Jeremia 50:2 - Uwumbɔr aagbaŋ

² “Bui ŋitimbol tibɔchann ngbaan. Moon ti. Tii limɔkl ki moon tibɔchann ngbaan. Taa di ti bɔr. Babiloŋ lir a. Kaawaal li bi yin li ke Maduk na wii yuk yuk a. Babiloŋ aawaa jin inimɔɔn a, kaawaa ŋi sukr ponn ni na wiil a.

Jeremia 50:2 ပူးပေါင်းရင်းမြစ်များ

Ilahn 64:9

Bi mɔmɔk ga san ijawaan; bi ga li dak Uwumbɔr aah tun pu na le ki tuk binib waabimbin aah bi pu na.

Ilahn 96:3

Moon waah kpa kipak pu na ki tuk ŋitimbol, ki moon waah tun ŋitukpaan pu na tuk binib mɔmɔk.

Ilahn 97:7

Unii umɔk dooni ŋiwaa na jin inimɔɔn a; ŋiwaa mɔmɔk gbaani Uwumbɔr aanimbiin ni la.

Aisaya 12:4

Nwiin mubaa ga fuu ni le binib ga gaa nlahn ke, “Doon Uwumbɔr man. Yin u ke u ter nimi man. Tuk ŋitimbol mɔmɔk waah ŋa pu na man. Tuk bi waah kpa liyimbil pu na man.

Aisaya 13:2

Ligongoln li kaa kpa nibaa na pu le butɔb aatuutaa fii. Teen ki bui butɔb aajab ngbaan, ki yoor aaŋaal paacham ki mɔk bi ke bi ti tak kitisakpeŋ ki kpa kipupuk na aabisamɔi.

Aisaya 21:9

Libuul ngbaan ni, le bi nyan ni. Bijab jak itaan, ki dii tɔb bilelee. Ukikiir ngbaan tuk mi waah kan pu na, “Babiloŋ lir a. Baah nan dooni ŋiwaa ŋimɔk na lir kitiŋ ki wii a.”

Aisaya 37:19

ki see baawaa mmii, ŋi nan po ye unibɔn aah di uŋaal naan tiwan ni na la.

Aisaya 39:1

N‑yoonn mumina, le Babiloŋ aabɔrkpaan, Baladann aajapɔɔn u bi yin u ke Merodak Baladann na, ŋun ke ubɔrkpaan Hesekia dɔ bun, le u ban ipiin ki ŋmee kigbaŋ ki di tun u chee.

Aisaya 46:1

Babiloŋ aawaa aadoon le na. Bel ni Nebo nan ye ŋiwaa ŋi bi nan dooni ŋi na la, le dandana ma bi di ŋi buu paan ibon pu, ŋi gur ye ŋitun ŋi nyuun na le ki tii ibon i bak na.

Aisaya 48:20

Nya Babiloŋ ni man, li cha man, ni fuur a. Li kpa mpopiin man ki moon tibɔpɔnn ngbaan, cha bi ŋun ni kookoo man ke, “Uwumbɔr gaa waatutunn Israel aanibol lii a.”

Aisaya 48:6

Tibɔr timɔk m nan puun len ke ti ga ŋa na mɔmɔk ŋa kina; kina pu na, ni ga kii ke maah nan len pu na ye ibamɔn. Dandana ma, m ga bui nimi tiwachann ni ga dan na la, tiwan ni maa nan kpiir mɔk nimi na.

Jeremia 10:11

Tɔ, nimi le ga bui bi ke ŋiwaa le aa nan naan taab ni paacham; ŋi ga nan kuln. Ŋaan nan ki li bi dulnyaa wee ni nibaa chee.

Jeremia 10:15

Ŋaa kpa tinyoor le ki ŋeer ke bi lik seen ŋi. Uwumbɔr yaa nan dan ke u nan ji ŋi tibɔr kan, ŋi ga kuln.

Jeremia 31:10

Uwumbɔr ki bui ke, “Ŋitimbol, li pel m chee man, ki di maabɔr moon nnyusakpem aagbaan ni daa na. M nan yaa maanib, le m ga ki kuun ni bi, ki li kpaa bi ke upihkpaal aah kpaa waapiih pu na.

