Jeremia 5:18 - Uwumbɔr aagbaŋ

¹⁸ Uwumbɔr ki len ke, “Hali n‑yoonn ngbaan kan, maan kuln maanib kookoo.

Jeremia 5:18 ပူးပေါင်းရင်းမြစ်များ

Jeremia 30:11

M ga dan ni chee ki nan gaa nimi lii. M ga kuln ŋitimbol ŋi mɔmɔk m cha ni yaa ki bi ŋi ponn ni na, maan kuln nimi ma. Maan di cha ki taa daa nitafal; m mu yaa daa nitafal kan, m ga daa ki ŋeer la. Min Uwumbɔr le len kina.”

Jeremia 4:27

Tɔ, Uwumbɔr nan bui ke kitiŋ kee mɔmɔk ga kpaln nteersakpiin la, u mu aan tee bii ki doo.

Jeremia 5:10

M ga tun ni bidim le bi nan pir maanib aasubil aasui lir, ki taa tee kuln i kookoo. M ga bui bi ke bi pir isubon lir, ba pu? isubon ngbaan aa ye min yee.

Jeremia 5:17

Bi ga di nimi aajikaar ni njikaabim nab; bi ga ku nijapɔtiib ni nibisatiib. Bi ga nan kɔr nimi aawakor mɔmɔk, ki kuln nimi aasubil aasui mu. Baajab ga nan ber naah maa ŋigon kiir ntim mu ki mak mu pu na mɔmɔk.

Jeremia 5:19

Bi yaa baa ke ba ŋa m tun kina mɔmɔk kan, sin Jeremia, bui bi ke baah fenn bipuwɔb tii mi ki dooni ŋiwaa bibaa aatiŋ pu na, kina le bi ga ti tun lituln tii biwɔwɔm kitiŋ ki kaa ye bibaa aatiŋ na pu.”

Esekiel 11:13

Maah bi nabr Uwumbɔr aabɔr kina na, le Pelatia lir kpo. M nan tar lir kitiŋ lichichikr le ki teen ke, “Ndindaan Uwumbɔr, maa kii. Aa ban aa ku unii umɔk gur Israel aatiŋ pu na la aa?”

Esekiel 20:17

“Tɔ, m nan tee san bi kinimbaak. M nan yii ke maan ku bi nteersakpiin ni nima.

Esekiel 9:8

Baah bi ku binib kina na, m nan si nima mbaa baanja la. M nan tar lir kitiŋ lichichikr le ki teen ke, “Ndindaan Uwumbɔr, saaŋuul fii Jerusalem aatiŋ pu sakpen le aa ban aa ku unii umɔk gur Israel aatiŋ pu na aa?”

Habakuk 1:12

Uwumbɔr, ki nyan mpiin na, sin le ye Uwumbɔr. Sin le ye Maawumbɔr u bi chain kaa kpa ndoon na. Uwumbɔr, Ndindaan ni maakikiir, sin le lee Babiloŋ yaab ki cha bi kpa mpɔɔn ke bi ŋmaa daa timi aatafal.