Jeremia 5:31 - Uwumbɔr aagbaŋ

³¹ maabɔnabtiib geei inyamɔn ŋmeen la; le bitotoorb di bibaa aapɔɔn le joo binib, le maanib gee kina la. Tɔ, nimina mɔmɔk ti doo kan, bi ga ŋa kinye?”

Jeremia 5:31 ပူးပေါင်းရင်းမြစ်များ

1 Bibɔrb 22:6

Kina pu le Ahab nan yin ni bibɔnabr bi aawiwiir ga nan pii ikui inaa na, le ki nan baa bi ke, “M buen ti tak Ramof aatiŋ aan m taa buen?” Bi nan gar u ke, “Ti tak ki. Tidindaan ga tii si linyaŋ.”

Ŋiyataŋak 17:4

Titunwanbirdam le pel ilandak i kaa ŋan na, le binyamɔndam mu pel inyamɔn aabɔr.

Aisaya 10:3

Kina pu na, Uwumbɔr yaa daa nitafal kan, ni ga ŋa kinye? Uwumbɔr yaa cha tibɔbir nyan ni dandar ki nan lir ni pu kan, ni ga ŋa kinye? La chee aan ni ga san ti ban nterm? La chee aan ni ga ti di nimi aawangol di bɔr?

Aisaya 20:6

N‑yoonn ngbaan yaa nan fuu ni kan, binib bi koo Filistia yaab aatiŋ, nnyusakpem aagbaan chee na, ga bui ke, ‘Lik man tiwan ni ŋa binib bi ti nan di tibaa tii bi ke bi li kii timi Asiria aabɔrkpaan chee na. Ti ga ŋa kinye aan ki tee ŋmar?’”

Aisaya 33:14

Sionn aatunwanbirdam na aapobil yuk, le biwon gbaa. Le bi len ke, “Uwumbɔr aabɔjil naahn mmii mu wu kaan junn na la. Ti ponn ni, ŋma ga ŋmar mmii mumina aaboln ni?”

Aisaya 43:27

Niyaaja Adam nan tun titunwanbir; le nimi aaninkpiib tun mi titunwanbir,

Aisaya 47:7

Aa nan dak ke aa ga li ye upiibɔr le n‑yoonn mɔmɔk, kaa di tibaa ŋa aasui ni, kaa dakl lik naah ga nan doo pu na.

Jeremia 12:4

Timi aatiŋ ga li kuun kina ki ti saa bayoonn? Timoor ti bi ikpaakon ni na mu yɔl yɔl. Tiwakor ni inyoon kpoi timi aanib aatunwanbir pu la; bima le len ke, ‘Uwumbɔr aa kani taah tun pu na.’”

Jeremia 14:14

Le Uwumbɔr gar mi ke, “Bibɔnabr ngbaan joo maayimbil le geei inyamɔn; maa nan tun bi, kaa tii bi maamɔboln, kaa tii bi nsan mubaa. Tibɔkpiirkaan ti bi joo len na aa nyan ni m chee; baah len ke tiwan ni ga ŋa na aa kpa tinyoor, bima bibaa le dakl ti.

Jeremia 26:7

Bitotoorb, ni bibɔnabr, ni binib ngbaan mɔmɔk ŋun m bi len nimina mɔmɔk Uwumbɔr Aadichal ni,

Inandalahn 1:9

Kaajɔŋ aa nan bɔr, le kitafal aa nan bi ntafadaan mu ga pii ki na ni. Kaalirm nan nyaŋ a; ubaa aa ŋmaa sɔŋ kisui. Kaadim nyaŋ ki; le kaanib wii ke Uwumbɔr san bi kinimbaak.

Inandalahn 2:14

Bibɔnabr nan tuk si inyamɔn ŋmeen la. Baah nan tuk si tibɔr ti na le ŋmann si, ba pu? baa nan kpiir saatunwanbir pu. Bi nan cha aa dak ke saa kpa tibɔbir tibaa aa kpiir.

Inandalahn 4:13

Uwumbɔr aabɔnabr bi nan bi ki ponn ni na nan tun titunwanbir, le kaatotoorb mu nan cha binib bi kaa tun taani na kpoi, nima le nan cha kina ngbaan ŋa.

Inandalahn 4:18

Bidim nan bi lik ban timi; le taa nan ti ki ŋmaa chuun kitiŋ ponn ni. Timi aayoonn nan doo; timi aamɔfal nan kuln.

Esekiel 13:10

“Bibɔnabr ngbaan len le ke ni mɔmɔk ŋan, le ki joo maanib yenni. Tiwan mɔmɔk mu aa ŋan. Maanib di ŋitakpal woŋ woŋ tɔb pu le ke bi maa ligoln, le bibɔnabr ngbaan dan nan di nkokoyon boon li.

Esekiel 13:6

Baabɔkpiirkaan ye inyamɔn la, le baah len ke tiwan ni ga ŋa na aa gbii. Bi bui ke maabɔr le bi joo len, m mu aa tun ni bi. Bi mu dak ke baamɔbon ga gbiin la.

Esekiel 22:14

Aa dak ke m yaa doo saabɔr kan, aa ga ki li kpa ntaakpab pɔɔn bee mpɔɔn mubaa gur ki di yoor aaŋaal paacham aa? Min Uwumbɔr le len, ki ŋani maah len pu na.

Hosea 4:9

Nimi ni binib ngbaan aatafadaan ga li ye tiwanbaan la. M ga daa nitafal ki cha ni pa naah tun titunwanbir ti na pu.

Hosea 6:10

M kan tibɔbir tibaa Israel aatiŋ ni: tima le ye ke maanib Israel yaab bii bibaa le ki dooni ŋiwaa.

Hosea 9:5

Le n‑yoonn yaa nan fuu ni ke bi ji njim ki nyuŋ Uwumbɔr kan, baan li nyi baah ga ŋa pu na.

Maika 2:11

“Binib bee ban bibɔnabr bi chuun ŋmanni ki geei inyamɔn, ki len ke, ‘M nabr ke ni ga gur ndaan la.’

Maika 2:6

Binib mooni m pu ki len ke, “Taa mooni ti chee. Taa mooni tima ngbaan mɔmɔk man. Uwumbɔr aan jinn timi inimɔɔn.

Maika 3:11

Igaŋgaŋlik pu le kitiŋ ngbaan aajojoob joo ki, le bitotoorb tuk binib Uwumbɔr Aakaal ki gaal tipar, le bibɔnabr mu kpiir Uwumbɔr aah len pu na ŋimombil pu, le bi mɔmɔk len ke Uwumbɔr bi ti chee. Bi len le ke, “Tibɔbir tibaa aan dan ti chee. Uwumbɔr bi ti chee.”

Sefania 3:4

Uwumbɔr aabɔnabr bi bi ki ponn ni na kpa kigaak kaa kpa mbamɔn; le bitotoorb bii tiwan ni bi chain na, le ki fenn Uwumbɔr aakaal diir baah gee niwɔb na.

Ikaal 32:20

le ki bui ke, ‘Maan ki ter bi kpala, ki lik tiwan ni ga ŋa bi na.’ Bi ye binib bi aasui pɔɔ, kaa ban bi sil mbamɔm na la.

Ikaal 32:29

Baa bee tiwan ni bi ŋa aan baadim nyaŋ bi na, kaa bee tiwan ni pii bi na aatataa.