Jeremia 50:1 - Uwumbɔr aagbaŋ

¹ Uwumbɔr aah nan di Babiloŋ aatiŋ ni kaanib aabɔr ti tuk mi na sɔ:

Jeremia 50:1 ပူးပေါင်းရင်းမြစ်များ

Mpiin 10:10

Njan, waah nan jin nnaan ntim mu ponn ni na le nan ye Babiloŋ, ni Erek, ni Akad; ntim mutaa ngbaan mɔmɔk nan ye Babiloŋ aatim la.

Mpiin 11:31

Le Tera nan yoor ujapɔɔn Abram, ni uyaabil Lot u aate nan ye Harann na, ki kpee ubipuu Sarai, u ye Abram aapuu na, le ki di bi nyan Ur aatiŋ ki nan bi Babiloŋ yaab aatiŋ ni na, le ki di bi nyan ki cha Kanaann yaab aatiŋ ni. Bi nan ti fuu Harann aatiŋ ni, le ki kal nima.

Mpiin 11:9

Bi nan yin kitiŋ ngbaan ke Babiloŋ, ba pu? nima chee le Uwumbɔr nan yakr binib mɔmɔk aaliin, ki cha bi yaa tɔb chee ki ti saa ni kookoo dulnyaa wee ni.

2 Samuel 23:2

Uwumbɔr Aafuur Nyaan le cha m len tibɔr, waanaŋ bi mmɔb ni la, Uwumbɔr u ye Israel yaab aakikiir na bui mi,

2 Bibɔrb 17:24

Asiria aatiŋ aabɔrkpaan nan nyan binib Babiloŋ, ni Kuf, ni Ifa, ni Hamaf, ni Sefafaim aatim ni, le ki di bi kaan Samaria aatim ni, waah nan chur Israel aanib bi tinaagbiir nima chee na pu. Bi nan gaa ntim ngbaan le ki koo nima.

Job Aagbaŋ 1:17

Waahr aan u ti len doo na, le ututunn uken mu fuu ni ki nan bui u ke, “Kaldii aaniker ŋitaa pu le dan ki nan tak timi, ki chur laakumii tiib buen, le ki ku saatutum mɔmɔk, see min baanja. Min baanja le san ŋmar ki dan m nan tuk si.”

Aisaya 14:4

U yaa ŋa nimina kan, u ga cha bi ŋa Babiloŋ aabɔr mbɔnyun ki len ke: “Ubɔrkpaan mbiindaan na lir a. Waan ki muk ubaa.

Aisaya 23:13

Babiloŋ yaab le nan cha tipeewanbir bii Taya aatiŋ, naa nan ye Asiria yaab. Babiloŋ yaab le nan ti gob ki bii Taya aatiŋ aapɔɔn, ki cha tilangbenn ŋmeen.

Jeremia 25:12

Nee aapuwɔb le m ga daa Babiloŋ aatiŋ ni kaabɔr aatafal baatunwanbir pu. M ga kuln kitiŋ ngbaan ki cha ki kpaln tilangbenn ki ti saa n‑yoonn mu kaa kpa ndoon na.

Jeremia 27:7

Ŋitimbol mɔmɔk ga tun tii u, ki ga tun tii ujapɔɔn, ni uyaabil ki ti saa buyoonn waatimbol ga lir na. N‑yoonn ngbaan le waatimbol ga li tun tii ŋitimbol ni bibɔrkpaam bi kpa ipɔɔn na.

Daniel 1:1

Jehoyakim aah nan ye ubɔrkpaan Juda aatiŋ pu na aabitatar ni, le Babiloŋ Aabɔrkpaan Nebukadnesar nan ti tak Jerusalem ki gob kitiŋ ngbaan.

Lituln 7:4

Nima pu le u fii Kaldii yaab aatiŋ ni, ki buen Harann aatiŋ ni, ki nan ti bi nima. Waah bi nima na, le ute kpo. Ute aah kpo na, le Uwumbɔr nyan u nima chee, ki di u dan taah bi kitiŋ ki ponn ni dandana wee na.

2 Piita 1:21

Naa ye bima bibaa aageehn pu le cha bi len. Bi nan len Uwumbɔr Aafuur Nyaan aah cha bi len pu na.

Tibɔkpiirkaan 14:8

Uwumbɔr aatuun leler nan paan ni njan yoo na aapuwɔb ki len ke, “Kitisakpeŋ Babiloŋ lir a. Kitiŋ ngbaan le nan cha ŋinibol mɔmɔk aanib nyu ndapɔm gbii. Ndaan ngbaan le ye waadagook aakpeek. Nima le ki lir a.”