Jeremia 49:36 - Uwumbɔr aagbaŋ

³⁶ M ga cha libuln nya ni ŋipepel mɔmɔk ki nan daa Elam pu, m ga cha kaanib yaa buen ni kookoo, ki ti saa buyoonn kaakusam ga li bi kitiŋ mɔmɔk ni na.

Jeremia 49:36 ပူးပေါင်းရင်းမြစ်များ

Ilahn 147:2

Uwumbɔr ki bi maa Jerusalem la; u bi giini binib bi nan bi tinaagbiir ni na la.

Aisaya 11:12

Uwumbɔr ga yoor limɔkl aatuutaa paacham, ki mɔk ke u bi kuuni Israel ni Juda yaab bi nan yaa ki bi ntim yayam ni na, ki nyan ni bi dulnyaa aapepel ŋinaa na mɔmɔk ni.

Aisaya 27:13

Nwiin ngbaan daal yaa nan fuu ni kan, kakaan ga wii ki yin Israel yaab bi bi Asiria ni Ijipt aatim ni tinaagbiir ni na ke bi gir ni. Bi ga dan ki nan doon Uwumbɔr, Jerusalem aatiŋ ponn ni, waajool paab.

Aisaya 56:8

Tidindaan Uwumbɔr u nyan ni waanib Israel yaab tinaagbiir ni na, puu ke u ga nyan binib biken nan kpee bi pu.

Jeremia 30:17

Ni yaa po ye ke nimi aadim len ke, ‘Bi di Sionn mee a; ubaa aatafal aa ki bi u ni’ kan, m ga ki cha ni pɔɔk, m ga cha nimi aabuun yann. Min Uwumbɔr le len kina.”

Jeremia 49:32

“Chur baalaakumii tiib ni tiwakor man. M ga cha binib bi chee biyigbeer pu aayikpir na yaa ni kookoo, ki ga cha tibɔbir nya ni ni kookoo ki nan pii bi.

Esekiel 5:10

Kina pu na, tetiib ni natiib bi bi Jerusalem ponn ni na ga ŋmɔ baabim, le mbim mu ga ŋmɔ tetiib ni natiib. M ga daa nitafal le ki cha bi ŋmar na yaa buen ŋipepel mɔmɔk ni.

Esekiel 5:12

Nimi aanib ŋiker ŋitaa ponn ni aaker libaa ga kpo iween, ni nkon aakun kitiŋ ngbaan ponn ni; le liker liken ga bee kijaak aajuk aakun ni, kitiŋ ngbaan aagbaan; le m ga di litatar na yaa tii libuln, ki di maajaak aajuk paan bi pu.

Daniel 11:4

Buyoonn waapɔɔn ti moo nyaŋ na, le waanaan ga bii ki yakr nfum munaa pu. Bibɔrb bi ga ji nnaan waanaan ni na aan li ye waamaal ni aanib, bi mu aan li kpa mpɔɔn mu u nan kpa na.

Daniel 8:22

N‑yiin ngbaan aah nan koo aan iyiin inaa i nyan ni mu aabuul ni na ye nnaan ngbaan aah ga nan yakr nfum munaa pu pu na la, mu mu aan nan li pɔɔ ke njan aanaan na.

Daniel 8:8

Le uŋoja ngbaan moo pɔɔk ki mak pam, le buyoonn waapɔɔn ti ban mu nyaŋ na, le waayiin ngbaan chuu koo. Mu aah koo na, le iyiin inaa i fɔk ki gbei na nyan mu aabuul ni. I mɔmɔk nan lik yaapepel ibaabaa la.

Amos 9:9

“M ga tii maamɔboln ki cha Israel aanib deŋ ke baah bi yak n‑yon le kiyayak ponn ni na. Ŋinibol mɔmɔk ponn ni, m ga yak bi, ki nyan binib bi kaa bi tibaa ni na.

Sekaria 6:5

Le u gar mi ke, “Itaan aatɔroku tiib binaa ngbaan le ye libuln ki nyani liwipuul, ni liwilir, ni ŋŋangan, ni ŋŋangii wɔb na, li laa nyan ni Uwumbɔr u yeh kitiŋ kee mɔmɔk na aanimbiin ni la.

Ikaal 28:25

“Uwumbɔr ga cha nimi aadim nyaŋ nimi. Ni ga nya ni lipepel libaa wɔb le ki nan tak bi, le bi nyaŋ nimi ki cha ni san yaa tɔb chee ki buen ŋipepel mɔmɔk. Le dulnyaa ni aanib mɔmɔk yaa kan tiwan ni ŋa nimi na kan, ijawaan ga chuu bi.

Ikaal 28:64

“Uwumbɔr ga cha ni yaa buen ŋinibol ŋiken mɔmɔk ponn ni, ki di ti nya dulnyaa aapepel libaa ki ti ker liken, nima chee le ni ga doon ŋitakpal ni idɔ aawaa ŋi nimi ni niyaajatiib aa nan nyi dooni ŋi na.

Tibɔkpiirkaan 7:1

Nimina aapuwɔb le m kan Uwumbɔr aatuuntiib binaa si dulnyaa aapepel mɔmɔk ŋinaa, ki kiir libuln ke li taa ki daa kitiŋ ni, ki taa daa nnyusakpem ni, ki taa daa isui ni.