Jeremia 5:21 - Uwumbɔr aagbaŋ

²¹ Li pel man, nimi bijɔrb ni bilatiirb bi kpa ŋinimbil kaa waa na, ki kpa ŋitafal kaa ŋun na.

Jeremia 5:21 ပူးပေါင်းရင်းမြစ်များ

Ilahn 94:8

Maanib, ba ŋa ni ye bigbaam ni bijɔrb kina? Bayoonn aan ni ga bae?

Ŋiyataŋak 17:16

Ujɔr yaa ji waamombil tiwan aabaem pu kan, naa kpa u tinyoor tibaa, ba pu? waa kpa kpakpaln aalan.

Aisaya 27:11

Isubon na mɔmɔk kuur ki kool lir a, le bipiib ti peei ti tuur mmii, ba pu? binib ngbaan aa bee nibaa, nima pu na, Uwumbɔr u naan bi na aan di cha pinn bi, kaan san bi kinimbaak mu.

Aisaya 43:8

Uwumbɔr bui ke, “Kuun ni maanib libɔjil ni man. Bi kpa ŋinimbil, le ki mu tee jɔb; bi kpa ŋitafal, le ki mu tee kpaa.

Aisaya 44:18

Kina aanib jɔr sakpen kaa ŋmaa beer baah bi ŋani tiwan ni na. Bi ŋumni binimbil, kaa ban ke baalandak ŋun mbamɔn.

Jeremia 10:8

Bi mɔmɔk jɔr le ki ye bilatiirb. Baan ŋmaa bae nibaa ŋiwaa chee, ŋi ye ŋisugen la.

Jeremia 4:22

Uwumbɔr bui ke, “Maanib ye bijɔrb la, baa nyi mi. Bi naahn mbim mu kaa kpa nlan na la; baa kpa ntafaŋum. Bi nyi titunwanbir aatuln sakpen, le kaa tee nyi tiwan ni ŋan na aaŋam.”

Jeremia 5:20

Uwumbɔr nan ki bui ke, “Bui Jakob aayaabitiib, Juda aanib ke:

Jeremia 5:4

Le m nan dak ke, “Binib bee ye bigiim ni maanyidam la. Bi tun kijɔrk aatuln la; baa nyi Baawumbɔr aah gee pu na, baa nyi Uwumbɔr aah ban bi tun pu na.

Jeremia 6:10

Le m gar ke, “Ŋma ga pel m chee buyoonn m bi len bi chee tibɔr ki sur bi na? Bi kpa tafalaaŋun, kaan pel saabɔr ti m joo nabr bi na; bi laa saabɔr la.

Jeremia 7:13

Ni tun titunwanbir tee mɔmɔk, le m tuk nimi, ki ki gir bui nimi, le ni yii, kaan pel. Buyoonn m yin nimi na le ni yii, kaan kii.

Jeremia 8:7

Hali inaakpaapiin nyi buyoonn i ga gir na; le ŋinanjel, ni naakpaa mam, ni ikpasiinyoon nyi buyoonn i ga tiir ntim na. Le maanib ma aan nyi ikaal i m joo lik bi na,

Esekiel 12:2

“Unibɔn, aa koo binib bi ye bimɔyiib na ponn ni la. Baah ye bimɔyiib na le bi kpa ŋinimbil, ki mu aa waa nibaa; bi kpa ŋitafal, ki mu aa ŋun tibɔr tibaa.

Hosea 7:11

Israel chuun fii labr ke linanjel li kaa kpa nlan na la; njan, kaanib nan buen Ijipt yaab chee le ti ban nterm, le ki fenn san buen Asiria yaab chee.

Sekaria 7:11

“Le maanib di tafalaaŋun yii, kaa ŋun tii mi. Bi nan kpaa bitafal,

Tibɔnyaan ti Mak ŋmee ti na 4:12

‘Aan bi lik ki lik, kaa waa, ki pel ki pel, kaa beer naatataa. Bi yaa ŋun ki bee naatataa kan, nibaakan bi ga kpeln baabimbin, aan Uwumbɔr di cha baatunwanbir ki pinn bi.’”

Tibɔnyaan ti Mak ŋmee ti na 8:18

Ni kpa ŋinimbil, kaa waa aa? ki kpa ŋitafal, kaa ŋun aa?

Jɔnn 12:40

“Uwumbɔr jɔb binimbil ke bi taa li waa; ki cha bitafal pɔɔ, bi taa bee waaliin aatataa, ki taa fenn dan uwɔb ke u tii bi laafee.”

Lituln 28:26

U nan tuk Aisaya ke, ‘Li cha ti tuk binib ngbaan ke Uwumbɔr len ke: Ni ga pel ki pel, kaan bee maaliin aatataa. Ni ga lik ki lik, kaan li waa.

Rom Yaab 1:20

Buyoonn Uwumbɔr nan naan dulnyaa wee ki nan saa dandana wee na, binib kani waabimbin aah bi pu na. Naa ye ke binimbil le kan u. Bi kan tiwan ni u naan ni na, ki kan ke u kpa mpɔɔn mu kaan doo na, ki sil ye Uwumbɔr. Nima le baan ŋmaa len ke baa nyi.

Rom Yaab 11:8

Ni ŋmee Uwumbɔr Aagbaŋ ni ke, “Uwumbɔr chuu nyan nlan biyil ni ke binimbil taa woln, bitafal mu taa ŋun, ki nan saa dandana wee.”

Ikaal 29:3

Ninimbil nan kan iween i ku binib na, ni lijinjiir aatuln, ni laasib aawan nimɔk Uwumbɔr nan ŋa na.

Ikaal 29:4

Tɔ, ki yoor ki nan saa din wee na, waa cha ni bee naah nan kan tiwan nimɔk na aatataa.

Ikaal 32:6

Nimi bijɔrb bi kaa kpa nlan na, Uwumbɔr aah ŋa nimi tibulchinn ti na, kina le ni ga giin pa u uu? Naa ye uma le ye nite u naan nimi, ki ŋa nimi litimbol na aa?