Jeremia 5:29 - Uwumbɔr aagbaŋ

²⁹ “Le min Uwumbɔr ga daa bitafal tiwan nee mɔmɔk pu; m ga teen litimbol ngbaan.

Jeremia 5:29 ပူးပေါင်းရင်းမြစ်များ

Aisaya 57:6

Ni yoor ŋitakpal ŋi ŋan na nima chee, le ki ti dooni ŋi ke ŋi ye nimi aawaa. Ni bar ndaan kpir ŋi pu ke ni tii ŋi ipiin la, ki tii ŋi njikaabim mu aapiin. Ni dak ke nsui piin nimina mɔmɔk pu uu?

Aisaya 65:7

baatunwanbir ni biyaajatiib aatunwanbir pu. Bi seer nnyɔknii tiwaachur ni ŋigongon paab ki len tibɔbir m pu. Kina pu na, m ga daa bitafal ki ŋeer baah tun pu na la.”

Jeremia 5:9

M taa daa bitafal nimina pu ki teen kina aatimbol aa?

Jeremia 6:6

Uwumbɔr Mpɔɔnsakpiindaan le cha bibɔrb ngbaan pir isui ki maa ŋibimbin ke bi gob Jerusalem. U bui ke, “Kitiŋ ngbaan ponn ni aah gbii limukl sakpen pu na, le m ga daa kitafal.

Jeremia 9:9

M taa daa bitafal nima pu uu? M taa teen kina aatimbol aa? Min Uwumbɔr le len kina.”

Malakai 3:5

Uwumbɔr Mpɔɔnsakpiindaan ki bui ke, “M ga dan ni chee ki nan ji nimi tibɔr, ki bii binib bi joo inyɔk tun lituln na, ni bi ye bidagoob na, ni bi geei inyamɔn paani biken na, ni bi ji baatutum pem pem na, ni bi kaa tii bikpopiib ni nkpobim baabamɔn na, ni bi ji biwɔwɔm na, ni bi kaa pak mi na. M ga mɔk bi mɔmɔk ke baabɔr bii la.

Jemisi 5:4

Ni ji bitutum bi chee tijikaar tii nimi na pem pem, kaa pa bi. Le bi bi ki wii baapal pu. Le Uwumbɔr Mpɔɔnsakpiindaan ŋun baah wii pu na.