Jeremia 5:17 - Uwumbɔr aagbaŋ

¹⁷ Bi ga di nimi aajikaar ni njikaabim nab; bi ga ku nijapɔtiib ni nibisatiib. Bi ga nan kɔr nimi aawakor mɔmɔk, ki kuln nimi aasubil aasui mu. Baajab ga nan ber naah maa ŋigon kiir ntim mu ki mak mu pu na mɔmɔk.

Jeremia 5:17 ပူးပေါင်းရင်းမြစ်များ

Aisaya 62:8

Uwumbɔr puu tipuur ti pɔɔ na, le waapɔɔn pu u ga ŋa waah puu pu na ke: “Saadim aan ki di saajikaabim ŋa baajikaar, le biwɔwɔm mu aan ki nyu nimi aadaan.

Aisaya 62:9

Nimi bi bun ki nan chee nimi aajikaabim na, le ga nan ji ŋaasaa aan ki pak Uwumbɔr. Nimi bi ŋum ki lik ndaan aasubil aasui na, le ga nyu ŋaadaan min Uwumbɔr Aadichal aachin ni.”

Jeremia 1:15

ba pu? m bi yin ŋitimbol ŋi bi ŋŋangan wɔb na ke ŋi dan la. Ŋaabɔrb ga di baabɔrjal siin Jerusalem aabisamɔi chee, ki siin mann goln kaagon, ki siin mann goln Juda aatim muken na mu.

Jeremia 4:26

Kitiŋ ki nan nyuun ki kpa tijikaar na nan kpaln nteersakpiin la; kaatim nan ber doo, Uwumbɔr aaŋuusakpeln pu.

Jeremia 4:7

Uchinn aah nyani waabɔbɔryaan ni pu na, kina le unii u bii ŋitimbol na nyan ni. U choo u nan bii Juda aatiŋ la. Juda aatim ga kpaln tilangbenn la, le ubaa aan ŋmaa koo mu ni.

Jeremia 5:18

Uwumbɔr ki len ke, “Hali n‑yoonn ngbaan kan, maan kuln maanib kookoo.

Jeremia 50:17

Uwumbɔr ki len ke, “Israel aanib bi ke ipiih i ichinn jenn yaa i na la. Njan na, Asiria aabɔrkpaan le nan puen tak bi, le Babiloŋ Aabɔr Nebukadnesar nan nyir baakpab.

Jeremia 50:7

Unii umɔk kan bi na kan, u tak bi la. Baadim len le ke, ‘Bi tun Uwumbɔr le titunwanbir, kina pu na, taah ŋa bi pu na aa bir. Biyaajatiib nan kii tii Uwumbɔr, bi mu ba ga li bi u chee kina.’

Jeremia 8:13

“M nan ban ke m kuun maanib, ke uja aah kuuni waajikaar pu na la; le bi tee naahn ŋisubil aasub bu kaa lu na, ki naahn likakaln li kaa lu na; hali laafar gbar a. Kina pu le m cha biwɔwɔm gaa kitiŋ ngbaan.”

Jeremia 8:16

Timi aadim kpaan fuu ni Dann aatiŋ ni; ti ŋun baataan aah fɔi pu na. Baataan yaa wii kan, kitiŋ mɔmɔk deŋni la. Timi aadim dan ke bi nan bii timi aatiŋ, ni tiwan ni mɔmɔk bi ki pu na la, ni timi aatiŋ, ni kaanib.”

Inandalahn 2:12

Nkon ni nnyunyuu pu le bi wii ki ban binatiib. Bi chuun kitiŋ ponn ni le ki lir ke titotonn le aah pii bi na. Le bi dɔ binatiib aaŋaal ni ki ti kpo.

Inandalahn 2:2

Uwumbɔr nan kuln Juda aatiwaatiir na mɔmɔk, kaa san mu kinimbaak. U nan tur tijawan aadichal ŋi nan kii Juda aatiŋ na lir kitiŋ. U nan cha nnaan ngbaan ni binib bi joo mu na jin inimɔɔn.

Esekiel 36:4

Kina pu na, li pel min Dindaan Uwumbɔr aah tuk ŋijoo ni ŋigongon ngbaan, ni ikpen, ni tifatann, ni ŋipepel ŋi bii na, ni nimi ntim mu kpaln tilangbenn aan ŋitimbol ŋi mann goln nimi na nan yoor nimi aawan buen ki jinn nimi inimɔɔn na:

Hosea 2:12

M ga bii ndaan aasubil aasui ni ŋisubil ŋiken aasui, i u bui ke waah tun tii ubɔtiib pu na le bi tii u na. M ga cha waadaan aasubil aasui ni ŋisubil ŋiken aasui na kpaln kichook, ipeel le ga bii ni mɔmɔk.

Hosea 8:14

“Israel aanib maa ŋibɔrdichal, le ki tee suln Uwumbɔr u naan bi na bɔr. Juda aanib maa ntim mu kpa tijawan aan bi maa ŋigon gob mu na. Le m ga cha mmii wu baabɔrdichal ni ntim ngbaan.”

Joel 2:3

I ŋmɔ tijikaar mɔmɔk ke mmii le aah gaal na. Aa yaa lik imɔi wɔb kan, ni naahn Edenn aasaak na la, le aa yaa lik ipuwɔb kan, ni naahn nteersakpiin pu la. Nibaa aan ŋmaa bɔr aan yaan kan ni.

Liifai Yaab 26:16

m ga daa nitafal. M ga cha tibɔbir dan ni pu, le iween i kaan sɔŋ na ga dan ni pu, ki ga cha nimi aawon toŋ, ki ga cha ni jɔb, ki ŋa fam. Ni ga bu njikaabim, le ni mu aan ter nimi, ba pu? nimi aadim le ga dan nan nyaŋ nimi, ki ji naah kon tijikaar ti na.

Sefania 3:6

Uwumbɔr bui ke, “M ŋar ŋitimbomɔn ŋŋaan; m kuln ŋaatim ki cha ŋaagon ni tidifɔfɔŋ na ber doo. Bi fii cha ntim ngbaan a, ubaa aa ki bi mu ponn ni, ubaa aa gur.

Malakai 1:4

Esɔ aayaabitiib, bi ye Edom aanib na, yaa bui ke, “Bi ber timi aatim a, tɔ, ti mu ga ki gir maa mu” kan, le Uwumbɔr ga gar ke, “Cha bi ki maa mu, m ga ki gir ber mu. Binib ga yin ki ke, ‘Titunwanbir aatiŋ,’ ni ‘Litimbol li Uwumbɔr aaŋuul fii li pu kaan sɔŋ na.’”

Ikaal 28:33

Linibol yayan ga dan nan yoor nimi aajikaar mɔmɔk ti ni jin falaa ki kon na buen, le ni ga kan falaa ni ntafadaan mu pɔɔ na n‑yoonn mɔmɔk.