Jeremia 50:31 - Uwumbɔr aagbaŋ

³¹ “Babiloŋ, aa kpa kigaak sakpen a, kina pu le min, Dindaan Uwumbɔr Mpɔɔnsakpiindaan nyan sil aa pu. N‑yoonn fuu ni ke m daa aatafal.

Jeremia 50:31 ပူးပေါင်းရင်းမြစ်များ

Aisaya 2:12

Liyaadaal ngbaan Uwumbɔr Mpɔɔnsakpiindaan ga sunn mpɔɔndam, ni kalmbaanidam, ni kigaadam mɔmɔk taab.

Jeremia 21:13

Nimi Jerusalem yaab ka ŋibɔrjal paab, le tifatann bi ni taab, le ni bi ke litakpal li ŋub kitiŋ ki dɔ taar na aah bi pu na. Le m ga jan nimi kijaak. Ni bui ke ubaa aan ŋmaa tak nimi, kaan ŋmaa bɔ nimi aajab ni ki jer.

Jeremia 48:29

Moab aatiŋ aanib kpa kigaak pam. M ŋun Moab aanib aah kpa kigaak, ni inimpoo, kaah lik faar ubaa, ki tee lik pak bibaa pu na.

Jeremia 49:16

Saagaak le ŋmann si. Ubaa aa san si ke saah dak ke bi san si pu na. Aa bi ŋijootakpal paab la, ki bi ŋijoo aapaachapaacham; tɔ, aa koo paachapaacham ke likaagiil na la, Uwumbɔr mu tee ga sunn si taab. Uwumbɔr le len kina.”

Jeremia 50:29

“Bui binib bi too itɔi na ke bi tak Babiloŋ aatiŋ. Cha umɔk nyi butɔm ni mpiin aatoom na buen. Gob man kitiŋ ngbaan ki taa cha ubaa ŋmar. Kaah nan di kigaak mɔk min, Israel yaab Aawumbɔr u bi chain na pu na, teen ki kaah nan tun pu na mɔmɔk, ki ŋa ki ke kaah nan ŋani ntim muken pu na.

Jeremia 50:32

Saatimbol li kpa kigaak na ga gbeer ki lir, le ubaa aan ter si aa ki fii sil. M ga see saatim mmii, le tiwan nimɔk bi duun mu na ga bii doo.”

Jeremia 51:25

Babiloŋ, aa naahn lijool li bii dulnyaa wee mɔmɔk na la, le min Uwumbɔr le ye saadin. M ga chuu si, ki ber si bil kitiŋ, ki cha aa kpaln nfatan.

Esekiel 29:3

Bui ke Dindaan Uwumbɔr aah tuk Ijipt aabɔr pu na sɔ: sin unyiib, kiwanbiik ki dɔ nnyun ni na, m ye saadin la. Aa bui ke Nail Aamɔɔl ye sin yaan la, ki len ke sin le ŋa li.

Esekiel 38:3

ki tuk u ke min Dindaan Uwumbɔr ye waadin la.

Esekiel 39:1

Tidindaan Uwumbɔr nan bui ke, “Unibɔn, len tibɔbir Mesek, ni Tubal aajojookpaan Gog pu, ki tuk u ke m ye waadin la.

Esekiel 5:8

Kina pu na, min Aadindaan Uwumbɔr le len ke aa ye maadin la. M ga ji si tibɔr nin chee ŋitimbol mɔmɔk ga kan si na.

Nahum 2:13

Uwumbɔr Mpɔɔnsakpiindaan bui ke, “Saadin ye min la. M ga see saataan aatɔroku tiib mmii. Bi ga ku saajab butɔb ni la, le m ga yoor saah nan gaa tiwan ni biken chee na ki di buen. Ubaa aan ki ŋun saah nan kpa mpɔɔn mu dulnyaa wee ni na pu.”

Nahum 3:5

Uwumbɔr Mpɔɔnsakpiindaan bui ke, “M ga daa sin Ninefa aatiŋ aanib aatafal. M ga gbabr si ki cha si aaŋmeen ki cha ŋitimbol ŋiken kan si, ŋi ga kan si saanimɔɔn ngbaan ni.

Jemisi 4:6

Tɔ, Uwumbɔr tii timi nterm ki jer kina, le waagbaŋ len ke, “Uwumbɔr yiil kalmbaanidam, le ki lik faar binib bi sunni bibaa taab na.”

1 Piita 5:5

Nimi bi kaa por na, ni li keei binib bi kpeln nimi na aamɔb. Ni mɔmɔk li sunni nibaa taab, ki li ter tɔb. Ba pu? Uwumbɔr Aagbaŋ len ke, “Uwumbɔr yiil kalmbaanidam, le ki lik faar binib bi sunni bibaa taab na.”

Tibɔkpiirkaan 18:8

Nima pu le falaa ga pii kitiŋ ngbaan liwinbaal. Iweenbir, ni mpombiin, ni nkon ga lir ki pu. Le mmii ga gaa kitiŋ ngbaan mɔmɔk; ba pu? Tidindaan Uwumbɔr u dar kitafal na kpa mpɔɔn sakpen.”