Jeremia 50:18 - Uwumbɔr aagbaŋ

¹⁸ Nima pu le min, Uwumbɔr Mpɔɔnsakpiindaan, u ye Israel yaab Aawumbɔr na, ga daa Ubɔr Nebukadnesar ni waatiŋ aatafal, ke maah nan daa Asiria aabɔrkpaan aatafal pu na.

Jeremia 50:18 ပူးပေါင်းရင်းမြစ်များ

Aisaya 10:12

Uwumbɔr nan ki bui ke, “M yaa doo maah bi tun lituln li Sionn Aajool pu ni Jerusalem ni na kan, m ga daa Asiria aabɔrkpaan ngbaan aatafal, waah puk tipupuur timɔk na, ni waamakl ngbaan pu.”

Jeremia 27:7

Ŋitimbol mɔmɔk ga tun tii u, ki ga tun tii ujapɔɔn, ni uyaabil ki ti saa buyoonn waatimbol ga lir na. N‑yoonn ngbaan le waatimbol ga li tun tii ŋitimbol ni bibɔrkpaam bi kpa ipɔɔn na.

Jeremia 46:10

Din wee le ye Tidindaan Uwumbɔr Mpɔɔnsakpiindaan aawiin, din le u ga teen waadim; din le u ga daa waadim aatafal. Waajaak aajuk ga geei bi ki ti bab, le ki nyu baasin ki ti gbii. Din wee le Uwumbɔr Mpɔɔnsakpiindaan ga di waadim toor kitork ŋŋangan wɔb, Yufrates aamɔɔl chee.

Nahum 3:18

Asiria aabɔrkpaan, saayidam kpoi a, le saanib bi kpa ŋiyimbil na mu geen kaan ki finn kpala. Saanib yaa, ki bi ŋijoo paab, le ubaa aa bi ki ga giin bi kunn ni linampal.

Nahum 3:7

Binib bimɔk kan si na ga sur bipuwɔb. Bi ga len ke, ‘Ninefa aatiŋ kpaln tilangbenn le ki dɔ. Ubaa aan san ki kinimbaak. Ubaa mu aan li ban ke u sɔŋ kisui.’”

Habakuk 2:8

Saah gaa ŋitimbol pam aawangol mpɔɔn pu pu na, kina le binib bi ŋmar na mu ga nan gaa saawangol; ba pu? aa ku binib pam ki kuln baatim ni binib bi mɔmɔk bi mu ni na.

Ikaal 32:41

ki puu ke m ga luun maajuk ki ka na le ki cha mbamɔn ŋa. M ga teen maadim baabakaa, ki daa binib bi nan mi na aatafal.