Jeremia 5:7 - Uwumbɔr aagbaŋ

⁷ Le Uwumbɔr baa ke, “Ni ga ŋa kinye aan m di maanib aatunwanbir cha pinn bi? Bi yii mi ki siir cha mi, le ki dooni ŋiwaa. M kpiin maanib le bi jin ti bab, le ki tee fii ti tun kidagook aatuln le ki chuun dii bipiib bi joo bibaa kooh na.

Jeremia 5:7 ပူးပေါင်းရင်းမြစ်များ

2 Bibɔrb Aabɔr 13:9

Ni jenn nyan Aaronn aayaabitiib bi ye Uwumbɔr aatotoorb na, ni Liifai yaab, nimi aatiŋ ni, le ki nyan bitotoorb ke ŋitimbol ŋiken aah ŋani pu na leŋ baaleleŋ. Unii umɔk joo ni unaaja bee ipiih ilole na kan, le ni kpaan di u ŋa tiwan ni kaa ye Uwumbɔr na aatotoor.

Job Aagbaŋ 31:12

Ni ga li ye mmii sakpiin aabiil li ga di maawan mɔmɔk wu na la.

Ilahn 50:18

Ni yaa kan unaayuk umɔk na kan, le ni kpaan kpaln ujɔtiib, le ki mu diir bidagoob.

Jeremia 12:16

Bi yaa gaa maanib aah dii nsan mu na, ni bisui mɔmɔk, ki puur tipuur ke, ‘Uwumbɔr u bi na’ pu, ke baah nan cha maanib puur tipuur tii liwaal Baal pu na kan, bi mu ga li bi maanib ponn ni ki ga kan liwangol.

Jeremia 13:27

U kan nimi, ni tun tijɔŋ aatuln. U kan naah chuun ban ŋiwaa ŋigongon paab, ni ikpaakon ni, ke uja aah neen uŋeen aatɔ aapuu pu, bee utanja aah neen utaninkpel pu na. Jerusalem aanib, nimi aamɔfal junn a. Bayoonn aan ni mu ga ŋaŋ?

Jeremia 16:11

Le aa ga bui bi ke Uwumbɔr bui ke, ‘Niyaajatiib nan fenn bipuwɔb tii mi, le ki dooni ki tun tii ŋiwaa. Bi nan yii mi, kaa kii maamɔkm.

Jeremia 16:20

Unii ga ŋmaa naan ubaa Aawumbɔr aa? Aayii, u yaa naan u kan, waan li ye Uwumbɔr bamɔnn.”

Jeremia 2:11

Litimbol libaa aa kee kpeln laawaa ŋi kaa ye nibaa na, le maanib ma di min Uwumbɔr u tii bi liyimbil na kpeln ŋiwaa ŋi kaan ŋmaa ŋa nibaa tii bi na.

Jeremia 2:31

Israel aanib, li pel maah len pu na man. M bi ke nteersakpiin mu bɔɔn ki kpa tiwanbir na le ni chee ee? Tɔ, ni ŋa kinye aan ni bui ke ni ga ŋa naah gee pu na, ke naan ki gir ni m chee kpala?

Jeremia 23:10

Binib bi kaa kii Uwumbɔr aamɔb na le gbii kitiŋ kee pu; baabimbin aa ŋan, le bi joo baapɔɔn tun ŋitun ŋi kaa ŋan na. Uwumbɔr aah puun lii kitiŋ pu na, le ki wii ikpowiil, le tiwakor aamoŋmɔpaan kuur.

Jeremia 3:19

Uwumbɔr bui ke, “Israel yaab, m nan ban ke m gaa nimi ke njapɔɔn na la, ki tii nimi mpopiin aatiŋ, dulnyaa wee ni aatiŋ ki ŋan ntim mɔmɔk ni na. M nan ban ke ni li yin mi ke nite la, ki taa ki fenn nipuwɔb tii mi daalbaadaal.

Jeremia 3:8

Juda aanibol mu nan kan ke m yii Israel aanibol, ki jenn u lii; ba pu? u nan fenn upuwɔb tii mi ki kpaln udagoor. Le Juda, u ye Israel aana aabo u nyan mpuwɔb na aa nan san ijawaan. U mu nan kpaln udagoor,

Jeremia 7:9

Ni su kinaayuk, ki ku binib, ki gɔr kidagook, ki mɔni inyamɔn tipuur pu, ki toor kitork tii liwaal Baal, le ki dooni ŋiwaa ŋi naa nan nyi daalbaadaal na.

Jeremia 9:1

N‑yil yaa ba ye nnyunbun, aan nnimbil mu ye uyayak aanyunbun kan, m ba ga li wii nwiin pu ni kinyeek, baah ku maanib bi na pu.

Jeremia 9:2

M yaa ba kan nkakaayaan nteersakpiin ni kan, m ba ga fii buen nima ki cha maanib. Baa dii Uwumbɔr, bi mɔmɔk nyan upuwɔb la.

Inandalahn 3:42

“Uwumbɔr, ti tun titunwanbir ki yii saamɔb, le saa di cha pinn timi.

Esekiel 22:11

Bibaa gɔr kidagook, le biken mu ŋmanni bijapɔtiib aapuutiib, le bibaa mu ŋmanni bitetiib aabisatiib ki doo bi chee.

