Mpɔɔnsakpiindaan.

Jeremia 15:21

M ga nyan si mbiindam, ni binib bi aabimbin pɔɔ na aaŋaal ni. Min Uwumbɔr le len kina.”

Jeremia 30:20

M ga cha litimbol ngbaan ki kan laah nan kpa mpɔɔn mu n‑yaayoonn na, ki cha li ki too nyal sil; m ga daa binib bi mɔmɔk muk bi na aatafal.

Jeremia 31:11

M gaa Israel aanib lii a, ki nyan bi litimbol sakpeln aapɔɔn ni.

Jeremia 31:35

Uwumbɔr tii nwiin ke mu li wiin nwiin pu la, ki cha uŋmal ni iŋmabi tii nwiihn kinyeek. U kur nnyusakpem ni le mu ŋuuni, waayimbil le ye ke Uwumbɔr Mpɔɔnsakpiindaan.

Jeremia 32:18

Aa mɔk binib ŋichur ŋichur saageehm mu bi n‑yoonn mɔmɔk na, le ki mu dar binib aatafal, bitetiib aatunwanbir pu. Aa ye Uwumbɔr u aapɔɔn nyaŋ na la; sin le ye Uwumbɔr Mpɔɔnsakpiindaan.

Jeremia 48:15

Moab ni kaatim kuln a; kaanachipɔm bi ŋan sakpen na kpo a. Min le ye ubɔr, Uwumbɔr Mpɔɔnsakpiindaan le ki len kina.

Jeremia 51:19

Uma Uwumbɔr u tiyaaja Jakob nan dii u na aa bi kina; uma le naan tiwan mɔmɔk, le ki lee Israel yaab ke bi li ye uma ubaa aanib. Waayimbil le ye ke Uwumbɔr Mpɔɔnsakpiindaan.

Jeremia 51:36

Uwumbɔr nan bui Jerusalem aanib ke, “M ga gaa nimi aabɔr ki cha nimi aadim pa baah ŋa nimi pu na pu. M ga cha Babiloŋ yaab aanyun aah nyan ni nin chee na kuur, ki cha baamɔɔ foor.

Inandalahn 3:58

Uwumbɔr, aa dan ki nan gaa maamɔfal lii.

Joel 2:11

Uwumbɔr tar ke utaal na ki tuk waatɔb aajab baah ga ŋa pu na. Waajab bi kii tii waamɔb na wiir ki kpa mpɔɔn. Uwumbɔr aawiin ngbaan daal kan, ubaa aan li wii aan uŋeen aatɔ ka laa. Ubaa aan ŋmar nwiin ngbaan daal.

Maika 4:10

Jerusalem aatiŋ aanib, li mur fenni ki ker idun ke upii u imalween joo u na, ba pu? ni ga nya kitiŋ ponn ni ki ti li koo timoor ni. Ni ga buen Babiloŋ aatiŋ ni; le Uwumbɔr ga ti tee gaa nimi, nimi aadim chee lii nima.

Maika 7:9

Ti tun Uwumbɔr titunwanbir, kina pu na, ni ŋan ke ti ji falaa waaŋuul pu. Nee aapuwɔb na u ga sil tipuwɔb ki toor taani u bi ŋa timi na. U ga nyan ni timi dan nwiihn ni; ti ga li bi ki ti saa n‑yoonn mu u ga gaa timi lii na.

Tibɔkpiirkaan 18:8

Nima pu le falaa ga pii kitiŋ ngbaan liwinbaal. Iweenbir, ni mpombiin, ni nkon ga lir ki pu. Le mmii ga gaa kitiŋ ngbaan mɔmɔk; ba pu? Tidindaan Uwumbɔr u dar kitafal na kpa mpɔɔn sakpen.”