Jeremia 5:6 - Uwumbɔr aagbaŋ

⁶ Nima pu le ichinn ga nya ni kichook ni ki nan ku bi; le takɔ mam ga nya ni nteersakpiin ni ki nan daa par par bi, le inaamuun ga li chuun tee mban baatim ponn ni. Binib ngbaan yaa nyan lipaal kan, i ga daa par par bi; ba pu? baatunwanbir wiir sakpen a, le bi fenn bipuwɔb tii Uwumbɔr n‑yoonn mɔmɔk.

Jeremia 5:6 ပူးပေါင်းရင်းမြစ်များ

2 Bibɔrb Aabɔr 36:14

Ki ki kpee na, Juda aasalolm, ni bitotoorb, ni binib ngbaan nan dii ŋitimbol ŋi mann goln bi na aah tun titunwanbir sakpen ki dooni ŋiwaa na aabimbin. Bi nan ŋa kina le ki bii Uwumbɔr Aadichal li Uwumbɔr ubaa ŋa li chain na.

Esra 10:10

Utotoor Esra le nan fii sil ki len bi chee tibɔr. U nan bui bi ke, “Naah yoor biwɔwɔmpiib pu na, le ni nyan Uwumbɔr aapuwɔb, ki joo ni tibɔbir Israel aanib mɔmɔk pu.

Esra 9:6

M nan bui ke, “Uwumbɔr, inimɔɔn sakpiin pu, le maa ŋmaa yaar n‑yil paacham aanimbiin ni. Timi aatunwanbir muun ti nyaŋ, ki fɔk jer timi, ti fɔk ti pii kitaapaak.

Job Aagbaŋ 10:16

hali m yaa kan tinyoor kan, see aa taa taa chuu mi ke uchinn na; le ki kpaan tun lijinjiir aatun ke aa di tii mi titotonn.

Ilahn 104:20

Sin le naan kinyeek, le ipeel mɔmɔk nya ni mbɔmbɔɔn ni.

Ilahn 80:13

ipɔɔgbeer le ga taa taa ŋaasubil pu, le ipeel ga li joo ŋi ŋmɔ.

Aisaya 1:23

Saayidam ye binib bi kaa kii maamɔb na la, ki ye binaayukb aajɔtiib, le ki gaal ipiin, ni igaŋgaŋlik n‑yoonn mɔmɔk. Baa ter nkpobim buyoonn bi bi tibɔr ni na, kaan pel bikpopiib aabɔr buyoonn bi di ti fuu ni bi chee na.

Aisaya 59:12

“Uwumbɔr, taah tun si titunwanbir ti na nyaŋ. Timi tibaa aataani galni timi la. Ti nyi taah tun pu na mɔmɔk.

Jeremia 14:7

Le maanib wii yin mi ke, ‘Timi aatunwanbir galni timi la, Uwumbɔr, ter timi ke saah nan puu ke aa ga ŋa pu na. N‑yoonn n‑yoonn pam le ti fenn tipuwɔb tii si; ti tun si titunwanbir.

Jeremia 2:15

Bi ŋuuni bi pu ke ichinn na la; bi cha baatiŋ kpaln nteersakpiin, le baatim kpaln tilangbenn, ubaa aa ki bi mu ponn ni.

Jeremia 2:17

Israel yaab, nimi le joo ni nimina niyil pu. Ni yii min, Nidindaan Uwumbɔr, buyoonn m nan cheeni nimi cha na.

Jeremia 2:19

Nimi nibaa aatunwanbir le ga daa nitafal, le naah fenn nipuwɔb tii mi pu na ga bii nimi. Ni ga bee ke ni yaa yii min Nidindaan Uwumbɔr, kaa ki tii mi naadii kan, naa ŋan, ki mu ga li wu. Min, Nidindaan Uwumbɔr Mpɔɔnsakpiindaan le len kina.”

Jeremia 2:31

Israel aanib, li pel maah len pu na man. M bi ke nteersakpiin mu bɔɔn ki kpa tiwanbir na le ni chee ee? Tɔ, ni ŋa kinye aan ni bui ke ni ga ŋa naah gee pu na, ke naan ki gir ni m chee kpala?

Jeremia 25:38

Uwumbɔr siir cha waanib ke uchinn aah siir cha waatakpaluŋ pu na la. Butɔb aajawaan, ni Uwumbɔr aaŋuusakpeln cha kitiŋ ngbaan kpaln nteersakpiin a.

Jeremia 30:14

Nibɔtiib mɔmɔk suln nibɔr a; bitafal aa ki bi ni ponn ni. M tak nimi ke udin na la; nimi aatunwanbir aah wiir aan nimi aabiin nyaŋ sakpen pu na le cha nimi aatafadaan bir.

