Jeremia 5:13 - Uwumbɔr aagbaŋ

^13-14 Bi nan bui ke Uwumbɔr aabɔnabr na aa ye nibaa, bi po ye tiloor ti gbii libuln ŋmeen na, le kaa kpa Uwumbɔr aabɔr tibaa bi tuk bi. Le Tidindaan Uwumbɔr Mpɔɔnsakpiindaan bui mi ke, “Jeremia, binib bee aah len pu na pu, le m ga cha maabɔr li bi aamɔb ni ke mmii na. Le binib ngbaan ga li bi ke idɔ na, mmii ngbaan ga wu bi.”

Jeremia 5:13 ပူးပေါင်းရင်းမြစ်များ

2 Bibɔrb Aabɔr 36:16

Tɔ, binib ngbaan nan ŋani Uwumbɔr aatuun ngbaan mbɔnyun, kaa gar waamɔboln, ki laa waabɔnabr ngbaan, ki ti saa n‑yoonn mu Uwumbɔr aaŋuul fii waanib pu ki ti nyaŋ, aan baa ki ŋmaa kan ŋŋmarm na.

Job Aagbaŋ 6:26

Aa dak ke m ka pii libuln baanja la, maa len tibaa; kina kan, ba ŋa aa gar maasuubiin aamɔbon?

Ŋiyataŋak 25:14

Binib bi puuni tipuur kaa gbiini ti na naahn ntaalangbam ni libuln li kaa joo ni utaal na la.

Aisaya 41:29

Ŋiwaa ŋimina mɔmɔk ye yɔli la; ŋaan ŋmaa ŋa nibaa kpala. Ŋiwaa ŋimina ye fam la, kaa kpa mpɔɔn mubaa.”

Jeremia 14:13

Le m bui ke, “Ndindaan Uwumbɔr, aa nyi ke saabɔnabtiib tuk binib ngbaan ke butɔb, bee nkon aan li bi, bi bui bi ke aa nan puu ke nsuudoon baanja le ga li bi timi aatiŋ pu.”

Jeremia 14:15

Min Uwumbɔr bui si tiwan ni m ga ŋa bibɔnabr bi maa nan tun bi aan bi di maayimbil len ke butɔb ni nkon aan dan kitiŋ kee pu na, m ga di butɔb ni nkon le ku bi.

Jeremia 18:18

Le binib ngbaan bui ke, “Cha ti lik taah ga ŋa Jeremia pu na. Bitotoorb ga li bi n‑yoonn mɔmɔk ki mɔk timi, bilankpalb mu ga ŋmaa sur timi, bibɔnabr mu ga nabr Uwumbɔr aabɔr tii timi. Cha ti ban ngalm tii u man, ki taa ki pel waah len pu na.”

Jeremia 22:22

Naah tun titunwanbir pu na, le libuln ga daa nimi aayidam buen, le bidim ga chur nimaantɔtiib butɔb ni tinaagbiir, le nimi aatiŋ jin inimɔɔn.

Jeremia 28:3

Joo cha ni ŋibin ŋilee na, m ga giin ni Maadichal ni aawangol li Babiloŋ Aabɔr Nebukadnesar nan yoor di buen na.

Jeremia 43:2

Le Hosaya aajapɔɔn Asaria, ni Karea aajapɔɔn Johanann, ni bigaadam biken na mɔmɔk bui mi ke, “Tidindaan Uwumbɔr aa tun ni si ke aa nan tuk timi ke ti taa buen Ijipt aatiŋ ni ki ti li koo nima. Aa gii la.

Hosea 9:7

Ntafadaan aayoonn fuu a, n‑yoonn ngbaan binib ga kan ni ŋeer bi na. Kina yaa nan ŋa kan, Israel yaab ga bee ni. Ni bui ke, “Uwumbɔr aabɔnabr umina ye ujɔr la. Unii u Nfuur Nyaan fir u pu ngbaan na aa ki kpa nlan la.” Nimi aatunwanbir aah nyaŋ na le kinanaŋ gbiin nimi.