Jeremia 5:15 - Uwumbɔr aagbaŋ

¹⁵ Israel aanib, Uwumbɔr ban ke dandar aatimbol le dan nan tak nimi. Li ye n‑yaayoonn na aatimbol le ki pɔɔ, le naa nyi laaliin.

Jeremia 5:15 ပူးပေါင်းရင်းမြစ်များ

Mpiin 11:7

Cha ti buen ki ti yakr baaliin aan bi taa ki ŋun tɔb aaliin.”

Ilahn 81:5

Buyoonn u nan tak Ijipt yaab na, le u nan di mu tii Israel yaab. M ŋun nneel mubaa bi len ke,

Aisaya 28:11

Tɔ, ni yaa kaan pel ni m chee kan, Uwumbɔr ga di biwɔwɔm bi len ŋitimbol yayan aaliin na ki di mɔk liwamɔkl.

Aisaya 29:3

Uwumbɔr ga mann gob kitisakpeŋ ngbaan, ki tak ki.

Aisaya 29:6

Libuul ngbaan ni, le Uwumbɔr Mpɔɔnsakpiindaan ga gaa nimi lii. U ga cha utaal gben, le kitiŋ mu ga deŋ. U ga cha kibuŋ ki pɔɔ na ni imii dan;

Aisaya 33:19

Naan ki kan biwɔwɔm bi kpa kigaak ki len iliin i naa ŋun i na daalbaadaal.

Aisaya 39:3

Nee aapuwɔb le Uwumbɔr aabɔnabr Aisaya buen ubɔrkpaan Hesekia chee ki ti baa u ke, “Bijab ngbaan nyan ni la chee, bi len ke ba aa chee?” Hesekia nan giin kii u ke, “Bi nyan ni dandar la, bi nyan ni Babiloŋ aatiŋ ni la.”

Aisaya 5:26

Uma Uwumbɔr yin dandar aatimbol. U foo ifoo ki yin bi ke bi nyan ni dulnyaa aanaan mɔmɔk ni ke bi dan. Le bi san ni mala ke libuln na ki choo.

Aisaya 5:7

Israel ni Juda aanib le ye Uwumbɔr Mpɔɔnsakpiindaan aasaak, bima le ye ŋisubil aasui i u ŋum na. U nan dak ke bi ba ŋa ni ŋan na, le bi yii ki ku binib. U nan dak ke bi ba li ŋani ni tok na, le bi nan ŋani binib mbiin, le bi wii baabamɔn pu.

Jeremia 1:15

ba pu? m bi yin ŋitimbol ŋi bi ŋŋangan wɔb na ke ŋi dan la. Ŋaabɔrb ga di baabɔrjal siin Jerusalem aabisamɔi chee, ki siin mann goln kaagon, ki siin mann goln Juda aatim muken na mu.

Jeremia 2:26

Uwumbɔr bui ke, “Nimi Israel aanib, ni nimi aabɔrb, ni bininkpiib, ni nimi aatotoorb, ni bibɔnabtiib mɔmɔk ga ji inimɔɔn ke baah chuu unaayuk kan, u ji inimɔɔn pu na la.

Jeremia 25:9

‘M ban m tun yin ni ŋŋangan wɔb aanib mɔmɔk, ni Babiloŋ Aabɔr Nebukadnesar, u ye maatutunn na la. M ga cha bi dan ki nan tak Juda ni kaanib, ni ŋitimbol ŋi mɔmɔk mu bi gbɔk ki na, ki cha mu li gur ye tilangbenn ti kpa ijawaan na, ki ti saa n‑yoonn mu kaa kpa ndoon na. Min Uwumbɔr le len kina.

Jeremia 4:16

Bi dan bi nan sak ŋitimbol ki bui Jerusalem ke bidim nyani dandar ki choo. Bidim ngbaan ga gbaa ikaa Juda aatim pu,

Jeremia 5:11

Israel ni Juda aanib nyan mpuwɔb la. Min Uwumbɔr le len kina.”

Jeremia 6:22

Uwumbɔr len ke, “Bijab nyan ni ŋŋangan wɔb aatiŋ ni ki choo; litimbol ngbaan pɔɔ sakpen le ki gor kii butɔb.

Esekiel 18:31

Di cha titunwanbir ti mɔmɔk ni tun na man, ki ban isuupɔɔn, ni ilandak pɔɔn tii nibaa. Ba ŋa nimi Israel yaab ban ke ni kpo?

Daniel 1:4

Bi nan ye binachipɔm bi ŋan, ki kpa nlan, bi bi mɔk bi tiwan mbamɔm na, aan bi ŋmaa bae tiwan mala mala, kaa kpa iween ibaa na, aan bi li bi ubɔr aadichal ni. Aspenas aatuln le nan ye ke u mɔk bi tiwan aan bi li ŋmaa karni ki ŋmaa ŋmee Babiloŋ yaab aaliin.

Daniel 7:7

Maah nan beenin si lik na, le upeel nanar mu nyan ni. U nan kpa mpɔɔn, kaa ŋan, ki kpa ijawaan mu. U nan di waakur aanyin ŋi filk sakpen na nyaŋ waadim, ki taa taa bi ŋmal titan ni. U nan kpa iyiin kipiik, kaa nan bi ke ipeel iken na.

Amos 6:14

Tidindaan Uwumbɔr Mpɔɔnsakpiindaan ubaa le len ke, “Israel aanib, m cha ke m ti joo ni bijab bi kaa ye Israel yaab na, le bi nan gaa nimi aatiŋ. Bi ga muk nimi, nimi aatim mɔmɔk ni, ki nya Hamaf aasan mu bi liwipuul aaŋangan wɔb na ki ti saa Araba aakpen mu bi liwipuul aaŋangii wɔb na.”

Habakuk 3:16

M ŋun timina mɔmɔk pu le mpobil gbaa, le mmɔgban jii ijawaan pu, le nwon mɔmɔk kpo, le ntaa jii. Le m tee ga mɔr ki li kii nwiin mundaal Uwumbɔr ga daa binib bi tak timi na aatafal na.

1 Korenti 14:21

Ni ŋmee Uwumbɔr Aagbaŋ ni ke Uwumbɔr len ke, “M ga di biwɔwɔm bi len ŋitimbol yayan aaliin na len binib ngbaan chee, hali m yaa ŋa kina kan, baan pel.”

Ikaal 28:33

Linibol yayan ga dan nan yoor nimi aajikaar mɔmɔk ti ni jin falaa ki kon na buen, le ni ga kan falaa ni ntafadaan mu pɔɔ na n‑yoonn mɔmɔk.

Ikaal 28:49

Uwumbɔr ga cha linibol li nyan ni dulnyaa aanaanmɔk aan naa nyi baaliin na nan lir ni pu. Bi ga fii nan lir ni pu, ke likaagiil aah booni chur tiwan pu na la.