Jeremia 30:15

Nnyɔk aa bi ki ga tii nimi laafee, kina pu na, taa ki len nimi aatotonn aabɔr man. Nimi aatunwanbir aah wiir aan nimi aabiin mu nyaŋ sakpen pu na le m daa nitafal kina.

Jeremia 4:7

Uchinn aah nyani waabɔbɔryaan ni pu na, kina le unii u bii ŋitimbol na nyan ni. U choo u nan bii Juda aatiŋ la. Juda aatim ga kpaln tilangbenn la, le ubaa aan ŋmaa koo mu ni.

Jeremia 49:19

M ga dan ki nan cha Edom yaab san libuul ni ki nya baatiŋ ni, ke uchinn le aah nyan ni kichook ni ki di bɔ dii Jɔɔdann aagbaan pu ki nan nya timosɔnn ni pu na la, le maah lee usaloln u na ga li joo litimbol ngbaan. M ni ubaa aa ŋak. Ubaa aan ŋmaa kpak mi. Utinjoor ubaa aan ŋmaa kpak mi.

Jeremia 8:5

Tɔ, maanib, ba ŋa ni fenn nipuwɔb tii mi kaa ki gir ni kpala? Ni bub joo nimi aawaa le kaan ki fenn dan m chee.

Jeremia 8:7

Hali inaakpaapiin nyi buyoonn i ga gir na; le ŋinanjel, ni naakpaa mam, ni ikpasiinyoon nyi buyoonn i ga tiir ntim na. Le maanib ma aan nyi ikaal i m joo lik bi na,

Inandalahn 1:5

Kaadim nyaŋ ki; ki gur bi baapɔɔn ni la. Uwumbɔr le cha ki jin falaa kaatunwanbir sakpenn pu; Bi chur kaabim ki di bi buen a.

Esekiel 16:25

Aa di kininsuŋ bii saanyaan. Aa di aabaa tii unii umɔk dan ke u ban si na, le nwiin mɔmɔk kan, aa moo ŋani aabaa udagoor.

Esekiel 22:27

Kitiŋ aaninkpiib naahn takɔ tiib la, le ki dar par baah ku tinann ti na. Bi ku binib le ke bi kan ŋimombil.

Esekiel 23:19

U nan moo ŋa udagoor ki ti nyaŋ, ki ŋani ke waah nan laa ye usapɔnbo ki ŋani kidagook aatuln Ijipt aatiŋ ni pu na.

Daniel 7:4

Njan yoo nan naahn uchinn, le ki tee kpa likaagiil aafeen. Maah si lik kina na, le m kan ke ifeen na chuu bar nyan lir kitiŋ. Le bi chuu fiin upeel ngbaan siin utaajal ŋilee pu ke unibɔn na, le ki di unibɔn aalandak tii u.

Daniel 7:6

Maah nan si lik kina na, le upeel uken mu ki nyan ni. U nan naahn unaamuun la, le ki tee kpa ifeen inaa upuwɔb. Ifeen ngbaan nan naahn unyoon aafeen la; le u kpa ŋiyil ŋinaa. Le Uwumbɔr tii u ujojoor aapɔɔn.

Hosea 5:14

M ga tak Israel ni Juda aanib ke uchinn na la. Min mbaa le ga daa par par bi, ki siir cha bi. M yaa nan dar bi cha kan, ubaa aan ŋmaa gaa bi lii.

Habakuk 1:8

“Baataan ŋmaa san mala mala ki jer ipeenaamuun, le ki bir jer nkon aah joo takɔtiib bi na. Baatandam nyan ni dandar aatim ni le ki jak ni baataan, baataan aataagbendun pɔɔ sakpen. I booni ke ŋikaagii le aah booni ke ŋi ti chuu tinann na.

Sefania 3:3

Kaaninkpiib bi ke ichinn i ŋuuni na la; le kaabɔjirb naahn takɔ tiib bi nkon joo bi na, kaan ŋmaa mɔr ke likpabl li dɔ ki ti woln kitaak.

Nkahm 32:14

Le nimi titunwanbirdam bimina fii sil nitetiib aataa pu, ki ban ke ni bii Uwumbɔr aasui aan waaŋuul fii Israel yaab pu.

Tibɔkpiirkaan 13:2

Upeel ngbaan nan naahn unaamuun la. Utaafar pɔɔ sakpen. Umɔb mu naahn uchinn aamɔb. Kipeewanbiik ngbaan le di waapɔɔn, ni waanaan, ni waapɔɔn sakpiin tii u.