Jeremia 50:29 - Uwumbɔr aagbaŋ

²⁹ “Bui binib bi too itɔi na ke bi tak Babiloŋ aatiŋ. Cha umɔk nyi butɔm ni mpiin aatoom na buen. Gob man kitiŋ ngbaan ki taa cha ubaa ŋmar. Kaah nan di kigaak mɔk min, Israel yaab Aawumbɔr u bi chain na pu na, teen ki kaah nan tun pu na mɔmɔk, ki ŋa ki ke kaah nan ŋani ntim muken pu na.

Jeremia 50:29 ပူးပေါင်းရင်းမြစ်များ

Nnyam 10:3

Moses ni Aaronn nan dii buen ubɔr ngbaan chee, le ki ti bui u ke, “Hiibru yaab Aadindaan Uwumbɔr bui ke, ‘N‑yoonn mulamu aa ga diŋ aasui pu, ki kii tii mi? Cha maanib ngbaan buen, nima kan, bi ga ti ŋmaa doon mi.

Aisaya 37:23

Aa dak ke ŋma aa bi seei ki ŋani u mbɔnyun? Saa pak mi, Israel yaab Aawumbɔr u bi chain na kpala.

Aisaya 47:10

Aa nan dak ke aa ŋmar saatunwanbir ni a; aa nan nyi ke ubaa aan kan si. Saalan ni saachiin le ŋmann si koon timoor ni, le aa bui aabaa ke, ‘M ye Uwumbɔr la, ubaa aa ki bi ke min na.’

Jeremia 25:14

Babiloŋ yaab aah tun pu na, kina le m ga di teen bi, le ŋitimbol pam ni bibɔrkpaam di bi ŋa baanaagbiib.’”

Jeremia 48:26

Uwumbɔr bui ke, “Moab aatiŋ aah nyan mpuwɔb pu na, cha ki gbii ndaan. Moab aatiŋ ga biln kibaa aawuln ponn ni la, le binib ga laa.

Jeremia 49:16

Saagaak le ŋmann si. Ubaa aa san si ke saah dak ke bi san si pu na. Aa bi ŋijootakpal paab la, ki bi ŋijoo aapaachapaacham; tɔ, aa koo paachapaacham ke likaagiil na la, Uwumbɔr mu tee ga sunn si taab. Uwumbɔr le len kina.”

Jeremia 50:24

Babiloŋ, aa nan jan mi kijaak, le maah nan di gaawɔb u pen si aan saa nyi u bɔr na chuu si.

Jeremia 50:26

Tak ki ŋipepel mɔmɔk. Kuun naah gaa kaawangol li na paan tɔb pu ke njikaabim na. Kuln kitiŋ ngbaan man. Taa di cha tiwan nibaa kina.

Jeremia 50:32

Saatimbol li kpa kigaak na ga gbeer ki lir, le ubaa aan ter si aa ki fii sil. M ga see saatim mmii, le tiwan nimɔk bi duun mu na ga bii doo.”

Jeremia 50:9

M ban m ti saa ŋitimbol ŋibaa ŋŋangan wɔb le ki cha ŋi ti tak Babiloŋ. Bi ga lul butɔb ki nyaŋ Babiloŋ. Bi ye bikpam bi nyi kikpaŋ aabɔr na la, bi yaa too ipiin kan, baa lanni.

Jeremia 51:24

Uwumbɔr len ke, “Ni ga kan maah ga teen Babiloŋ ni kaanib baah tun Jerusalem titunwanbir ti na mɔmɔk.

Jeremia 51:3

Taa tii baajab nsan bi too baapiin, ki taa tii bi nsan ke bi peen baajaak aabɔkul. Ku binachipɔm man. Kuln baajab mɔmɔk.

Jeremia 51:49

Babiloŋ cha dulnyaa wee mɔmɔk aanib kpo. Babiloŋ aah ku Israel aanib sakpen pu na, ki ga lir. Min Uwumbɔr le len kina.”

Jeremia 51:56

Bi dan ke bi nan kuln Babiloŋ la; bi nyaŋ kaajab ki chur bi, le ki kool baatɔi. M ye Uwumbɔr u daar unii u tun titunwanbir na aatafal la, le ki ga ŋa Babiloŋ tiwan ni ŋeer ki na.

Inandalahn 1:9

Kaajɔŋ aa nan bɔr, le kitafal aa nan bi ntafadaan mu ga pii ki na ni. Kaalirm nan nyaŋ a; ubaa aa ŋmaa sɔŋ kisui. Kaadim nyaŋ ki; le kaanib wii ke Uwumbɔr san bi kinimbaak.

Inandalahn 3:64

Uwumbɔr, daa bitafal, baah tun pu na pu.

Daniel 11:36

“Siria aabɔr ga li ŋani waah gee pu na la. U ga li kpa kipupuk ke liwaal libaa aa bi ki pii u, ke u kpaan jer Uwumbɔr u kaa kpa ŋeen aatɔ na mu. U ga li ŋani kina ki ti saa buyoonn Uwumbɔr ga daa utafal na. Uwumbɔr aah kpokl ke u ŋa pu na, kina le ga ŋa.

Daniel 4:37

“Le dandana wee, min Nebukadnesar pak ki nyuŋ Paacham Aabɔrkpaan ngbaan ki tii u kipak. Waah ŋani tiwan nimɔk na ye mbamɔn ki tok, le u ga ŋmaa sunn binib bi kpa kigaak na taab.”

Daniel 5:23

Aa tun Paacham Aadindaan tiwan ni kaa ŋan na, ki yoor tiyikur ni ŋisambil ŋi nyan ni Waadichal ni na; le sin, ni saaninyuum, ni aapuutiib, ni aabɔtiib nyun ndaan tiyikur ni ŋisambil ngbaan ponn ni, ki pak ŋiwaa ŋi bi di salmaa, ni tikunabr, ni tikumann, ni tikur, ni idɔ, ni ŋitakpal naan ŋi na, ŋiwaa ŋi kaa waa, kaa ŋun tibɔr, kaa nyi nibaa na, kaa tee nyuŋni Uwumbɔr u lik ke aa ga li bi, bee aa ga kpo, ki joo tiwan ni mɔmɔk aa ŋani na.

Obadia 1:15

“Nwiin ngbaan peen ni, bundaal aan min Uwumbɔr ga ji ŋitimbol mɔmɔk tibɔr na peen ni. Edom yaab, naah ŋa pu na, kina le ni ga kan. Naah tii pu na, kina le bi ga giin tii nimi.

2 Tesalonika 1:6

Ni ye mbamɔn, Uwumbɔr len ke ni ŋan ke binib bi ŋani nimi falaa na, u mu ŋa bi falaa,

2 Tesalonika 2:4

U ga yii Uwumbɔr, ni ŋiwaa, ni tiwan nimɔk binib dii ni na. U ga nyuŋ ubaa ki jer ni mɔmɔk, ki ga kal Uwumbɔr Aadichal ni, ki len ke uma le ye Uwumbɔr.

Tibɔkpiirkaan 16:6

ba pu? bi ku saanib ni saabɔnabtiib ki cha baasin nyan, le aa mu cha baanyun kpaln nsin bi nyu. Bi ŋeer kina la.”

Tibɔkpiirkaan 18:6

U bui ke, “Teen kitiŋ ngbaan kaah nan tii pu na. Teen ki kaah nan tun pu na mfum mulee. Gbiin kaayikuuk ndaan mu pɔɔk jer kaah tii biken na mfum mulee.