Jeremia 5:3 - Uwumbɔr aagbaŋ

³ Mbamɔn, Uwumbɔr sil lik ban mbimbinyaan la. U nan faa nimi, le naa sɔŋ nisui; u nan taa taa ni pu, le ni yii kaa bae. Ni nan kpa tafalaaŋun, kaa di cha titunwanbir aatuln.

Jeremia 5:3 ပူးပေါင်းရင်းမြစ်များ

Mpiin 19:34

Naah woln kitaak na, le upol ngbaan bui unaal ke, “M fe doon tite chee kinyeek na; cha ti ki tii u ndaan aan u gbii, nima kan, aa mu ga ŋmaa doon u chee kinyeek kee, aan ti mɔmɔk dek ki maa mbim tii tite.”

1 Bibɔrb 13:33

Israel yaab aabɔr Jeroboam aa nan di cha waatunwanbir aatuln, le ki tee beenin nyani bitotoorb imaal i kaa ye bitotoorb aamaal na ponn ni, ke bi li tun ŋitun waah maa ŋibimbin ŋi na pu. Unii umɔk nan len ke u ban u ŋa utotoor na kan, u nan kaani udaan la.

2 Bibɔrb 1:13

Ubɔr ngbaan nan ki di uninkpel uken ni bijab piiŋmu tun. U nan jon ligongoln ngbaan le ki gbaan utaŋaayil pu Elaija aanimbiin ni, le ki gaŋ u ke, “Uwumbɔr aanii, san m ni maajab kinimbaak. Taa ku timi.

2 Bibɔrb Aabɔr 16:9

Uwumbɔr aanimbil waa dulnyaa wee mɔmɔk, le ki tii binib bi aasui bi u ni na mpɔɔn. Aa tun kijɔrk aatuln la, kina pu na, ki nyan n‑yoonn mue ki joo cha, aa ni butɔb le ga li bi.”

2 Bibɔrb Aabɔr 28:22

Waatunwanbir aah nan ti moo bi nyaŋ ni na, le uja Ahas moo tun titunwanbir ti ubaa aa kee tun na.

Ilahn 51:6

Saah ban pu na le ye mbimbinyaan, ni ibamɔn; di saalan gbiin mi.

Ilahn 51:8

Cha mpopiin ni mmɔɔn gbiin mi, le saah kool mi doo pu na nsui ga ki piir.

Ilahn 55:20

Maajan aajɔ le tak ujɔtiib, u bii waah puu tipuur ti na a.

Ŋiyataŋak 21:29

Bininyaam nyi bibaa aabɔr; le bibiindam ma pɔɔni bibaa ki ŋmanni baah kaa ye pu na.

Ŋiyataŋak 22:12

Uwumbɔr nyani binyamɔndam baanyamɔn ni, le ibamɔn fuur.

Ŋiyataŋak 23:35

Aa ga bui ke, “Nibaakan, m fe kan iween, nibaakan, bi fe gbaa mi la, le maa ki teer, ba ŋa maa ŋmaa fii sil? M ki ban ndaan la.”

Ŋiyataŋak 27:22

Aa ga ŋmaa gbaa ujɔr u ti li ban u kpo, aa mu aan ŋmaa gbaa nyan waajɔrk u ni.

Aisaya 26:11

Saadim aa nyi ke aa ga daa bitafal. Uwumbɔr, jinn bi inimɔɔn ki cha bi ji falaa; cha bi kan ntafadaan mu aa siin bi na. Mɔk bi saah gee saanib sakpen pu na.

Aisaya 42:25

Kina pu le u cha ti kan waaŋuul aah pɔɔ pu na, ki cha ti jin butɔb aafalaa. Waaŋuul wu ke mmii na le Israel aatim ni, le taa nan bee tiwan ni bi ŋani na; taa nan bae nibaa ni ponn ni.

Aisaya 48:4

M nan nyi ke nitafal ga li pɔɔ ke kikurk na, kaan li kool ke tikumann aakur na.

Aisaya 9:13

Uwumbɔr Mpɔɔnsakpiindaan daa Israel yaab aatafal; le bi yii kaa kpeln baabimbin ki gir ni u chee.

Jeremia 15:7

M joo nimi mae tii libuln ke tigbengbir na le kitiŋ mɔmɔk ni, kitiŋ kee pu. M ku bii nimi maanib, naah kaa di cha nimi aatunwanbir na le m ku nimi aabim.

Jeremia 17:23

Biyaajatiib aa nan ŋun tii mi, kaa pel kpala. Bi nan labr ye tafalaaŋundam, kaa kii maamɔb, ki mu aa bae m chee mbaem.

Jeremia 19:15

Uwumbɔr Mpɔɔnsakpiindaan, u ye Israel yaab Aawumbɔr na le len ke, “M ga cha ntafadaan dan kitiŋ kee, ni ntim mu bi gbɔk ki na pu, ke maah len ke m ga ŋa pu na, ba pu? bi kpa tafalaaŋun, kaa pel maah tuk bi pu na.”

