Jeremia 50:11 - Uwumbɔr aagbaŋ

¹¹ Uwumbɔr len ke, “Babiloŋ aanib, ni nan gaa maatimbol aawangol butɔb ni. Ni kpa mpopiin le ki mɔɔni, le ki chuun ke unaa u bi taa gbaar ŋikalmaan, ni utaan u bi wii na,

Jeremia 50:11 ပူးပေါင်းရင်းမြစ်များ

Ilahn 22:12

Bidim pam le mann goln mi ke inaaja na; bi mann gob mi la, ki naahn Basann aatiŋ aanaaja i bir na.

Ŋiyataŋak 17:5

Aa yaa laa bigiim kan, aa seei Uwumbɔr u naan bi na la. Aa yaa di aaŋeen aatɔ aafalaa ŋa saapopiin kan, Uwumbɔr ga daa aatafal.

Aisaya 47:6

M nan gee liŋuul maanib pu; ki ŋa bi ke baa kaa ye maanib le na: M nan di bi ŋa saapɔɔn ni, le saa san bi kinimbaak; hali aa nan muk binib bi por na.

Aisaya 47:8

Li pel nimina, sin u gee mmɔɔn sakpen na, sin u dak ke aa pɔɔ ki ŋmar na. Aa bui ke aa kpa mpɔɔn ke Uwumbɔr na, ke ubaa aa ki bi ke sin na. Aa nan dak ke saan ŋa ukpopii daalbaadaal, kaan lann mbim.

Jeremia 12:14

Uwumbɔr nan bui ke, “M kpa tibɔr tibaa m tuk binib bi ka maanib Israel yaab chee aan ki kuln kitiŋ ki m nan di tii bima Israel yaab na. M ga nyan bibiindam ngbaan baatim ni ke baah chuu ŋɔb busub pu na la, le ki gaa Juda aanib bi chee lii.

Jeremia 46:20

Ijipt aatiŋ bi ke unaanyaan u kinaagangaŋ ki nyan ni ŋŋangan wɔb na bi juuni u na la.

Jeremia 46:21

Hali kaah buen ti pan bijab bi pu ke bi nan jan tii ki na aa kpa mpɔɔn ke inaabi na la. Baa nan sil ke bi jan kijaak; bi mɔmɔk nan fenn le ki san. Baadoon aayoonn fuu ni a, baah ga kuln pu na aayoonn le na.

Jeremia 5:28

le ki ji babr ki filk. Baatunwanbir aa kpa taadoon. Baa joo nkpobim ni bigiim aabamɔn tii bi.

Jeremia 5:8

Bi nan bi ke itanja i bi kpiin i mbamɔm aan i ban i jon na la, bi mɔmɔk san ban tɔb aapuutiib la.

Jeremia 50:17

Uwumbɔr ki len ke, “Israel aanib bi ke ipiih i ichinn jenn yaa i na la. Njan na, Asiria aabɔrkpaan le nan puen tak bi, le Babiloŋ Aabɔr Nebukadnesar nan nyir baakpab.

Jeremia 50:27

Ku baajab mɔmɔk. Kɔr bi man. Babiloŋ aanib aadoon fuu ni a. Baatafadaan aayoonn fuu ni a.”

Inandalahn 1:21

Li pel maah ker idun pu na; ubaa aa bi ki sɔŋ nsui. Saah di tibɔbir tii ni mi na, le maadim aasui piir. Cha saah nan puu ke nwiin mu ga dan na fuu ni; cha maadim mu ji maah jin falaa u na.

Esekiel 35:15

ke aasui aah nan piir Israel aatimbol li ye min yaan na aalirm pu pu na. Seir aajoo, mbamɔn, Edom aatiŋ mɔmɔk ga doon nkuun. N‑yoonn ngbaan le unii mɔmɔk ga bee ke min le ye Uwumbɔr.”

Esekiel 36:5

“Min Dindaan Uwumbɔr le len tibɔbir ŋitimbol ŋi mann goln Israel na pu, ni Edom aatimbol mɔmɔk pu. Maaŋuul ponn ni le m len kina; ba pu? bi nan di mpopiin ni lik‑seen gaa maatiŋ Israel ni kaamoŋmɔpaan.

Hosea 10:11

“Israel nan bi n‑yoonn mubaa ke unaasal u bi bae tiwan mbamɔm na la, le ki gor kii ke u poi idi. Le m nan di ndɔ puin usil mu ŋan na pu, le ki di iŋmin pui u ke u tun lituln li pɔɔ jer kina na. M cha Juda dar ŋikujal, le ki cha Israel dar nkucham.

Amos 4:1

Samaria aapiib, li pel man tibɔr timina, nimi bi filk ke Basann aanaa i jin ki bab na, nimi bi muk binib bi kaa kpa mpɔɔn, ni bigiim na, nimi bi muk nichatiib ke bi li tii nimi ndaan n‑yoonn mɔmɔk na, li pel man.

Obadia 1:12

Naa ŋan ke ni ba li mɔɔni buyoonn ninaabitiib Juda yaab kan mpombiin na. Nwiin mundaal bi nan kuln baatiŋ na, naa ba ga nan li kpa mpopiin liyaadaal ngbaan. Naa ŋan ke buyoonn bi nan bi tibɔbir ni na, nimi li bi laa.

Habakuk 1:15

Babiloŋ yaab ngbaan joo ijapiin le chur binib ke baah ye ijan le na. Bi joo baapɔr le dar bi cha, le ki tar mpopiin pu.

Sekaria 14:12

Uwumbɔr ga cha iween i bir na nan lir ŋitimbol ŋi mɔmɔk tak Jerusalem na pu. Ŋaanib aawon ga bur le bi laa fu. Binimbil ni bilambil ga bur lir.

Ikaal 32:15

Uwumbɔr aanib ngbaan nan kan liwangol, le ki tee kpa tafalaaŋun. Bi nan ji ti babr, le ki filk. Bi nan yii Uwumbɔr u naan bi, ki ye Mpɔɔnsakpiindaan u gaa bi lii na.