Jeremia 50:14 - Uwumbɔr aagbaŋ

¹⁴ “Bitɔndam, lul goln Babiloŋ butɔb man. Too Babiloŋ nimi aapiin mɔmɔk, ba pu? ki tun min Uwumbɔr titunwanbir.

Jeremia 50:14 ပူးပေါင်းရင်းမြစ်များ

2 Samuel 10:9

Joab nan kan ke baadim aajab ban ke bibaa li bi upuwɔb le biken mu li bi umɔb wɔb, kina pu le u nyan Israel aajab bi nyi butɔb aabɔr mbamɔm na, ki cha bi sil toŋ Siria yaab,

Ilahn 51:4

M tun si titunwanbir, sin baanja le m tun titunwanbir, ki ŋani tiwan ni ye aa chee tibir na, kina pu na, aa yaa jin mi tibɔr kan, ni ŋan, aa kpa mbamɔn ke aa bui ke maabɔr bii.

Aisaya 13:4

Li pel kifuuk ŋijoo ngbaan pu man, ni ye kinipaak sakpeŋ aafuuk; kifuuk ngbaan ye ŋitimbol ni nnaan aanib le bi kuuni tɔb chee. Uwumbɔr Mpɔɔnsakpiindaan le bi gor bijab ke bi buen butɔb.

Aisaya 5:28

Baapiin ka, le bi gor baatɔi ke bi too. Baataan aataabuseen pɔɔ ke lichachatakpal na, le baataan aatɔroku tiib aataa manni mala mala ke kinaakpaajabuŋ na.

Jeremia 46:9

Cha itaan ngbaan siir man ki cha itaan aatɔroku mam li san mala mala. Cha bijab ngbaan li cha man. Cha bijab bi joo kijaak aapeln ki nyan ni Kus ni Libia na, ni Lidia aajab bi ŋmaa too sakpen na li cha.’”

Jeremia 49:14

Le m bui ke, “Edom aatiŋ, Uwumbɔr le di inaŋ tii ni mi. U tun ni ntuun ke mu nan bui ŋitimbol ke ŋi kuun ŋaajab, ki gor, ki ti tak si.

Jeremia 49:35

U nan bui ke, “M ga ku bijab bi too itɔi ki cha Elam aatiŋ kan mpɔɔnsakpiin na mɔmɔk.

Jeremia 50:11

Uwumbɔr len ke, “Babiloŋ aanib, ni nan gaa maatimbol aawangol butɔb ni. Ni kpa mpopiin le ki mɔɔni, le ki chuun ke unaa u bi taa gbaar ŋikalmaan, ni utaan u bi wii na,

Jeremia 50:29

“Bui binib bi too itɔi na ke bi tak Babiloŋ aatiŋ. Cha umɔk nyi butɔm ni mpiin aatoom na buen. Gob man kitiŋ ngbaan ki taa cha ubaa ŋmar. Kaah nan di kigaak mɔk min, Israel yaab Aawumbɔr u bi chain na pu na, teen ki kaah nan tun pu na mɔmɔk, ki ŋa ki ke kaah nan ŋani ntim muken pu na.

Jeremia 50:42

Bi yoor baatɔi ni baajaak aajum; bi kpa mbiin, kaa san kinimbaak. Bi yaa jak baataan kan, yaafuuk naahn nnyusakpem aafuuk la. Bi gor ki ban bi to Babiloŋ butɔb la.

Jeremia 50:7

Unii umɔk kan bi na kan, u tak bi la. Baadim len le ke, ‘Bi tun Uwumbɔr le titunwanbir, kina pu na, taah ŋa bi pu na aa bir. Biyaajatiib nan kii tii Uwumbɔr, bi mu ba ga li bi u chee kina.’

Jeremia 50:9

M ban m ti saa ŋitimbol ŋibaa ŋŋangan wɔb le ki cha ŋi ti tak Babiloŋ. Bi ga lul butɔb ki nyaŋ Babiloŋ. Bi ye bikpam bi nyi kikpaŋ aabɔr na la, bi yaa too ipiin kan, baa lanni.

Jeremia 51:2

M ga tun ni biwɔwɔm le bi nan bii Babiloŋ ke libuln li daar timoor cha na. Libiil aawiin daal yaa fuu ni kan, bi ga tak ki ŋipepel mɔmɔk pu la, le ki cha ki doon nkuun.

Jeremia 51:27

“Tii limɔkl ke bi ti tak. Pii ukpiin ki cha ŋitimbol ŋun. Gor ŋitimbol ngbaan ke ŋi ti to Babiloŋ butɔb. Bui Ararat, ni Minni, ni Askenas aanaan ni yaab ke bi ti tak. Ban uninkpel u ga loln bi pu nsan na. Cha itaan dan ke kitoonpaak na.

Jeremia 51:3

Taa tii baajab nsan bi too baapiin, ki taa tii bi nsan ke bi peen baajaak aabɔkul. Ku binachipɔm man. Kuln baajab mɔmɔk.

Habakuk 2:17

Mbiin mu aa nan di ŋa Lebanonn aachook na ga gir ni aa pu, le saah nan ku tiwakor ti na ga cha ijawaan chuu si, ba pu? aa ku binib pam ki kuln baatim ni binib bi mɔmɔk bi mu ponn ni na.

Habakuk 2:8

Saah gaa ŋitimbol pam aawangol mpɔɔn pu pu na, kina le binib bi ŋmar na mu ga nan gaa saawangol; ba pu? aa ku binib pam ki kuln baatim ni binib bi mɔmɔk bi mu ni na.

Tibɔkpiirkaan 17:5

Liyimbil li aatataa bɔɔ na nan ŋmee paa uyigbeer pu. Liyimbil ngbaan le ye ke, “Kitisakpeŋ Babiloŋ ki ye bipiidagoob ni bininsum mɔmɔk aana na.”

1 Samuel 17:20

Lichakpitaawoln le David fii, ki di ipiih na ŋa unii ubaa aaŋaal ponn ni, ki yoor tijikaar ngbaan ki buen, ute Jese aah bui u pu na. Buyoonn Israel yaab nan ki cha bi ti lul butɔb ni, ki gbaa ikaa na, le David nan fuu bi chee.