Jeremia 4:16

Bi dan bi nan sak ŋitimbol ki bui Jerusalem ke bidim nyani dandar ki choo. Bidim ngbaan ga gbaa ikaa Juda aatim pu,

Jeremia 4:6

Mɔk Sionn aatiŋ aasan man. Li san ban nimi aamɔfal man. Taa taan man. Uwumbɔr nyan ni ŋŋangan wɔb ki joo libiil choo.

Jeremia 46:14

“Moon Ijipt aatim ni, moon Migdol ni, ni Memfis ni, ni Tapanes ni ke, ‘Gor ki kiir nibaa man; naah kpa tiwan ni mɔmɔk na ga bii butɔb ni.

Jeremia 50:46

Babiloŋ yaa nan lir kan, kifuuk ki ga nya na ga cha kitiŋ dam, le ŋitimbol ŋiken ga ŋun kaalirm aawiil.”

Jeremia 51:12

Tii limɔkl ke ni ban ni ti tak Babiloŋ aagon la. Moo ban bijab kiir man. Kaan bikikiib. Ban bijab bi ga ti loon na man.” Uwumbɔr ŋa Babiloŋ aanib waah len ke u ga ŋa bi pu na.

Jeremia 51:27

“Tii limɔkl ke bi ti tak. Pii ukpiin ki cha ŋitimbol ŋun. Gor ŋitimbol ngbaan ke ŋi ti to Babiloŋ butɔb. Bui Ararat, ni Minni, ni Askenas aanaan ni yaab ke bi ti tak. Ban uninkpel u ga loln bi pu nsan na. Cha itaan dan ke kitoonpaak na.

Jeremia 51:31

Ituun, ituun le san ti tuk Babiloŋ aabɔr ke bijab diir ŋipepel mɔmɔk le ki koo ni waatiŋ ponn ni.

Jeremia 51:44

M ga daa Babiloŋ aawaal Bel aatafal, ki cha li giin laah sun tiwan ni na mɔmɔk; ŋitimbol aan ki li dooni li.

Jeremia 51:47

Kina pu na, n‑yoonn choo, le m ga fii sil Babiloŋ aawaa pu. Kitiŋ ngbaan mɔmɔk ga ji inimɔɔn, le bi ga ku kaanib mɔmɔk.

Jeremia 51:52

Kina pu le m bui ke n‑yoonn choo, le m ga fii sil Babiloŋ aawaa pu, le binib bi kan titotonn na ga li ker idun kitiŋ ngbaan mɔmɔk pu.

Jeremia 51:8

Babiloŋ kpaan lir libuul ngbaan ni le ki kuln. Wii kaakpuul man. Ban nnyɔk ki nan ŋa kaabuun ni, nibaakan, i ga yann.

Jeremia 52:31

Libiln li ponn ni Efil Merodak nan jin Babiloŋ aanaan na, u nan san Juda Aabɔr Jehoyachinn kinimbaak ki nyan u kiyondiik ni. Nimina nan ŋa baah nan chuu Jehoyachinn buen tinaagbiir ni pu na aabin piitaa ni lilolole aaŋmapiik ni ilee aawiin moninko ni iŋmu daal la.

Jeremia 6:18

Le Uwumbɔr bui ke, “Nimi ŋitimbol, li pel man, ki bae tiwan ni ban ni ŋa maanib na chee.

Daniel 1:2

Uwumbɔr nan cha u nyaŋ Ubɔrkpaan Jehoyakim ki chuu u ki gaa Uwumbɔr Aadichal aawangol libaa ki di bi buen waawaa aadiik, Babiloŋ aatiŋ ni, ki di Uwumbɔr Aadichal aawan ngbaan di bil waawaa aawangol aadiik ni.

Daniel 3:14

Le u bui bi ke, “Sadrak, ni Mesak, ni Abednego, ni ye mbamɔn ke naa dooni maawaal, kaa gbaani maah di salmaa naan tiwan ni ki di siin na aanimbiin ni ii?

Sefania 2:11

Uwumbɔr ga cha ijawaan chuu bi. U ga cha kitiŋ kee pu aawaa taa ki li ye nibaa, le ŋitimbol mɔmɔk aanib li gur dooni u baatim ni.

Tibɔkpiirkaan 18:2

le ki len mpɔɔn pu ke, “Kitisakpeŋ Babiloŋ lir a. Ki lir kookoo a. Bipɔnib, ni tiyayaar, ni tiwanbir, ni inyoon i bir ki kɔ na baanja le koo nima chee;