Jeremia 50:26 - Uwumbɔr aagbaŋ

²⁶ Tak ki ŋipepel mɔmɔk. Kuun naah gaa kaawangol li na paan tɔb pu ke njikaabim na. Kuln kitiŋ ngbaan man. Taa di cha tiwan nibaa kina.

Jeremia 50:26 ပူးပေါင်းရင်းမြစ်များ

Aisaya 10:6

M tun Asiria yaab ke bi ti tak litimbol li kaa dii mi Uwumbɔr aasan na, binib bi cha maaŋuul fii bi pu na. M tun bi ke bi ti jenn ki gaa, ki su baawan, ki taa binib pu ki ŋmal titan ni, kitiŋ ponn ni.”

Aisaya 14:23

M ga labr Babiloŋ ŋa kipuuk la, ifiin le ga li bi nima. M ga di ŋŋaan mu ŋar tiwan mɔmɔk na le ŋar Babiloŋ aatiŋ. Min Uwumbɔr Mpɔɔnsakpiindaan le len kina.”

Aisaya 25:10

Uwumbɔr ga kiir Sionn paab aanib; Moab yaab ma kan, u ga taa diin bi pu, ke inaa aah taa diini likakl tinaanyar ponn ni pu na la.

Aisaya 45:3

M ga nyan ni liwangol mbɔmbɔɔn ni ki nan tii si, le aa bee ke min le sil ye Uwumbɔr, ki bee ke Israel yaab Aawumbɔr ngbaan le yin si ke Sairus.

Aisaya 5:26

Uma Uwumbɔr yin dandar aatimbol. U foo ifoo ki yin bi ke bi nyan ni dulnyaa aanaan mɔmɔk ni ke bi dan. Le bi san ni mala ke libuln na ki choo.

Jeremia 50:10

Bi ga gaa Babiloŋ aawangol, le binib bi ga gaa li na ga yoor tiwan ni mɔmɔk bi gee na. Min Uwumbɔr le len kina.”

Jeremia 50:13

Maaŋuul pu le ubaa aan ki li koo Babiloŋ ni; ki ga gur tilangbenn la, le unii umɔk jer nima na, ni ga ŋa u lijinjiir ni iwaan.

Jeremia 50:15

Faa butɔb aakuun ki mann Babiloŋ aatiŋ. Babiloŋ aatiŋ di kibaa tii a. Bidim wiil kaagon ki koo ki ponn ni a. M bi teeni Babiloŋ la. Kina pu na, ni mu teen bi, ki ŋa bi ke baah nan ŋa biken pu na.

Jeremia 50:23

Babiloŋ nan di ugagaar gbaa wɔi dulnyaa wee mɔmɔk, le ugagaar ngbaan kool doo. Ŋitimbol mɔmɔk yaa kan tiwan ni ŋa kitiŋ ngbaan na kan, ijawaan ga chuu ŋi.

Jeremia 50:41

Binib nyan ni ŋŋangan wɔb aatiŋ kibaa ni ki choo, ki ye litimbokpaan libaa le ki bi dandar; bibɔrb pam le bi gor kiir butɔb.

Jeremia 51:44

M ga daa Babiloŋ aawaal Bel aatafal, ki cha li giin laah sun tiwan ni na mɔmɔk; ŋitimbol aan ki li dooni li.

Jeremia 51:64

ki bui ke, ‘Kina le bi ga ŋa Babiloŋ, Uwumbɔr aah ban u joo ni libiil li ki pu na, ki ga muin, kaan ki puur ni kpala.’” Jeremia aamɔbon nan doo do la.

Maika 7:10

Timi aadim ga kan nimina, le ki ji inimɔɔn, bidimbaam bi nan ŋani timi yaansara ki bui ke, “Nidindaan Uwumbɔr bi la?” na. Ti ga kan binib aah nyaŋ bi pu na, ki taa bi bil kitiŋ ke tikpakpar na.

Matiu 6:26

Lik inyoon i laani paacham na aah bi pu na. Yaa ko tijikaar ki mu aa chee, ki mu aa faa njikaabim fuu ŋipil ni. Nite Uwumbɔr u bi paacham na le kpiini i. Naa jer i ii?

Tibɔkpiirkaan 14:19

Le Uwumbɔr aatuun ngbaan di waagɔrk ker dulnyaa aasubil ngbaan, ki di ŋa libuusakpeln li ponn ni bi ŋmaani ŋisubil ki nyani ŋaanyun na. Nima le mɔk Uwumbɔr aah ga bii binib bi kaa dii u na pu na.

Tibɔkpiirkaan 19:15

Le kijaak aajuk ki ka na bi umɔb ni, ke u ti nyaŋ ŋinibol mɔmɔk. U ga di tikur aadabil ki li joo bi mpɔɔn pu, ki ga ŋa bi ke binib aah taar ŋisubil pu libuusakpeln ponn ni ki nyani ŋaanyun pu na, le ki mɔk bi Uwumbɔr Mpɔɔnsakpiindaan aah gee liŋuul pu na.