Hosea 11:8

Israel, m ga ŋa kinye ki di si lii? M ga ŋa kinye ki di si mee? M ga ŋmaa kuln si ke maah nan bii Adma aatiŋ pu na aa? M ga ŋmaa ŋa si ke maah nan ŋa Seboyim aatiŋ pu na aa? Nsui aan cha m ŋa si kina, ba pu? m gee si sakpen a.

Hosea 13:6

Le naah ti koo kitiŋ ki ŋan na ponn ni na, le ni nan jin bab, le ni ŋeer nimi, le ni kpaln bigaadam ki suln mbɔr.

Hosea 4:2

Bi puur tipuur le ki bii ti; bi geei inyamɔn, ki ku binib, ki su kinaayuk, ki ban tɔb aapuutiib. Libiil moo kpae la, le linikul libaa paa liken pu.

Hosea 7:4

Bi mɔmɔk ye nchakpokjum, le kaa si ubɔr aachaŋ ni. Baabiin nyakr ke baah pu boroboro nin chee na aamii mu unii u pu boroboro na aa tur mu ŋani ke boroboro ti nin ŋeer buyoonn u ga pu u na la.

Liifai Yaab 20:10

Ubaa yaa koo ti doon uŋeen aatɔ Israel aanii uken aapuu chee kan, ni kpaan ki ku uja ni upii ngbaan mɔk bilee.

Amos 8:14

Binib bi puuni Samaria aawaa ki len ke ‘Dann aawaal pu’, bee ‘Beerseba aawaal pu’ na, kina aanib ga lir, kaan ki fii sil daalbaadaal.”

Sefania 1:5

M ga kuln unii umɔk joi ŋidichal aapaacham ki ti dooni nwiin, ni uŋmal, ni iŋmabi na. M ga kuln binib bi mɔmɔk dooni mi ki bui ke bi ga kii maamɔb, ki tee puur liwaal li bi yin li ke Milkom na.

Malakai 3:5

Uwumbɔr Mpɔɔnsakpiindaan ki bui ke, “M ga dan ni chee ki nan ji nimi tibɔr, ki bii binib bi joo inyɔk tun lituln na, ni bi ye bidagoob na, ni bi geei inyamɔn paani biken na, ni bi ji baatutum pem pem na, ni bi kaa tii bikpopiib ni nkpobim baabamɔn na, ni bi ji biwɔwɔm na, ni bi kaa pak mi na. M ga mɔk bi mɔmɔk ke baabɔr bii la.

1 Korenti 6:9

Naa nyi ke binib bi aabimbin kaa ŋan na aan kan Uwumbɔr aanaan aa? Ni taa ŋmanni nibaa man; bibɔnbɔnn, ni biwaadam, ni bidagoob, ni bijab bi di biŋeen aatɔtiib kpaln bipiib ki doo bi chee na, ni bijab bi mu di bibaa ŋa bipiib ki cha bijab ŋeen aatɔtiib doo bi chee na,

1 Korenti 8:4

Joo cha kitork aanann aajim aabɔr na, ti nyi ke ŋiwaa ŋimɔk bi dulnyaa wee ni na aa ye nibaa. Ti nyi ke Uwumbɔr ubaa baanja le bi.

Galantiya 4:8

Buyoonn naa nan kee nyi Uwumbɔr na, ŋiwaa ŋi kaa ye Uwumbɔr na nan joo nimi tinaagbiir la.

Ikaal 32:15

Uwumbɔr aanib ngbaan nan kan liwangol, le ki tee kpa tafalaaŋun. Bi nan ji ti babr, le ki filk. Bi nan yii Uwumbɔr u naan bi, ki ye Mpɔɔnsakpiindaan u gaa bi lii na.

Ikaal 32:21

Baah dii ŋiwaa ŋi na le cha liŋuul chuu mi. Baawaa ŋi kaa ye nibaa aan bi dii ŋi na le cha lipiipoln chuu mi. Nima pu na, m mu ga cha litimbol li kaa ye nibaa na le ŋa bi liŋuul. M ga cha bi li kpa lipiipoln litimbol li aanib ye bijɔrb na pu.

Hiibru Yaab 13:4

Tɔ, chatiib ni puutiib, ni li nyi ke Uwumbɔr le di nimi kpaan, ki li pak kina, ki taa gɔr kidagook man. Binib bi chuun bɔɔni na, ni binib bi chuun gɔr kidagook na, Uwumbɔr ga ji bi tibɔr.

Jemisi 4:4

Ni di Uwumbɔr lii a, ke upiidagoor aah di uchal di lii pu na. Naa nyi ke dulnyaa aajɔtiik le ye Uwumbɔr aadiŋ aa? Nima pu na, unii u ban dulnyaa aajɔtiik na, u ye Uwumbɔr aadin la.

Josua 23:7

nima kan, naan di nibaa ŋmal biniyayam bi gur ki bi ni chee na ni, ki mu taa yin baawaa aayimbil, ki taa di ŋaayimbil puu tipuur, ki taa doon ŋiwaa ngbaan kpala, ki taa gbaan ŋinimbiin ni.