Jeremia 5:1 - Uwumbɔr aagbaŋ

¹ Jerusalem aanib, san dii nimi aatiŋ ponn ni man. Lik lik man. Cha nimi nibaa aanimbil kan. Lik lik kinyaŋ ponn ni man. Ni ŋmaa kan unii ubaa aan u tun ni ŋan na ki pɔɔni ubaa ke u kii Uwumbɔr aamɔb aa? Ni yaa ga kan kina aanii kan, Uwumbɔr ga di cha Jerusalem yaab aatunwanbir pinn bi.

Jeremia 5:1 ပူးပေါင်းရင်းမြစ်များ

1 Bibɔrb 19:10

Le u gar u ke, “Ndindaan Uwumbɔr Mpɔɔnsakpiindaan, sin baanja le m dii n‑yoonn mɔmɔk, le Israel aanib bii aa ni bima aamɔbaan na, ki ber saatork aabimbin, ki ku saabɔnabtiib mɔmɔk. Min baanja le gur, le bi ban ke bi ku m mu.”

2 Bibɔrb Aabɔr 16:9

Uwumbɔr aanimbil waa dulnyaa wee mɔmɔk, le ki tii binib bi aasui bi u ni na mpɔɔn. Aa tun kijɔrk aatuln la, kina pu na, ki nyan n‑yoonn mue ki joo cha, aa ni butɔb le ga li bi.”

Ilahn 12:1

Uwumbɔr, ter timi; ujanyaan ubaa kina aa gur; binib bi si chob na aa ki bi.

Ilahn 14:2

Uwumbɔr bi paacham le ki lik ni unibɔn, ke u lik ke bibaa bi ki kpa nlan aan baa bi, ke bibaa bi ki dooni u aan baa bi.

Ilahn 14:3

Tɔ, le bi mɔmɔk yenn nsan; bi mɔmɔk aa ŋan. Bi ponn ni ubaa aa bi ki ŋani tiwan ni ŋan na, ubaa baanja aa bi.

Ilahn 94:16

Ŋma nan sil nchaŋ ni bibiindam chee? Ŋma nan sil mpuwɔb titunwanbirdam chee?

Ŋiyataŋak 20:6

Unii mɔmɔk len waah si chob ki ŋani tiwan mɔmɔk aah mɔk pu na la, tɔ, saan ŋmaa kan kina aanii.

Ŋiyataŋak 23:23

Mbamɔn, ni ichiin, ni mbaem, ni nlan mu ŋan na, le ye tiwan ni ŋan ke aa di saamombil pa ni pu na, le ki ye tiwan ni saan ŋmaa di kooh na.

Ŋiyataŋak 8:3

Mu si ntim aabisamɔi ki yin, ki len ke;

Solomonn Aalahn 3:2

M nan chuun kpak kitiŋ ponn ni, m nan chuun kaasan, ni nsanbim mɔmɔk ni. M nan chuun ban maah gee u na la. M nan ban u, kaa kan u.

Aisaya 59:4

Naa kpa ibamɔn, ki mu joo tibɔr chaa bibɔjirb chee. Ni si inyamɔn pu le ke ni di ji tibɔr ngbaan. Ni joo nimi aalandak ki ban ke ni di tun biken titotonn.

Jeremia 2:29

Nimi aabɔr ti muk nimi na ye kinye? Ba ŋa ni nyan mpuwɔb?

Jeremia 44:15

Le bijab bi nyi ke bipuutiib toor kitork tii ŋiwaa na, ni bipiib bi mɔmɔk nan si nima chee na, ki di kpee Israel yaab bi koo Ijipt aaŋangii wɔb ki nan ye kinipaak sakpeŋ na, mɔmɔk bui mi ke,

Jeremia 8:6

M pel suuna, le kaa ŋun ubaa len ibamɔn. Ni ponn ni ubaa kina aasui aa bii waabiin pu; ubaa le aa len ke, ‘M tun taani la.’ Ni mɔmɔk cha naah gee nin chee na ke utaan le aah san cha butɔb ni na.

Jeremia 9:2

M yaa ba kan nkakaayaan nteersakpiin ni kan, m ba ga fii buen nima ki cha maanib. Baa dii Uwumbɔr, bi mɔmɔk nyan upuwɔb la.

Jeremia 9:7

Kina pu le Uwumbɔr Mpɔɔnsakpiindaan bui ke, “M ga pu maanib mmii ni ke tikur na, ki nyan baajɔŋ le ki tɔŋ bi ki lik. Maanib tun titunwanbir, m ni bima ki kpa bayaar?

Esekiel 22:30

M lik ke m kan unii u ga ŋmaa maa ligoln na, unii u ga ŋmaa sil nin chee ŋigon lir na, ki kiir kitiŋ ngbaan buyoonn maaŋuul ban li kuln ki na, tɔ, m mu aa ŋmaa kan ubaa.

Esekiel 9:9

Uwumbɔr nan gar ke, “Israel aanib ni Juda aanib aabɔr gbii titunwanbir ti bir sakpen na. Bi ku binib kitiŋ kee mɔmɔk pu, le ki di libiil gbiin Jerusalem aatiŋ ni. Bi bui ke min Uwumbɔr yii baatiŋ, kaa ki waa bi.

Daniel 12:4

“Tɔ, Daniel, kpab kigbaŋ ngbaan ki ŋal biin ki pu ki ti saa dulnyaa aadoon; le binib pam ga bii baayoonn ke bi bee tiwan ni bi ŋani na aatataa.”

Joel 2:9

I ga chii ki buen kitiŋ ponn ni; ki fii labr ŋigon pu, ki joi ŋidichal pu, ki diir takolu tiib koo tidir ponn ni ke binaayukb na.

Amos 8:12

Binib ga chuun liwipuul ni liwilir, ki nya ŋŋangan wɔb ki ti saa ŋŋangii wɔb. Bi ga lik ni kookoo ki ban Uwumbɔr aabɔr kaan kan ti.

Sekaria 2:4

Le njan aatuun na bui uŋeen aatɔ na ke, “Li san ki ti bui unachipɔɔn u joo ŋŋmin mu bi joo ŋaŋni tiwan aafɔfɔk na, ke binib ni tiwakor ti ga li bi Jerusalem aatiŋ ni na ga li wiir pam, le Jerusalem aatiŋ ga li wiir ki jer baah ga ŋmaa maa ŋigon gob ki pu na.

Tibɔnyaan ti Luk ŋmee ti na 14:21

“Le ututunn ngbaan gir kun udindaan chee, ki ti tuk u bi mɔmɔk aah len pu na. Le liŋuul chuu u. Le u bui waatutunn ngbaan, ‘Li cha kinyaŋ ni mala, ki ti yin ni bigiim, ni bitaageeb, ni bijoom, ni biwɔb, ke bi dan nan ji.’

2 Tesalonika 2:10

ki li kpa nlan mu kaa ŋan na ke u ŋmann binib bi Uwumbɔr ga daa bitafal na. Bi yii Uwumbɔr aabɔr ti ga cha bi ŋmar na, kaa gee ti. Nima le Uwumbɔr ga daa bitafal.