Jeremia 49:4 - Uwumbɔr aagbaŋ

⁴ Ba ŋa nimi binib bi kaa dii Uwumbɔr na kpa kipupuk? Nimi aapɔɔn bi door la. Ba ŋa ni kpa nibaa aapɔɔn pu naadii ki len ke ubaa aan kaa ki tak nimi?

Jeremia 49:4 ပူးပေါင်းရင်းမြစ်များ

Ilahn 49:6

kaa san titunwanbirdam bi di naadii tii baawangol, ki puur tipupuur baawankpal sakpeln ngbaan pu na ijawaan.

Ilahn 52:7

“Lik, uja u kaa nan di Uwumbɔr yin nibaa na sɔ, u nan lik waawangol pu la, ki dak ke mbiin le ga tii u lifuur ki gaa u lii.”

Ilahn 62:10

Taa tii mbimbinpɔɔl naadii; taa li mak ke nnaayupɔɔn ga tii si tinyoor tibaa; hali saawangol yaa moo kpae kan, taa li ka nyiibaa li pu.

Ŋiyataŋak 10:15

Biwankpadam aawangol le kii bi, le igiin mu ku bigiim.

Jeremia 21:13

Nimi Jerusalem yaab ka ŋibɔrjal paab, le tifatann bi ni taab, le ni bi ke litakpal li ŋub kitiŋ ki dɔ taar na aah bi pu na. Le m ga jan nimi kijaak. Ni bui ke ubaa aan ŋmaa tak nimi, kaan ŋmaa bɔ nimi aajab ni ki jer.

Jeremia 3:14

“Nimi bi nyan mpuwɔb na, gir ni man; ni ye maanib la. M ga nyan ni ponn ni ubaabaa kitiŋ mɔmɔk ni, ki nyan bilelee ntaŋaal mɔmɔk ni, ki di nimi giin ni Sionn Aajool paab.

Jeremia 31:22

Nimi maa‑kpa‑gaakii‑dam, ni ga li joo beeni ki ti saa bayoonn? M ŋa tiwachann yayan nibaa, ni bi niyayan ke upii aah kiir uja pu na la.”

Jeremia 48:7

Moab aatiŋ, aa nan mak saapɔɔn ni saawangol pu la, le dandana ma kan, aa ga lir; bi ga yoor saawaal Kemos ni laawaadabim, ni laatotoorb ki di buen.

Jeremia 49:16

Saagaak le ŋmann si. Ubaa aa san si ke saah dak ke bi san si pu na. Aa bi ŋijootakpal paab la, ki bi ŋijoo aapaachapaacham; tɔ, aa koo paachapaacham ke likaagiil na la, Uwumbɔr mu tee ga sunn si taab. Uwumbɔr le len kina.”

Jeremia 7:24

Le baa kii maamɔb, kaa kpa ntafaŋum mu, le ki tee tun baamaaŋuntafal ni baatunwanbir aasui ngbaan aah bui bi pu na, le ki moo bii cha.

Jeremia 9:23

Uwumbɔr ki bui ke, “Bilandam taa li kpa kipupuk baalan pu, binib bi pɔɔ na mu taa li kpa kipupuk baapɔɔn pu, biwankpadam mu taa li kpa kipupuk baawangol pu.

Hosea 4:16

Israel aanib aatafal pɔɔ ke uŋoob na la. Maan kpiin bi mmoŋmɔpaan ni ke ipihbi na.

1 Timoti 6:17

Aa sur binib bi kpa liwankpal dulnyaa wee ni na ke bi taa li kpa kalmbaani, ki taa li kpa limakl liwankpal ngbaan pu. Ba pu? li ye libuln la. Bi li kpa limakl Uwumbɔr pu. U tii timi sakpen, le taa ti ki nyi ni mɔmɔk; u ban ke ti gaa, ki li kpa mpopiin.

Tibɔkpiirkaan 18:7

Kitiŋ ngbaan nan nyuŋ kibaa ki gaa tiwanyaan ki ti nyaŋ. Cha ki ji falaa ki li kpa mpombiin ki ti ki saa kina; ba pu? ki len kisui ni ke ki ye ubɔrpii, kaa ye ukpopii, kaan kan mpombiin kpala.