Jeremia 50:16 - Uwumbɔr aagbaŋ

¹⁶ Taa cha bi bu lijikaabil, ki taa chee lijikaabol, kitiŋ ngbaan ni. Uchaan umɔk bi ki ponn ni na ga san bidim aah bi tak ki pu na ijawaan, le ki gir kun.”

Jeremia 50:16 ပူးပေါင်းရင်းမြစ်များ

Aisaya 13:14

“Biwɔwɔm bi bi Babiloŋ ni na ga san gir baatim ni, ki yaa ke upeeman aah san ŋmar ukpan chee pu na, ki mu ga li bi ke ipiih i kaa kpa upihkpaal na aah bi pu na.

Jeremia 25:38

Uwumbɔr siir cha waanib ke uchinn aah siir cha waatakpaluŋ pu na la. Butɔb aajawaan, ni Uwumbɔr aaŋuusakpeln cha kitiŋ ngbaan kpaln nteersakpiin a.

Jeremia 46:16

Nimi aajab gbeer le ki lir; le bimɔk len tɔb chee ke, ‘Ŋa mala, cha ti gir kun tido aanib chee ki ŋmar timi aadim aajaak aajum chee.’

Jeremia 51:23

ki joo ku bipihkpaab ni baapiih, ki joo ku binib bi joo itaan ko na, ni baataan, ki joo wɔi bitinjoob ni bininkpiib.”

Jeremia 51:9

Biwɔwɔm bi koo nima na bui ke, ‘Ti nan pɔɔn tibaa ke ti ter Babiloŋ yaab, tɔ, n‑yoonn mu nan jer. Cha ti di cha bi ki gir kun man. Uwumbɔr di waapɔɔn mɔmɔk le daa Babiloŋ aatafal le ki kuln ki kookoo.’”

Joel 1:11

Nimi bi ye bikpaab na, li wii man; nimi bi lik nimi aakpaakon na, li wii man, ba pu? idi, ni imuul, ni tijikaar mɔmɔk bii doo a.

Amos 5:16

Kina pu na, Tidindaan Uwumbɔr Mpɔɔnsakpiindaan u kaa kpa ŋeen aatɔ na le len ke, “Kinimbaak aawiil le bi ga li kaani kitisakpeŋ aasan pu. Hali bikpaab ga nyan ni baasar ni ke bi nan wii binib bi kpoi na aakpowiil ki ter baah pan binib bi ke bi wii ikpowiil na.