Jeremia 2:30

M daa nitafal, le naa ŋa nimi nibaa; naan kii ke m sur nimi. Ni ku maabɔnabtiib ke uchinn u aaŋuul fii na la.

Jeremia 3:3

Nima pu le utaal aa nan ki nu, le utakuutaal mu aa nan ki nu. Ni sil naahn bidagoob la; naa san inimɔɔn.

Jeremia 32:19

Aa dak ilandak nyaan ki tun ŋitukpaan; aa kani binib aah ŋani tiwan ni mɔmɔk na, le ki pa bi baatun aah ŋeer pu na.

Jeremia 44:10

Le ki nan saa din, naa kee sunn nibaa taab. Naa nyuŋni mi, le kaa joo ikaal i mɔmɔk m di tii nimi ni niyaajatiib na.

Jeremia 7:26

Le ubaa aa kpa ntafaŋum. Ni labr kpa tafalaaŋun ki tun titunwanbir ki jer niyaajatiib.

Jeremia 7:28

Aa ga bui bi ke baatimbol aa kii mi Bidindaan Uwumbɔr aamɔb, kaa bae baatafadaan chee. Mbamɔn aa ki bi. Ubaa aa ki len mbamɔn aabɔr.

Jeremia 8:5

Tɔ, maanib, ba ŋa ni fenn nipuwɔb tii mi kaa ki gir ni kpala? Ni bub joo nimi aawaa le kaan ki fenn dan m chee.

Esekiel 2:4

Bi ye tafalaaŋundam le kaa pak mi, kina pu le m bi tun si bi chee ke aa ti bui bi min Bidindaan Uwumbɔr aah bi tuk bi pu na.

Esekiel 24:13

Jerusalem, saaninsuŋ aatuln le bii si. M pɔɔn mbaa ke m ŋa si chain, le aa beenin kpa tijɔŋ. Saan ki li bi chain, see aa ti kan maaŋuul aah pɔɔ pu na.

Daniel 9:13

Aa nan tii timi ntafadaan mumɔk nan ŋmee dɔ Moses aakaal ponn ni na. Tidindaan Uwumbɔr, hali nima ngbaan aa cha ti mee si ki aa san timi kinimbaak, bee ti yii timi aatunwanbir ki fenn dii saasan mu ye ibamɔn na.

Liifai Yaab 26:23

“Ntafadaan ngbaan mɔmɔk aapuwɔb, ni yaa kaa kii tii mi, ki beenin bii maakaal kan,

Amos 4:10

“Le m tun ni iween nan lii ni pu ke maah nan di lii Ijipt aatiŋ ni pu na. M nan ku nimi aanachipɔm butɔb ni, ki di nimi aataan mu buen. Le ŋinikpol aanunun gbiin nimɔfataabun ni, ni nimi aakookoo yaan chee. Nee aapuwɔb na, naa di cha nimi aatunwanbir ki gir ni m chee ke m di cha pinn nimi.

Amos 4:11

“M nan doo nimi bibaa ke maah nan doo Sodom ni Gomora yaab pu na. Nimi bi nan ŋmar na nan naahn limiidɔtɔgeln la. Nee mu aa cha ni gir ni m chee.” Min Uwumbɔr le len kina.

Amos 4:6

“Min le nan lii nimi nkon, nimi aatikpaan ponn ni, le naa kee gir ni m chee.

Amos 4:8

Binib nan di nnyunyuu ki nyan kitiŋ kibaa ponn ni, ki buen kitiŋ kiken ponn ni, ki dak ke nnyun bi nima, le bi mɔmɔk aa ti ŋmaa kan bi nyu. Nimina mɔmɔk mu aa cha ni gir ni m chee.

Amos 4:9

“M nan tun ni libuln li ton sakpen na ke li nan kuur nimi aajikaar. Le itoon dan nan di nimi aasar mɔmɔk ŋman, ki ŋman nimi aawanyukaan aasui, ni ŋisubil, ni nkpan aasui mu. Nee mu aapuwɔb na, naa ki gir ni m chee.

Sefania 3:7

N‑yoonn ngbaan le m nan dak ke maanib ga san mi ki kii maasurm, aan baatiŋ taa kuln, aan maatafadaan mɔmɔk taa dan bi pu. Tɔ, bi nan beenin neen ke bi li tun beebee aatun baatuln mɔmɔk ni.”

Rom Yaab 2:2

Ti nyi ke Uwumbɔr yaa daa binib bi ŋani kina na aatafal kan, ni ŋan.

Hiibru Yaab 12:9

Titetiib bi ma timi na nan dar titafal la, le ti pak bi. Nima le ni ŋan ke ti kii Tite Uwumbɔr u bi paacham na aamɔb ki jer kina, aan ki kan limɔfal.