Jeremia 49:3 - Uwumbɔr aagbaŋ

³ Hesbonn aanib, li wii man. Ai aatiŋ kuln a. Raba aapiib, li wii ikpowiil man. Di tiwanpeenkaan ni saak kuub na ki di peen ki li wii. Li san gonni man. Bi ga yoor nimi aawaal Milkom buen tinaagbiir ni, ki kpaan yoor laatotoorb ni laawaadabim mu.

Jeremia 49:3 ပူးပေါင်းရင်းမြစ်များ

2 Samuel 11:1

Unaalan yoonn, n‑yoonn mu libiln mɔmɔk ni bibɔrb jaa kijaak na, le David nan tun Joab, ni waaninkpiib, ni Israel aajab, le bi ti nyaŋ Amonn yaab ki gob baatiŋ Raba. David ubaa nan gaar Jerusalem ni.

1 Bibɔrb 11:33

Solomonn aa yii mi ki dooni ŋiwaa na pu le m ga ŋa kina. U dooni Saidonn yaab aawaapii Astaate; ni Moab yaab aawaal Kemos, ni Amonn yaab aawaal Molek. Solomonn yii maamɔb; u tun mi taani, kaa joo maakaal, ni maah bui u pu na, ke ute David aah nan joo pu na.

1 Bibɔrb 11:5

U nan dooni Saidonn aawaapii Astaate, ni Amonn yaab aawaal Molek li bir na.

2 Bibɔrb 23:13

Josia nan bii ŋiwaa aatork aabimbin ŋi Ubɔr Solomonn nan maa Jerusalem aatiŋ ponn ni aawipuul wɔb, ki bi Olif Aajool aaŋangii wɔb na, ŋiwaabimbin ngbaan pu le bi nan dooni tijɔŋ aawaa. Nima le ye Saidonn aawaapii Astaate, ni Moab aawaal Kemos, ni Amonn aawaal Molek.

Aisaya 13:6

Li wii man iween pu. Uwumbɔr aawiin duun ni a, bundaal uma Mpɔɔnsakpiindaan ga joo ni libiil na duun ni a.

Aisaya 14:31

Nimi Filistia aatim mɔmɔk, li wii ki gbei ki ban nterm man. Ni mɔmɔk san ijawaan man. Kitangbaak sakpeŋ kibaa nyan ni ŋŋangan wɔb ki choo, ni ye bijakaab ŋmeen la, bijawaandam aa bi bi ponn ni.

Aisaya 15:2

Dibonn yaab jon ligongoln paab ki ti wii kiwaachuk ni. Moab yaab wii Nebo ni Medeba aatim aanib pu; bi kuu biyikpir ni bilangban mpombiin pu.

Aisaya 16:7

Moab aanib ga wii baafalaa u bi jin na pu. Bi mɔmɔk yaa teer baah nan ji tijikaar nyaan ti Kir Heres ni na pu kan, bi ga wii. Biwon ga yɔl.

Aisaya 23:1

Taya yaab aabɔr sɔ. Li ker idun mpombiin pu man, nimi bi ŋaal iŋɔi nnyusakpem ponn ni na. Nin chee iŋɔi sii nido Taya aatiŋ ni na bii doo a; nima chee aadichal ni iŋɔi aah doo nin chee na ber doo a. Buyoonn nimi aaŋɔi ga nya Saiprus ki gir ni na, le ni ga ŋun tibɔr ngbaan.

Aisaya 23:6

Li wii man mpombiin pu, nimi Fonisia yaab. Pɔɔn man nibaa ki san buen Speenn aatiŋ ni.

Jeremia 4:8

Kina pu na, di tiwanpeenkaan ni saak kuub na peen, ki li wii ki kaani, Uwumbɔr aaŋuusakpeln aah kaan fenn cha Juda pu na pu.

Jeremia 46:25

Uwumbɔr Mpɔɔnsakpiindaan, u ye Israel yaab Aawumbɔr na len ke, “M ga daa Tebes aawaal Amonn, ni Ijipt aatiŋ, ni kaawaa, ni kaabɔrb aatafal. M ga yoor Ijipt aabɔr ni binib bi mɔmɔk di naadii tii u na,

Jeremia 48:2

Moab aanyaan doo a. Bidim nyaŋ Hesbonn yaab a, le ki kpokl ke bi ti tak Moab aatimbol. Madmenn aatiŋ ponn ni ga ŋmin chii; bijab ga tak ki.

Jeremia 48:20

Bi ga gar ke, ‘Moab aatiŋ lir a, ki jin inimɔɔn a; li wii ki pu man. Moon Anonn Aamɔɔgban ke Moab aatiŋ ber a.’

Jeremia 48:37

Bi mɔmɔk kuu biyikpir ni bilangban lii. Bi di njum geei ki daan biŋaal, le bi mɔmɔk pee tiwanpeenkaan ni saak kuub na.

Jeremia 48:7

Moab aatiŋ, aa nan mak saapɔɔn ni saawangol pu la, le dandana ma kan, aa ga lir; bi ga yoor saawaal Kemos ni laawaadabim, ni laatotoorb ki di buen.

Jeremia 49:1

Uwumbɔr aah nan len Amonn aatiŋ aabɔr ti na sɔ: “Israel aajab bi la chee? Ubaa aa bi ki kiir baatiŋ aa? Ba ŋa bi cha Amonn aanib bi dii liwaal Milkom na gaa Gad aanibol aapepel ki kal nima?

Jeremia 51:8

Babiloŋ kpaan lir libuul ngbaan ni le ki kuln. Wii kaakpuul man. Ban nnyɔk ki nan ŋa kaabuun ni, nibaakan, i ga yann.

Jeremia 6:26

Le Uwumbɔr bui waanib ke, “Di tiwanpeenkaan ni saak kuub na peen, ki di nfatan pɔŋ nibaa. Li wii ikpowiil ke lijapɔnbaal aah kpo kan, bi wii pu na; ba pu? unii u choo u nan bii doo nimi na ga fuu ni n‑yoonn mu naa dak u pu na la.

Amos 1:15

Le baadim ga di baabɔrkpaan ni waaninkpiib buen tinaagbiir ni.”

Sefania 1:5

M ga kuln unii umɔk joi ŋidichal aapaacham ki ti dooni nwiin, ni uŋmal, ni iŋmabi na. M ga kuln binib bi mɔmɔk dooni mi ki bui ke bi ga kii maamɔb, ki tee puur liwaal li bi yin li ke Milkom na.

Jemisi 5:1

Nimi biwankpadam, ni li pel man. Ni li wii ki li kaani falaa u ga pii nimi na pu.

Josua 7:2

Josua nan nyan waanib Jeriko aatiŋ ni, ki tun bi Ai aatiŋ ni, kitiŋ ngbaan nan bi Betel aawipuul wɔb la, ki bi gbɔk Bef Afenn aatiŋ na, ke bi chuun pekr lik kitiŋ ngbaan. Baah buen ki labr ni na,

Josua 8:1

Uwumbɔr nan bui Josua ke, “Di bijab mɔmɔk buen aan ni ti to Ai yaab butɔb. Taa san ijawaan, ki taa cha aawon yɔl. Min le ga cha aa nyaŋ Ai aabɔr, ni waanib, ni waatiŋ, ni kaatingbaan mɔmɔk, le ki ga li ye nimi yaan.

Josua 8:28

Josua nan see Ai aatiŋ ngbaan mmii, le ki kpaln ŋilangben ŋmeen ki nan saa din.