Jeremia 50:33 - Uwumbɔr aagbaŋ

³³ Uwumbɔr Mpɔɔnsakpiindaan len ke, “Bi muk Israel ni Juda aanib la. Binib bi mɔmɔk nyaŋ bi, ki chur bi na kii bi gbingbin, kaan cha bi nya biŋaal ni.

Jeremia 50:33 ပူးပေါင်းရင်းမြစ်များ

Nnyam 5:2

Le ubɔr ngbaan baa bi ke, “Ŋma ye Uwumbɔr? U ye ŋma aan m pel waabɔr ki cha Israel yaab buen? Maa nyi Uwumbɔr. Maan cha Israel yaab nya buen.”

Nnyam 8:2

Aa yaa yii kan, m ga daa saatiŋ kee aanib aatafal, ki cha ŋipulaatal gbiin kitiŋ kee ni.

Aisaya 14:17

Uja wee le aa nan bii ntikpaam ki labr dulnyaa di ŋa nteersakpiin nin chee nibaa aan ŋmaa punn na aa? Naa ye uja umina le aa nan kii ke waanaagbiib kun bido na aa?

Aisaya 47:6

M nan gee liŋuul maanib pu; ki ŋa bi ke baa kaa ye maanib le na: M nan di bi ŋa saapɔɔn ni, le saa san bi kinimbaak; hali aa nan muk binib bi por na.

Aisaya 51:23

M ga di falaa ngbaan tii binib bi muk nimi na la, binib bi nan cha ni doon titan ni, kitiŋ ponn ni na, aan bi taa taa ni pu ke naah ye titan le na, bima le ga ji falaa ngbaan.”

Aisaya 58:6

“Maah ban kimɔlul ki aaboln na sɔ: Chuu nyan man limukl aakululn ti ni di buu bigiim na, ni inyamɔn aatuln li ni di tun bi na bi pu, ki cha bi li chuun bibaa pu.

Jeremia 30:20

M ga cha litimbol ngbaan ki kan laah nan kpa mpɔɔn mu n‑yaayoonn na, ki cha li ki too nyal sil; m ga daa binib bi mɔmɔk muk bi na aatafal.

Jeremia 50:7

Unii umɔk kan bi na kan, u tak bi la. Baadim len le ke, ‘Bi tun Uwumbɔr le titunwanbir, kina pu na, taah ŋa bi pu na aa bir. Biyaajatiib nan kii tii Uwumbɔr, bi mu ba ga li bi u chee kina.’