Jeremia 5:10 - Uwumbɔr aagbaŋ

¹⁰ M ga tun ni bidim le bi nan pir maanib aasubil aasui lir, ki taa tee kuln i kookoo. M ga bui bi ke bi pir isubon lir, ba pu? isubon ngbaan aa ye min yee.

Jeremia 5:10 ပူးပေါင်းရင်းမြစ်များ

2 Bibɔrb Aabɔr 12:4

U nan nyaŋ tijawan aatim mu bi Juda aan bi maa ŋigon gob mu na ki yoor ti saa Jerusalem aatiŋ.

2 Bibɔrb Aabɔr 36:17

Kina pu le Uwumbɔr nan cha Babiloŋ aabɔr buen ti tak bi. Ubɔr ngbaan nan ku Juda aanachipɔm, hali ki ti kpaan ku bibaa Uwumbɔr Aadichal ni. Waa nan san ubaa kinimbaak, waa nan san bi laa diin na, ni bi por na, kaa san uja, bee upii, bee ubun, bee u kpa laafee na kinimbaak. Uwumbɔr di bi mɔmɔk ŋa uŋaal ni.

Jeremia 2:21

M nan bun nimi ke lisubinyaan li aasub ga li ŋan na la. Tɔ, lik naah tun pu na. Ni naahn ŋisubil aasub bu bur na la.

Jeremia 25:9

‘M ban m tun yin ni ŋŋangan wɔb aanib mɔmɔk, ni Babiloŋ Aabɔr Nebukadnesar, u ye maatutunn na la. M ga cha bi dan ki nan tak Juda ni kaanib, ni ŋitimbol ŋi mɔmɔk mu bi gbɔk ki na, ki cha mu li gur ye tilangbenn ti kpa ijawaan na, ki ti saa n‑yoonn mu kaa kpa ndoon na. Min Uwumbɔr le len kina.

Jeremia 30:11

M ga dan ni chee ki nan gaa nimi lii. M ga kuln ŋitimbol ŋi mɔmɔk m cha ni yaa ki bi ŋi ponn ni na, maan kuln nimi ma. Maan di cha ki taa daa nitafal; m mu yaa daa nitafal kan, m ga daa ki ŋeer la. Min Uwumbɔr le len kina.”

Jeremia 39:8

N‑yoonn mue na, Babiloŋ yaab ngbaan nan see libɔrdichal, ni binib aadichal mu lii, ki tur Jerusalem aagon lir.

Jeremia 4:27

Tɔ, Uwumbɔr nan bui ke kitiŋ kee mɔmɔk ga kpaln nteersakpiin la, u mu aan tee bii ki doo.

Jeremia 46:28

M ga dan ki nan gaa nimi lii. M ga kuln ŋitimbol ŋi mɔmɔk m cha ni yaa ki bi ŋi ponn ni na, le kaa kuln nimi ma. M ga daa nitafal; tɔ, m yaa daa nitafal kan, m ga daa ki ŋeer la. Min Uwumbɔr le len kina.”

Jeremia 5:11

Israel ni Juda aanib nyan mpuwɔb la. Min Uwumbɔr le len kina.”

Jeremia 5:18

Uwumbɔr ki len ke, “Hali n‑yoonn ngbaan kan, maan kuln maanib kookoo.

Jeremia 5:9

M taa daa bitafal nimina pu ki teen kina aatimbol aa?

Esekiel 12:16

M ga cha bi ponn ni siib nya butɔb, ni nkon, ni iween ngbaan ni, aan bi yaa ŋmal ŋitimbol ngbaan ni kan, bi ga kan baabimbin mu sukr ponn ni na aah tun pu na, ki tii naadii ke min le ye Uwumbɔr.”

Esekiel 14:17

“Bee m ba ga ŋmaa joo ni butɔb litingbaln ngbaan pu ki cha tijawan ti bir na nan ŋar kaanib ni tiwakor ŋŋaan pel pel,

Hosea 1:9

Uwumbɔr nan bui Hosea ke, “Yin u ke ‘Baa‑ye‑maanib,’ ba pu? Israel aanib aan ki li ye maanib, le m mu aan ki li ye Baawumbɔr.”

Amos 9:8

Min Uwumbɔr Mpɔɔndaan ka ki lik titunwanbir sakpenn ti Israel aanaan mue tun na, ki ga doo mu dulnyaa wee ni. Maan tee ku biyaabitiib doo.

Matiu 22:7

Le ubɔrkpaan ngbaan gee liŋuul sakpen, le ki tun waajab le bi ti ku binikurb ngbaan, le ki see baatiŋ mmii.