Jeremia 49:37 - Uwumbɔr aagbaŋ

³⁷ M ga cha Elam aanib san baadim bi ban bi ku bi na ijawaan. Maaŋuusakpeln ponn ni le m ga kuln Elam aanib ki cha bijab dan nan lir bi pu ki ti saa buyoonn m ga ŋar bi mɔmɔk ŋŋaan na.

Jeremia 49:37 ပူးပေါင်းရင်းမြစ်များ

Jeremia 48:2

Moab aanyaan doo a. Bidim nyaŋ Hesbonn yaab a, le ki kpokl ke bi ti tak Moab aatimbol. Madmenn aatiŋ ponn ni ga ŋmin chii; bijab ga tak ki.

Jeremia 48:39

Moab bii doo a. Li wii man. Moab jin inimɔɔn a. Ki ber doo, le ŋitimbol ŋi mann goln ki na yuul ki. Min Uwumbɔr le len kina.”

Jeremia 49:22

Bidim ga boon ni ke likaagiil na le ki nan tak Bosra aatiŋ. Liyaadaal ngbaan kan, Edom aajab ga san ijawaan ke upii u imalween joo u na la.”

Jeremia 49:24

Damaskus aanib aawon yɔl le ijawaan cha bi san. Iween ni falaa joo bi ke imalween aah joo upii pu na la.

Jeremia 49:29

Gaa baagban aaboo, ni baawakor, ni baaboo aakeken, ni tiwan ni mɔmɔk bi ŋiboo ngbaan ponn ni na man. Gaa man baalaakumii mam, ki bui binib ngbaan ke, ‘Ijawaan le mann goln nimi na.’

Jeremia 49:38

M ga ku baabɔrb ni baasalolm, le ki di maabɔrjal siin nima.

Jeremia 49:5

M ga cha ijawaan nya ŋipepel mɔmɔk ki chuu nimi. Ni mɔmɔk ga san. Unii mɔk ga li san ban ubaa la, le ubaa aan li bi ki ki kuun nimi aajab.

Jeremia 50:36

Nkun li bi bibɔnabr bi ye binyamɔndam na pu, bi ye bijɔrb la. Nkun li bi kaajab pu, ijawaan chuu bi a.

Jeremia 6:19

Kitiŋ, li pel. Maanib aabeebee aatuln pu le m ban m joo ni libiil nan lii bi pu, ba pu? bi yii maamɔkm kaa tii maabɔr naadii.

Jeremia 9:15

Kina pu na, li pel man, min, Uwumbɔr Mpɔɔnsakpiindaan, u ye Israel yaab Aawumbɔr na aah ban m ŋa pu na; m ga di tijikaar ti to na le tii maanib bi ji, ki tii bi njinn bi nyu.

Jeremia 9:16

M ga cha bi yaa koo ŋitimbol ŋi bima ni biyaajatiib aa kee ŋun ŋi pu na ni, le ki di bijab tun ti tak bi ki ti saa buyoonn m ga kuln bi na.”

Esekiel 12:14

M ga cha waachiln ni aanib, ni waasusurb, ni waakikiib yaa buen ŋipepel mɔmɔk, le binib ga li chuun ban bi ke bi ku bi.

Esekiel 32:23

le baakaakul bi kitekpiitiŋ aapepel li nyoo sakpen na ni. Asiria aatɔb aajab mɔmɔk nan lir butɔb ni, le baakaakul mann goln uyaal. Tɔ, bi mu nan tee faan binifuub aatiŋ sakpen.

Esekiel 5:12

Nimi aanib ŋiker ŋitaa ponn ni aaker libaa ga kpo iween, ni nkon aakun kitiŋ ngbaan ponn ni; le liker liken ga bee kijaak aajuk aakun ni, kitiŋ ngbaan aagbaan; le m ga di litatar na yaa tii libuln, ki di maajaak aajuk paan bi pu.

Esekiel 5:2

Butɔb aajab aah ŋa tiwan ni mɔmɔk ki gob Jerusalem aatiŋ na yaa nan jer kan, aa di liker libaa ŋa mmii ni, kitiŋ ngbaan ponn ni. Di saajaak aajuk chɔi chɔi liker liken buyoonn aa nyan kitiŋ ngbaan ni ki bi chuun na. Di liker li gur na yaa libuln ni, aan m di maajaak aajuk paan ti pu.

Liifai Yaab 26:33

M ga cha nimi aadim to nimi butɔb ki jenn yaa nimi koon ntiyayam ni. Nimi aatim ga bii doo, le ubaa aan ki li bi nimi aatiŋ ni.